ਜਲੰਧਰ (ਗੁਲਸ਼ਨ)— ਡੇਰਾ ਸੰਤ ਸਰਵਣ ਦਾਸ ਸੱਚਖੰਡ ਬੱਲਾਂ ਦੇ ਗੱਦੀਨਸ਼ੀਨ ਸੰਤ ਨਿਰੰਜਣ ਦਾਸ ਜੀ ਦੀ ਅਗਵਾਈ 'ਚ ਸ਼੍ਰੀ ਗੁਰੂ ਰਵਿਦਾਸ ਮਹਾਰਾਜ ਜੀ ਦਾ ਪ੍ਰਕਾਸ਼ ਦਿਹਾੜਾ ਮਨਾਉਣ ਲਈ ਸਿਟੀ ਰੇਲਵੇ ਸਟੇਸ਼ਨ ਤੋਂ ਬੇਗਮਪੁਰਾ ਜਾਣ ਵਾਲੀ ਸਪੈਸ਼ਲ ਟਰੇਨ 6 ਫਰਵਰੀ ਨੂੰ ਦੁਪਹਿਰ 2.20 ਵਜੇ ਪਲੇਟਫਾਰਮ ਨੰ. 1 ਤੋਂ ਰਵਾਨਾ ਹੋਵੇਗੀ। ਇਸ ਸਪੈਸ਼ਲ ਟਰੇਨ 'ਚ 22 ਸਲੀਪਰ ਕੋਚ ਅਤੇ 2 ਐੱਸ. ਐੱਲ. ਆਰ. ਹੋਣਗੇ। ਇਸ 'ਚ ਕਰੀਬ 1600 ਸ਼ਰਧਾਲੂ ਸੰਤ ਨਿਰੰਜਣ ਦਾਸ ਜੀ ਨਾਲ ਬੇਗਮਪੁਰਾ ਜਾਣਗੇ।
ਜ਼ਿਕਰਯੋਗ ਹੈ ਕਿ ਸਪੈਸ਼ਲ ਟਰੇਨ ਨੂੰ ਰਵਾਨਾ ਕਰਨ ਲਈ ਸਿਟੀ ਸਟੇਸ਼ਨ 'ਤੇ ਹਜ਼ਾਰਾਂ ਸ਼ਰਧਾਲੂ ਪਹੁੰਚਦੇ ਹਨ। ਆਰ. ਪੀ. ਐੱਫ, ਜੀ. ਆਰ. ਪੀ. ਅਤੇ ਜ਼ਿਲਾ ਪੁਲਸ ਦੇ ਉਚ ਅਧਿਕਾਰੀਆਂ ਤੋਂ ਇਲਾਵਾ ਕਰੀਬ 200 ਪੁਲਸ ਮੁਲਾਜ਼ਮ ਸਟੇਸ਼ਨ 'ਤੇ ਤਾਇਨਾਤ ਹੋਣਗੇ। ਬੁੱਧਵਾਰ ਨੂੰ ਵੀ ਸਿਟੀ ਸਟੇਸ਼ਨ 'ਤੇ ਪੁਲਸ ਮੁਲਾਜ਼ਮਾਂ ਵੱਲੋਂ ਡਾਗ ਸਕੁਐਡ ਅਤੇ ਬੰਬ ਨਿਰੋਧਕ ਦਸਤੇ ਨਾਲ ਸਰਚ ਮੁਹਿੰਮ ਚਲਾਈ ਗਈ। ਸਰਕੂਲੇਟਿੰਗ ਏਰੀਆ 'ਚ ਇਕ ਵਿਸ਼ਾਲ ਪੰਡਾਲ ਸਜਾਇਆ ਜਾ ਰਿਹਾ ਹੈ। ਜਿਸ 'ਚ ਸੰਤ ਨਿਰੰਜਣ ਦਾਸ ਜੀ ਸੰਗਤ ਨੂੰ ਅਸ਼ੀਰਵਾਦ ਦੇਣਗੇ।
ਇਹ ਸਪੈਸ਼ਲ ਟਰੇਨ 9 ਫਰਵਰੀ ਨੂੰ ਸ਼੍ਰੀ ਗੁਰੂ ਰਵਿਦਾਸ ਮਹਾਰਾਜ ਜੀ ਦਾ ਪ੍ਰਕਾਸ਼ ਦਿਹਾੜਾ ਮਨਾਉਣ ਤੋਂ ਬਾਅਦ 10 ਫਰਵਰੀ ਨੂੰ ਵਾਪਸੀ ਲਈ ਚੱਲ ਕੇ 11 ਫਰਵਰੀ ਨੂੰ ਸ਼ਾਮ ਦੇ ਸਮੇਂ ਜਲੰਧਰ ਸਿਟੀ ਪਹੁੰਚੇਗੀ।
ਇਤਿਹਾਸ ਦੀ ਡਾਇਰੀ: ਇਸ ਕਵੀ ਦਾ ਲਿਖਿਆ ਗਾਣਾ ਸੁਣ ਰੋ ਪੈਂਦਾ ਹੈ ਹਰੇਕ ਭਾਰਤਵਾਸੀ (ਵੀਡੀਓ)
NEXT STORY 
