ਸੰਗਰੂਰ (ਰਾਜੇਸ਼ ਕੋਹਲੀ) : ਲੜਕੀ ਨਾਲ ਜਨਮਦਿਨ ਮਨਾਉਣ 'ਤੇ ਅਮਨ ਅਰੋੜਾ ਦੀ ਹੋਈ ਬੇਰਹਿਮੀ ਨਾਲ ਕੁੱਟਮਾਰ ਦਾ ਮਾਮਲਾ ਲਗਾਤਾਰ ਭੱਖਦਾ ਜਾ ਰਿਹਾ ਹੈ। 5 ਦਿਨਾਂ ਤੋਂ ਅਮਨ ਹਸਪਤਾਲ 'ਚ ਜਿੰਦਗੀ ਤੇ ਮੌਤ ਦੀ ਲੜਾਈ ਲੜ ਰਿਹਾ ਹੈ ਪਰ ਪੁਲਸ ਵਲੋਂ ਅਜੇ ਤੱਕ ਕੋਈ ਦੋਸ਼ੀ ਗ੍ਰਿਫਤਾਰ ਨਹੀਂ ਕੀਤਾ ਗਿਆ, ਜਦਕਿ ਹਮਲਾਵਰਾਂ ਵਲੋਂ ਲੜਕੇ ਦੇ ਪਰਿਵਾਰ ਤੇ ਸਾਥੀਆਂ ਨੂੰ ਸੋਸ਼ਲ ਮੀਡੀਆ 'ਤੇ ਸ਼ਰੇਆਮ ਧਮਕੀਆਂ ਦਿੱਤੀਆਂ ਜਾ ਰਹੀਆਂ ਹਨ। ਲੜਕੇ ਦੇ ਦੋਸਤਾਂ ਨੇ ਪੁਲਸ 'ਤੇ ਪੈਸੇ ਖਾਣ ਦੇ ਗੰਭੀਰ ਦੋਸ਼ ਲਗਾਏ ਹਨ। ਦੋਸ਼ੀਆਂ ਖਿਲਾਫ ਕਾਰਵਾਈ ਦੀ ਮੰਗ ਨੂੰ ਲੈ ਕੇ ਲੜਕੇ ਦੇ ਦੋਸਤ ਤੇ ਪਰਿਵਾਰਕ ਮੈਂਬਰ ਪੁਲਸ ਅਧਿਕਾਰੀ ਨੂੰ ਮਿਲੇ ਤੇ 3 ਦਿਨ ਦਾ ਅਲਟੀਮੇਟਮ ਦਿੰਦੇ ਹੋਏ ਦੋਸ਼ੀਆਂ ਨੂੰ ਗ੍ਰਿਫਤਾਰ ਕਰਨ ਦੀ ਮੰਗ ਕੀਤੀ।
ਉਧਰ ਪੁਲਸ ਦਾ ਕਹਿਣਾ ਹੈ ਕਿ ਸਾਰੇ ਦੋਸ਼ੀ ਫਰਾਰ ਹਨ, ਜਿਨ੍ਹਾਂ ਦੀ ਗ੍ਰਿਫਤਾਰੀ ਲਈ ਕੋਸ਼ਿਸ਼ਾਂ ਜਾਰੀ ਹਨ। ਫਿਲਹਾਲ ਇਨਸਾਫ ਲਈ ਪੁਲਸ ਥਾਣੇ ਦੇ ਚੱਕਰ ਕੱਟ ਰਹੇ ਪੀੜਤਾਂ ਨੇ ਚਿਤਾਵਨੀ ਦਿੱਤੀ ਹੈ ਕਿ ਜੇਕਰ ਵਾਅਦੇ ਮੁਤਾਬਕ ਪੁਲਸ ਨੇ ਸੋਮਵਾਰ ਤੱਕ ਦੋਸ਼ੀਆਂ ਨੂੰ ਗ੍ਰਿਫਤਾਰ ਨਾ ਕੀਤਾ ਤਾਂ ਉਹ ਚੱਕੇ ਜਾਮ ਕਰਨ ਲਈ ਮਜਬੂਰ ਹੋਣਗੇ।
