ਜਲੰਧਰ (ਬੁਲੰਦ): ਦਿੱਲੀ ਵਿਧਾਨ ਸਭਾ ਚੋਣਾਂ ਦੇ ਨਾਲ-ਨਾਲ ਭਾਜਪਾ ਵਲੋਂ ਅਕਾਲੀ ਦਲ ਦੀ ਘੇਰਾਬੰਦੀ ਤੇਜ਼ ਕਰ ਦਿੱਤੀ ਗਈ ਹੈ। ਹਰਿਆਣਾ ਵਿਚ ਅਕਾਲੀ ਦਲ ਦੀ ਜ਼ਮੀਨ ਖੋਹਣ ਤੋਂ ਬਾਅਦ ਦਿੱਲੀ ਵਿਚ ਭਾਜਪਾ ਨੇ ਅਕਾਲੀ ਦਲ ਨੂੰ ਮੈਦਾਨ 'ਚੋਂ ਬਾਹਰ ਦਾ ਰਾਹ ਦਿਖਾਉਣ ਦੇ ਨਾਲ ਹੀ ਦਿੱਲੀ ਵਿਚ ਸਿੱਖ ਵੋਟਰਾਂ ਨੂੰ ਆਪਣੇ ਨਾਲ ਜੋੜਨ ਲਈ ਰਣਨੀਤੀ ਤਿਆਰ ਕਰ ਰਹੀ ਹੈ। ਇਸੇ ਰਣਨੀਤੀ ਦੇ ਤਹਿਤ ਦੋ ਦਹਾਕਿਆਂ ਤੋਂ ਜ਼ਿਆਦਾ ਸਮੇਂ ਤਕ ਕਾਂਗਰਸ ਦੇ ਮਜ਼ਬੂਤ ਸਿੱਖ ਸਮਰਥਕਾਂ ਦੇ ਤੌਰ 'ਤੇ ਦਿੱਲੀ ਦੇ ਸਰਨਾ ਭਰਾਵਾਂ ਦੀ ਭਾਜਪਾ ਨਾਲ ਨੇੜਤਾ ਨੇ ਸ਼੍ਰੋਮਣੀ ਅਕਾਲੀ ਦਲ ਬਾਦਲ ਦੀ ਨੀਂਦ ਉਡਾ ਦਿੱਤੀ ਹੈ
ਬਾਦਲ ਵਿਰੋਧੀ ਸਿੱਖਾਂ ਨੂੰ ਇਕ ਸਟੇਜ 'ਤੇ ਲਿਆਏਗੀ ਭਾਜਪਾ
ਮਾਮਲੇ ਬਾਰੇ ਦਿੱਲੀ ਦੇ ਭਾਜਪਾ ਸੂਤਰਾਂ ਦੀ ਮੰਨੀਏ ਤਾਂ ਜਿਸ ਤਰ੍ਹਾਂ ਅਕਾਲੀ ਦਲ ਨੂੰ ਭਾਜਪਾ ਨੇ ਇਕ ਵੀ ਸੀਟ ਦੇਣ ਤੋਂ ਨਾਂਹ ਕਰ ਕੇ ਚੋਣ ਮੈਦਾਨ 'ਚੋਂ ਬਾਹਰ ਕੀਤਾ ਹੈ, ਉਸ ਤੋਂ ਬਾਅਦ ਬਾਦਲ ਦਲ ਨੇ ਭਾਜਪਾ ਨੂੰ ਸਬਕ ਸਿਖਾਉਣ ਲਈ ਦਿੱਲੀ ਵਿਚ ਆਪਣੇ ਸਿੱਖ ਨੇਤਾਵਾਂ ਨੂੰ ਨਿਰਦੇਸ਼ ਦਿੱਤੇ ਸਨ ਕਿ ਆਪਣੇ ਸਿੱਖ ਵੋਟ ਬੈਂਕ ਨੂੰ 'ਆਪ' ਵੱਲ ਮੂਵ ਕਰ ਦਿਓ ਤਾਂ ਕਿ ਭਾਜਪਾ ਨੂੰ ਇਸ ਦਾ ਨੁਕਸਾਨ ਹੋਵੇ ਪਰ ਭਾਜਪਾ ਨੇ ਦੋ ਕਦਮ ਅੱਗੇ ਚੱਲਦੇ ਹੋਏ ਦਿੱਲੀ ਦੇ ਪੁਰਾਣੇ ਖੁੰਡ ਸਿੱਖ ਨੇਤਾ ਸਰਨਾ ਭਰਾਵਾਂ ਨਾਲ ਸੰਪਰਕ ਸਥਾਪਿਤ ਕਰ ਕੇ ਅਕਾਲੀ ਦਲ ਵਿਚ ਸੰਨ੍ਹ ਲਗਾਉਣ ਦੀ ਤਿਆਰੀ ਸ਼ੁਰੂ ਕਰ ਦਿੱਤੀ ਹੈ। ਪਰਮਜੀਤ ਸਰਨਾ ਦੇ ਜ਼ਰੀਏ ਭਾਜਪਾ ਨੇ ਕਈ ਬਾਦਲ ਦਲ ਦੇ ਅਕਾਲੀ ਨੇਤਾਵਾਂ ਨਾਲ ਸੰਪਰਕ ਕੀਤਾ ਹੈ ਕਿ ਚੋਣਾਂ ਵਿਚ ਜੇਕਰ ਉਹ ਸਿੱਖ ਵੋਟ ਬੈਂਕ ਨੂੰ ਭਾਜਪਾ ਦੀ ਝੋਲੀ ਵਿਚ ਪਾਉਂਦੇ ਹਨ ਤਾਂ ਉਸ ਦਾ ਚੋਣਾਂ ਤੋਂ ਬਾਅਦ ਉਨ੍ਹਾਂ ਨੂੰ ਫਾਇਦਾ ਮਿਲੇਗਾ, ਜਿਸ ਤੋਂ ਬਾਅਦ ਕਈ ਅਕਾਲੀ ਨੇਤਾ ਭਾਜਪਾ ਨਾਲ ਜੁੜਨ ਲੱਗੇ ਹਨ।
ਭਾਜਪਾ ਅਕਾਲੀ ਦਲ ਦਾ ਸਾਥ ਛੱਡੇ ਤਾਂ ਉਸਦੇ ਨਾਲ ਹੋਵਾਂਗੇ ਅਸੀਂ–ਸਰਨਾ
ਉਧਰ ਮਾਮਲੇ ਬਾਰੇ ਪਰਮਜੀਤ ਿਸੰਘ ਸਰਨਾ ਨਾਲ ਗੱਲ ਕੀਤੀ ਤਾਂ ਉਨ੍ਹਾਂ ਕਿਹਾ ਕਿ ਭਾਜਪਾ ਇਕ ਵੱਡੀ ਪਾਰਟੀ ਹੈ ਪਰ ਪੰਜਾਬ 'ਚ ਸ਼੍ਰੋਮਣੀ ਅਕਾਲੀ ਦਲ ਨੇ ਭਾਜਪਾ ਨਾਲ ਮਿਲ ਕੇ ਸਿੱਖ ਸਿਧਾਂਤਾਂ, ਗੁਰਦੁਆਰਿਆਂ, ਇੰਸਟੀਚਿਊਟਾਂ ਦਾ ਸੱਤਿਆਨਾਸ ਕੀਤਾ ਹੈ। ਜਦੋਂ ਉਨ੍ਹਾਂ ਕੋਲੋਂ ਪੁੱਛਿਆ ਗਿਆ ਕਿ ਭਾਜਪਾ ਦੇ ਸਿਰ 'ਤੇ ਆਰ. ਐੱਸ. ਐੱਸ. ਦਾ ਹੱਥ ਹੈ ਜੋ ਸਿੱਖੀ ਸਿਧਾਂਤਾਂ ਨੂੰ ਹਮੇਸ਼ਾ ਨੁਕਸਾਨ ਪਹੁੰਚਾਉਂਦੀ ਹੈ ਤੁਸੀਂ ਕਿਵੇਂ ਉਸ ਤੋਂ ਬਚੋਗੇ ਤਾਂ ਸਰਨਾ ਨੇ ਕਿਹਾ ਕਿ ਅਸੀਂ ਬਾਦਲਾਂ ਵਾਂਗ ਨਹੀਂ ਹਾਂ ਕਿ ਭਾਜਪਾ ਨਾਲ ਸਿਆਸੀ ਅਹੁਦੇ ਲੈ ਕੇ ਸਿੱਖੀ ਸਿਧਾਂਤਾਂ ਨੂੰ ਵੇਚ ਦੇਈਏ ਤੇ ਗੁਰੂ ਸਾਹਿਬਾਨ ਦੀ ਬੇਅਦਬੀ ਕਰਵਾਈਏ। ਉਨ੍ਹਾਂ ਕਿਹਾ ਕਿ ਅਸੀਂ ਭਾਜਪਾ ਨਾਲ ਮਿਲ ਕੇ ਵੀ ਸਿੱਖ ਸਿਧਾਂਤਾਂ ਤੇ ਿਸੱਖ ਸੰਸਥਾਵਾਂ ਨੂੰ ਅੱਗੇ ਲੈ ਕੇ ਜਾਵਾਂਗੇ। ਸਿੱਖਾਂ ਦਾ ਵਿਕਾਸ ਕਰਾਂਗੇ। ਉਨ੍ਹਾਂ ਕੋਲੋਂ ਪੁੱਛਿਆ ਗਿਆ ਕਿ ਕਾਂਗਰਸ ਦੇ ਨਾਲ ਤੁਹਾਡਾ ਇੰਨਾ ਪੁਰਾਣਾ ਰਿਸ਼ਤਾ ਰਿਹਾ ਹੈ ਤਾਂ ਤੁਸੀਂ ਕਿਵੇਂ ਇਸ ਤੋਂ ਪਿੱਛੇ ਹਟੋਗੇ ਤਾਂ ਸਰਨਾ ਨੇ ਕਿਹਾ ਿਕ ਵੀਹ ਸਾਲ ਤੋਂ ਜ਼ਿਆਦਾ ਉਹ ਕਾਂਗਰਸ ਦੇ ਨਾਲ ਰਹੇ ਹਨ ਅੱਜ ਤੱਕ ਉਨ੍ਹਾਂ ਨੇ ਕਾਂਗਰਸ ਤੋਂ ਕੋਈ ਰਾਜਨੀਤਕ ਅਹੁਦਾ ਜਾਂ ਲਾਭ ਨਹੀਂ ਲਿਆ। ਉਨ੍ਹਾਂ ਕਿਹਾ ਕਿ ਸਾਡਾ ਮੁੱਖ ਟਾਰਗੈੱਟ ਹੈ ਕਿ ਸਿੱਖਾਂ ਨੂੰ ਬਾਦਲਾਂ ਤੋਂ ਬਚਾਉਣਾ ਅਤੇ ਐੱਸ. ਜੀ. ਪੀ. ਸੀ. ਤੇ ਦਿੱਲੀ ਕਮੇਟੀ ਨੂੰ ਬਾਦਲਾਂ ਤੋਂ ਮੁਕਤ ਕਰਵਾਉਣਾ। ਉਨ੍ਹਾਂ ਕਿਹਾ ਿਕ ਦਿੱਲੀ ਦੇ ਸਿੱਖਾਂ ਨੇ ਬਾਦਲਾਂ ਤੋਂ ਿਕਨਾਰਾ ਕੀਤਾ ਹੈ ਇਸ ਸਮੇਂ ਸਿਰਸਾ ਜਾਂ ਉਸ ਦੇ ਨਾਲ ਦੋ ਚਾਰ ਨੇਤਾ ਹੀ ਬਚੇ ਹਨ ਉਹ ਵੀ ਜਲਦੀ ਹੀ ਹਾਸ਼ੀਏ 'ਤੇ ਹੋਣਗੇ।
