ਨਵੀਂ ਦਿਲੀ (ਭਾਸ਼ਾ) : ਕੇਂਦਰ ਦੇ ਖੇਤੀਬਾੜੀ ਕਾਨੂੰਨਾਂ ਦੇ ਵਿਰੋਧ ਵਿੱਚ ਅੰਦੋਲਨ ਕਰ ਰਹੇ ਕਿਸਾਨਾਂ ਦੇ ਨਾਅਰਿਆਂ, ਤਾੜੀਆਂ ਅਤੇ ਭਾਸ਼ਣਾਂ ਦੇ ਰੌਲੇ ਦਰਮਿਆਨ ਇੱਕ ਸਟਾਲ ਅਜਿਹਾ ਹੈ, ਜਿੱਥੇ ਖੇਤੀਬਾੜੀ ਵਿਸ਼ੇ ’ਤੇ ਟੈਟੂ ਬਣਾਏ ਜਾ ਰਹੇ ਹਨ ਅਤੇ ਲੋਕ ਵੱਖ-ਵੱਖ ਨਾਅਰਿਆਂ ਵਾਲੇ ਟੈਟੂ ਬਣਵਾ ਕੇ ਅਨੋਖੇ ਅੰਦਾਜ ਵਿੱਚ ਆਪਣਾ ਵਿਰੋਧ ਦਰਜ ਕਰਵਾ ਰਹੇ ਹਨ।
ਟੈਟੂ ਟੀਮ ਦੇ ਮੁਖੀ ਚੇਤਨ ਸੂਦ ਸਿੰਘੂ ਸਰਹੱਦ ’ਤੇ ਅੰਦੋਲਨ ਕਰ ਰਹੇ ਇੱਕ ਸਿੱਖ ਨੌਜਵਾਨ ਦੀ ਬਾਂਹ ’ਤੇ ਟੈਟੂ ਨੂੰ ਅੰਤਿਮ ਰੂਪ ਦੇਣ ਵਿੱਚ ਰੁੱਝੇ ਹਨ ਅਤੇ ਕਹਿੰਦੇ ਹਨ ਕਿ ਇਹ ਸੰਦੇਸ਼ ਦੇਣ ਦਾ ਇੱਕ ਤਰੀਕਾ ਹੈ ਕਿ ਆਮ ਆਦਮੀ ਵੀ ਕਿਸਾਨਾਂ ਦੇ ਨਾਲ ਹੈ। ਸੂਦ ਕਹਿੰਦੇ ਹਨ ਕਿ ਟੈਟੂ ਬਣਾਉਣ ਦੇ ਕੰਮ ਵਿੱਚ ਮਾਹਰ ਉਨ੍ਹਾਂ ਦੇ 5 ਸਾਥੀ ਵੀ ਇਸ ਅੰਦੋਲਨ ਦਾ ਹਿੱਸਾ ਬਨਣਾ ਚਾਹੁੰਦੇ ਸਨ ਅਤੇ ਉਨ੍ਹਾਂ ਨੇ ਉਸੇ ਤਰ੍ਹਾਂ ਨਾਲ ਯੋਗਦਾਨ ਦੇਣ ਦਾ ਫ਼ੈਸਲਾ ਕੀਤਾ, ਜਿਸ ਵਿੱਚ ਉਹ ਲੋਕ ਮਾਹਰ ਹਨ।
ਇਹ ਵੀ ਪੜ੍ਹੋ : ਹੱਡ ਚੀਰਵੀਂ ਠੰਡ ’ਚ ਕਿਸਾਨਾਂ ਨੂੰ ਸੰਘਰਸ਼ ਕਰਦੇ ਵੇਖ਼ ਛਲਕਿਆ ਸੋਨੂ ਸੂਦ ਦਾ ਦਰਦ, ਆਖੀ ਇਹ ਗੱਲ
ਲੁਧਿਆਣਾ ਤੋਂ ਇਹ ਲੋਕ ਸ਼ੁੱਕਰਵਾਰ ਸਵੇਰੇ ਆਪਣੇ ਸਾਜੋਸਾਮਾਨ ਨਾਲ ਦਿੱਲੀ ਹਰਿਆਣਾ ਸਰਹੱਦ ’ਤੇ ਪੁੱਜੇ। ਟੈਟੂ ਦੀ ਵਿਸ਼ਾ ਵਸਤੁ ਖੇਤੀਬਾੜੀ ਹੈ, ਜਿਸ ਵਿੱਚ ਫਸਲ ਕੱਟਦੇ ਕਿਸਾਨ, ਖੇਤੀਬਾੜੀ ਯੰਤਰਾਂ ਨਾਲ ਕਿਸਾਨ ਆਦਿ ਚਿੱਤਰ ਬਣਾਏ ਜਾ ਰਹੇ ਹਨ। ਇਨ੍ਹਾਂ ਦੇ ਇਲਾਵਾ ‘ਕਰ ਹਰ ਮੈਦਾਨ ਫਤਿਹ’, ‘ਨਿਸ਼ਚੇ ਕਰ ਅਪਨੀ ਜੀਤ ਕਰੋ’, ‘ਨਿਰਭਉ ਨਿਰਵੈਰ’ ਵਰਗੇ ਪ੍ਰੇਰਕ ਨਾਅਰੇ ਵੀ ਲਿਖੇ ਜਾ ਰਹੇ ਹਨ।
ਸੂਦ ਦੱਸਦੇ ਹਨ ਕਿ ਇਹ ਸਥਾਈ ਟੈਟੂ ਹਨ ਅਤੇ ਹਰ ਇੱਕ ਦੀ ਕੀਮਤ ਘੱਟ ਤੋਂ ਘੱਟ 3,500 ਰੁਪਏ ਹੈ। ਸੂਦ ਅਤੇ ਉਨ੍ਹਾਂ ਦੇ ਦਲ ਦਾ ਟੀਚਾ 3 ਦਿਨ ਵਿੱਚ ਕਰੀਬ 200 ਟੈਟੂ ਬਣਾਉਣਾ ਹੈ ਅਤੇ ਉਹ ਵੀ ਫ੍ਰੀ। ਉਨ੍ਹਾਂ ਨੇ ਦੱਸਿਆ ਕਿ ਇੱਕ ਟੈਟੂ ਬਣਾਉਣ ਵਿੱਚ ਕਰੀਬ 30 ਮਿੰਟ ਲੱਗਦੇ ਹਨ। ਹੁਸ਼ਿਆਰਪੁਰ ਦੇ ਧੀਰਪਾਲ ਸਿੰਘ (33) ਨੇ ਆਪਣੀ ਬਾਂਹ ਵਿੱਚ ’ਤੇ ਟਰੈਕਟਰ ਬਣਵਾਇਆ ਹੈ ਅਤੇ ਉਹ ਕਹਿੰਦੇ ਹਨ ਕਿ, ‘ਇਸ ਨਾਲ ਸਹੀ ਵਿੱਚ ਇੱਥੇ ਨੌਜਵਾਨਾਂ ਵਿੱਚ ਹੋਰ ਜੋਸ਼ ਵਧਣ ਵਾਲਾ ਹੈ।’ ਇਨ੍ਹਾਂ ਦੇ ਕੋਲ ਹੀ ਇੱਕ ਮੈਡੀਕਲ ਕੈਂਪ ਲਗਾਇਆ ਗਿਆ ਹੈ, ਜਿੱਥੇ ਲੋਕਾਂ ਨੂੰ ‘ਇਮਿਊਨਿਟੀ ਵਧਾਉਣ’ ਵਾਲੀਆਂ ਦਵਾਈਆਂ ਦਿੱਤੀਆਂ ਜਾ ਰਹੀਆਂ ਹਨ। ਬਾਬਾ ਬਲਵਿੰਦਰ ਜੀ ਧਰਮਾਰਥ ਟਰੱਸਟ ਨੇ ਇਹ ਕੈਂਪ ਲਗਾਇਆ ਹੈ। ਹੁਸ਼ਿਆਰਪੁਰ ਜ਼ਿਲ੍ਹੇ ਤੋਂ ਆਏ ਡਾ. ਅਸ਼ਵਨੀ ਕੁਮਾਰ ਨੇ ਦੱਸਿਆ ਕਿ ਇਨ੍ਹਾਂ ਵਿੱਚ ਮਲਟੀਵਿਟਾਮਿਨ, ਜ਼ਿੰਕ ਅਤੇ ਆਇਰਲ ਦੀਆਂ ਦਵਾਈਆਂ ਸ਼ਾਮਲ ਹਨ।
ਇਹ ਵੀ ਪੜ੍ਹੋ : ਰੋਜ਼ਗਾਰ ਦੇ ਮੋਰਚੇ ’ਤੇ ਚੰਗੀ ਖਬਰ, 10 ਲੱਖ ਲੋਕਾਂ ਨੂੰ ਰੋਜ਼ਗਾਰ ਦੇਵੇਗੀ ਇਹ ਇੰਡਸਟਰੀ
ਨੋਟ : ਇਸ ਖ਼ਬਰ ਬਾਰੇ ਕੀ ਹੈ ਤੁਹਾਡੀ ਰਾਏ। ਕੁਮੈਂਟ ਕਰਕੇ ਦਿਓ ਜਵਾਬ।
NRI ਨਾਲ ਵਿਆਹੀ ਕੁੜੀ ਦੀ ਰੁਲ੍ਹੀ ਜ਼ਿੰਦਗੀ, ਪਤੀ ਦੇ ਅਸਲ ਰੰਗ ਨੇ ਚੂਰ-ਚੂਰ ਕੀਤੇ ਸੁਫ਼ਨੇ
NEXT STORY 
