ਗੁਰਦਾਸਪੁਰ, (ਵਿਨੋਦ)- ਸ਼ਿਵ ਸੈਨਾ ਬਾਲ ਠਾਕਰੇ ਦੀ ਮੀਟਿੰਗ ਜ਼ਿਲਾ ਪ੍ਰਧਾਨ ਵਰਿੰਦਰ ਮੁੰਨਾ ਦੀ ਅਗਵਾਈ ਵਿਚ ਤਾਰਾਗੜ੍ਹ ਵਿਚ ਸੰਪੰਨ ਹੋਈ, ਜਿਸ ਵਿਚ ਰਾਜ ਉਪ ਪ੍ਰਮੁੱਖ ਤੇ ਜ਼ਿਲਾ ਇੰਚਾਰਜ ਹਰਵਿੰਦਰ ਸੋਨੀ ਵਿਸ਼ੇਸ਼ ਤੌਰ 'ਤੇ ਹਾਜ਼ਰ ਹੋਏ। ਇਸ ਸਮੇਂ ਖੋਦਾਈ ਵਿਭਾਗ ਦਾ ਪੁਤਲਾ ਸਾੜਿਆ ਗਿਆ।
ਹਰਵਿੰਦਰ ਸੋਨੀ ਨੇ ਕਿਹਾ ਕਿ ਖੇਤਰ ਵਿਚ ਖਨਣ ਵਿਭਾਗ ਭ੍ਰਿਸ਼ਟਾਚਾਰ ਦੀ ਇਕ ਮਿਸਾਲ ਬਣ ਚੁੱਕਾ ਹੈ। ਉਨ੍ਹਾਂ ਨੇ ਕਿਹਾ ਕਿ ਅਕਾਲੀ-ਭਾਜਪਾ ਸਰਕਾਰ ਦੇ ਸਮੇਂ ਇਸ ਵਿਭਾਗ ਵਿਚ ਭ੍ਰਿਸ਼ਟਾਚਾਰ ਚਰਮ 'ਤੇ ਸੀ, ਜਿਸ ਕਾਰਨ ਰਾਜ ਵਿਚ ਰੇਤਾ ਦੇ ਰੇਟ ਆਸਮਾਨ ਨੂੰ ਛੂਹਣ ਲੱਗੇ ਸੀ ਅਤੇ ਵਿਭਾਗ ਦੇ ਨਾਲ ਮਿਲੀਭੁਗਤ ਕਾਰਨ ਨਾਜਾਇਜ਼ ਖਨਣ ਵੱਲੋਂ ਜਨਤਾ ਨੂੰ ਬਹੁਤ ਜ਼ਿਆਦਾ ਲੁੱਟਿਆ ਗਿਆ ਸੀ। ਉਨ੍ਹਾਂ ਨੇ ਰੋਸ ਪ੍ਰਗਟ ਕਰਦੇ ਹੋਏ ਕਿਹਾ ਕਿ ਇਸ ਲੁੱਟ ਦੇ ਕਾਰਨ ਲੋਕਾਂ ਨੂੰ ਆਪਣੇ ਘਰ ਬਣਾਉਣੇ ਵੀ ਮੁਸ਼ਕਲ ਹੋ ਗਏ ਸੀ। ਉਦੋਂ ਕਾਂਗਰਸ ਪਾਰਟੀ ਨੇ ਇਸ ਦਾ ਵਿਰੋਧ ਕੀਤਾ ਸੀ ਪਰ ਹੁਣ ਜਦ ਕਾਂਗਰਸ ਸਰਕਾਰ ਬਣ ਗਈ ਹੈ ਤਾਂ ਸਥਿਤੀ ਬਦ ਤੋਂ ਵੀ ਬਦਤਰ ਹੋ ਗਈ ਹੈ। ਸਰਕਾਰ ਦੀ ਨੀਤੀ ਸਪੱਸ਼ਟ ਨਾ ਹੋਣ ਕਾਰਨ ਨਾਜਾਇਜ਼ ਖਨਣ ਪਹਿਲਾਂ ਤੋਂ ਵੀ ਜ਼ਿਆਦਾ ਹੋ ਰਿਹਾ ਹੈ ਪਰ ਕੀਮਤਾਂ ਆਸਮਾਨ ਛੂਹ ਰਹੀਆਂ ਹਨ। ਹਰਵਿੰਦਰ ਸੋਨੀ ਨੇ ਕਿਹਾ ਕਿ ਹੁਣ ਸ਼ਿਵ ਸੈਨਿਕ ਇਸ ਭ੍ਰਿਸ਼ਟਾਚਾਰ ਦਾ ਪਰਦਾਫਾਸ਼ ਕਰੇਗੀ ਅਤੇ ਭ੍ਰਿਸ਼ਟ ਅਧਿਕਾਰੀਆਂ ਨੂੰ ਜਨਤਾ ਦੇ ਸਾਹਮਣੇ ਨੰਗਾ ਕਰੇਗੀ ਅਤੇ ਵੱਖ-ਵੱਖ ਟੀਮਾਂ ਬਣਾ ਕੇ ਇਸ ਗੈਰ ਕਾਨੂੰਨੀ ਤੱਸਕਰੀ ਅਤੇ ਤੱਸਕਰਾਂ ਦਾ ਪਰਦਾਫਾਸ਼ ਕਰੇਗੀ, ਇਸ ਦੇ ਇਲਾਵਾ ਸਾਰੇ ਸਬੂਤ ਇਕੱਠੇ ਕਰਕੇ ਮੁੱਖ ਮੰਤਰੀ ਕੈਪਟਨ ਅਮਰਿੰਦਰ ਸਿੰਘ ਨੂੰ ਭੇਜੇ ਜਾਣਗੇ। ਇਸ ਮੌਕੇ ਮਨਦੀਪ ਕਟੋਚ, ਅੰਕੁਸ਼, ਸੰਦੀਪ, ਦਿਨੇਸ਼ ਠਾਕੁਰ, ਗੁਰਜੀਤ ਸਿੰਘ, ਨਿੱਪੂ ਠਾਕੁਰ, ਵਿੱਕੀ ਸਲਾਰੀਆ, ਅਜੇ ਠਾਕੁਰ, ਲਾਭ ਸਿੰਘ, ਵਿਸ਼ਾਲ ਚਾਂਦੀ , ਸੋਨੂੰ, ਗੋਵਿੰਦਾ, ਸ਼ਾਮ ਠਾਕੁਰ, ਕੌਂਸਲ, ਆਰ. ਡੀ. ਮਿਨਹਾਸ ਆਦਿ ਹਾਜ਼ਰ ਸੀ।
ਪੰਜਾਬ ਪੁਲਸ ਮੁਤਾਬਿਕ ਸੂਬੇ ਦੇ ਮੁੱਖ ਮੰਤਰੀ ਨੇ ਨਰਿੰਦਰ ਮੋਦੀ
NEXT STORY 