ਭਾਜਪਾ ਹੋਈ ਸਫਲ ਤਾਂ ਉਲਟ ਸਕਦਾ ਹੈ ਡੀ. ਐੱਸ. ਜੀ. ਐੱਮ. ਸੀ. ਦਾ ਤਖਤਾ
ਇਸ ਸਬੰਧੀ ਦਿੱਲੀ ਚੋਣਾਂ 'ਤੇ ਡੂੰਘੀ ਨਜ਼ਰ ਰੱਖੀ ਬੈਠੇ ਸਿਆਸੀ ਮਾਹਿਰਾਂ ਦਾ ਕਹਿਣਾ ਹੈ ਕਿ ਜਿਸ ਤਰ੍ਹਾਂ ਸਰਨਾ ਗਰੁੱਪ ਨੇ ਸਿਧੇ ਤੌਰ 'ਤੇ ਸਿੱਖ ਵੋਟ ਬੈਂਕ ਨੂੰ ਭਾਜਪਾ ਦੇ ਹੱਕ ਿਵਚ ਸ਼ਿਫਟ ਕਰਨ ਲਈ ਕੋਸ਼ਿਸ਼ਾਂ ਸ਼ੁਰੂ ਕੀਤੀਆਂ ਹਨ ਅਤੇ ਜਿਸ ਤਰ੍ਹਾਂ ਬਾਦਲ ਦਲ ਦਾ ਸਿੱਖ ਵੋਟ ਬੈਂਕ ਦਿੱਲੀ ਵਿਚ ਕਮਜ਼ੋਰ ਹੋਇਆ ਹੈ ਉਸ ਤੋਂ ਲੱਗਦਾ ਹੈ ਕਿ ਜੇਕਰ ਦਿੱਲੀ ਵਿਚ ਭਾਜਪਾ ਮਜ਼ਬੂਤ ਸਥਿਤੀ ਵਿਚ ਪਹੁੰਚ ਜਾਂਦੀ ਹੈ ਜਾਂ ਸਰਕਾਰ ਬਣਾਉਣ ਿਵਚ ਕਾਮਯਾਬ ਹੁੰਦੀ ਹੈ ਤਾਂ ਇਸ ਦਾ ਸਿੱਧਾ ਲਾਭ ਸਰਨਾ ਭਰਾਵਾਂ ਨੂੰ ਮਿਲਣਾ ਤੈਅ ਹੈ ਅਤੇ ਦਿੱਲੀ ਵਿਚ ਜੇਕਰ ਭਾਜਪਾ ਦੀ ਸਰਕਾਰ ਬਣਦੀ ਹੈ ਤਾਂ ਡੀ. ਐੱਸ. ਜੀ. ਐੱਮ. ਸੀ. ਵਿਚ ਉਲਟਫੇਰ ਹੋ ਸਕਦਾ ਹੈ ਅਤੇ ਸਿਰਸਾ ਦਾ ਤਖਤਾ ਪਲਟ ਸਕਦਾ ਹੈ ਅਤੇ ਵਾਪਸ ਦਿੱਲੀ ਗੁਰਦੁਆਰਾ ਕਮੇਟੀ ਦੀ ਕਮਾਨ ਸਰਨਾ ਭਰਾਵਾਂ ਦੇ ਹੱਥਾਂ ਵਿਚ ਆ ਸਕਦੀ ਹੈ।
ਲੁਧਿਆਣਾ 'ਚ ਟ੍ਰੈਫਿਕ ਨਿਯਮ ਤੋੜਨ 'ਤੇ ਨਹੀਂ ਮਿਲੇਗਾ ਕੈਨੇਡਾ ਦਾ ਵੀਜ਼ਾ!
NEXT STORY 