ਦੱਸ ਦੇਈਏ ਕਿ 9 ਸਤੰਬਰ ਨੂੰ ਅਮਨ ਅਰੋੜਾ (18) ਦਾ ਜਨਮਦਿਨ ਸੀ, ਜਿਸ ਕਰਕੇ ਉਹ ਆਪਣੀ ਦੋਸਤ ਨਾਲ ਜਨਮਦਿਨ ਮਨਾਉਣ ਲਈ ਮੋਹਾਲੀ/ਚੰਡੀਗੜ੍ਹ ਚਲਾ ਗਿਆ। ਜਦੋਂ ਲੜਕੀ ਦੇ ਪਿਤਾ ਗੁਲਸ਼ਨ ਵਰਮਾ ਨੂੰ ਪਤਾ ਲੱਗਿਆ ਤਾਂ ਗੁਲਸ਼ਨ ਵਰਮਾ ਨੇ ਆਪਣੇ ਨਾਲ ਭਰਾ ਸੋਨੂੰ ਸੁਨਿਆਰ, ਆਪਣੇ ਲੜਕੇ ਅੰਸ਼ ਵਰਮਾ, ਆਪਣੀ ਪਤਨੀ ਮੋਨਿਕਾ ਵਰਮਾ ਨੂੰ ਨਾਲ ਲੈ ਕੇ ਅਮਨ ਅਰੋੜਾ ਅਤੇ ਨੰਦਨੀ ਦੇ ਪਿੱਛੇ ਚੱਲੇ ਗਏ ਜਿਨ੍ਹਾਂ ਨੇ ਅਮਨ ਅਤੇ ਨੰਦਨੀ ਨੂੰ ਲਾਡਰਾਂ ਵਿਖੇ ਘੇਰ ਲਿਆ। ਇਸ ਪਿੱਛੋਂ ਉਨ੍ਹਾਂ ਅਮਨ ਅਤੇ ਨੰਦਨੀ ਨੂੰ ਆਪਣੇ ਘਰ ਲਿਆਕੇ ਅਮਨ ਅਰੋੜਾ ਨੂੰ ਕਮਰੇ 'ਚ ਬੰਦ ਕਰਕੇ ਕਾਫੀ ਕੁੱਟਮਾਰ ਕੀਤੀ, ਜਿਸ ਨਾਲ ਅਮਨ ਗੰਭੀਰ ਜ਼ਖਮੀ ਹੋ ਗਿਆ। ਲੜਕੇ ਨੂੰ ਜ਼ਖਮੀ ਹਾਲਤ ਵਿਚ ਇਕ ਨਿੱਜੀ ਹਸਪਤਾਲ ਦਾਖਲ ਕਰਵਾਇਆ ਗਿਆ, ਜਿੱਥੇ ਉਸ ਦੀ ਗੰਭੀਰ ਹਾਲਤ ਨੂੰ ਦੇਖਦੇ ਹੋਏ ਉਸ ਨੂੰ ਲੁਧਿਆਣਾ ਦੇ ਡੀ.ਐੱਮ.ਸੀ. ਹਸਪਤਾਲ ਰੈਫਰ ਕਰ ਦਿੱਤਾ ਗਿਆ, ਜਿੱਥੇ ਉਹ ਜ਼ਿੰਦਗੀ ਅਤੇ ਮੌਤ ਵਿਚਾਲੇ ਜੰਗ ਲੜ ਰਿਹਾ ਹੈ।
550ਵੇਂ ਪ੍ਰਕਾਸ਼ ਪੁਰਬ ਦੇ ਮੱਦੇਨਜ਼ਰ ਨਗਰ ਪ੍ਰੀਸ਼ਦ ਕਪੂਰਥਲਾ ਬਣਿਆ ਨਗਰ ਨਿਗਮ!
NEXT STORY 
