ਜਲੰਧਰ (ਬਿਊਰੋ): 'ਏ ਮੇਰੇ ਵਤਨ ਕੇ ਲੋਗੋ ਜ਼ਰਾ ਆਂਖ ਮੇ ਭਰ ਲੋ ਪਾਣੀ ,ਜੋ ਸ਼ਹੀਦ ਹੁਏ ਹਾਂ ਉਨਕੀ ਜ਼ਰਾ ਯਾਦ ਕਰੋ ਕੁਰਬਾਨੀ' ਇਹ ਬੋਲ ਜੋ ਮਸ਼ਹੂਰ ਕਵੀ ਪ੍ਰਦੀਪ ਵੱਲੋਂ ਲਿਖੇ ਗਏ ਇਨ੍ਹਾਂ ਨੂੰ ਸੁਣਕੇ ਲੂਹ-ਕੰਢੇ ਹੋ ਜਾਂਦੇ ਹਨ, ਅੱਜ ਗੱਲ ਕਰਾਂਗੇ ਦੇਸ਼ਭਗਤੀ ਦੇ ਅਜਿਹੇ ਗੀਤ ਦੀ ਜਿਸ ਨੂੰ ਸੁਣ ਕੇ ਹਰ ਕਿਸੇ ਭਾਰਤੀ ਦੀ ਅੱਖ ਭਰ ਜਾਂਦੀ ਹੈ। ਭਾਰਤ ਦੇ ਪ੍ਰਸਿੱਧ ਕਵੀ ਅਤੇ ਗੀਤਕਾਰ ਪ੍ਰਦੀਪ ਵਲੋਂ ਇਹ ਗੀਤ ਲਿਖਿਆ ਗਿਆ ਸੀ। ਫਿਰ ਪ੍ਰੋਗਰਾਮ 'ਚ ਅੱਗੇ ਗੱਲ ਕਰਾਂਗੇ ਮੋਤੀ ਲਾਲ ਨਹਿਰੂ ਦੀ ਫਿਰ ਮਹਾਰਾਣੀ ਅਲਿਜ਼ਾਬੈਥ ਦੀ ਤਾਜਪੋਸ਼ੀ ਬਾਰੇ ਤੇ ਹੋਰ ਇਸ ਦਿਨ ਕੀ ਖਾਸ ਰਿਹਾ ਇਕ ਨਜ਼ਰ ਉਸ 'ਤੇ ਵੀ ਮਾਰਾਂਗੇ।
ਕਵੀ ਪ੍ਰਦੀਪ
ਕਵੀ ਪ੍ਰਦੀਪ ਦਾ ਮੂਲ ਨਾਮ ਰਾਮ ਚੰਦਰ ਦਿਵੇਦੀ ਸੀ। 6 ਫਰਵਰੀ 1915 ਨੂੰ ਉਹ ਮੱਧ ਪ੍ਰਦੇਸ਼ ਦੇ ਬਦਨਗਰ ਵਿਖੇ ਉਨ੍ਹਾਂ ਦਾ ਜਨਮ ਹੋਇਆ। ਪ੍ਰਦੀਪ ਦੇਸ਼ ਭਗਤੀ ਦੇ ਗੀਤ ਲਿਖਣ ਲਈ ਦੇਸ਼ ਭਰ ਚ ਮਸ਼ਹੂਰ ਸਨ। ਦੂਰ ਹਟੋ ਏ ਦੁਨੀਆ ਵਾਲੋ ਹਿੰਦੁਸਤਾਨ ਹਮਾਰਾ ਹੈ ਇਹ ਗੀਤ ਵੀ ਕਵੀ ਪ੍ਰਦੀਪ ਦੀ ਹੀ ਦੇਣ ਸੀ। ਜੇ ਗਲ ਕਰੀਏ 'ਮੇਰੇ ਵਤਨ ਕੇ ਲੋਗੋ ਦੀ' ਤਾਂ ਇਹ ਗੀਤ ਸੁਣ ਕੇ ਤਤਕਾਲੀ ਪ੍ਰਧਾਨ ਮੰਤਰੀ ਜਵਾਹਰ ਲਾਲ ਨਹਿਰੂ ਦੀਆਂ ਅੱਖਾਂ ਭਰ ਆਈਆਂ ਸਨ। 26 ਜਨਵਰੀ 1963 ਦਿੱਲੀ ਦੇ ਰਾਮ ਲੀਲਾ ਮੈਦਾਨ 'ਚ ਲਤਾ ਮੰਗੇਸ਼ਕਰ ਨੇ ਇਹ ਗੀਤ ਗਾਇਆ ਸੀ। ਇਸ ਗੀਤ ਨੂੰ 1962 ਦੀ ਭਾਰਤ-ਚੀਨ ਲੜਾਈ 'ਚ ਸ਼ਹੀਤ ਹੋਏ ਭਾਰਤੀ ਸੈਨਿਕਾਂ ਨੂੰ ਦਿੱਤੀ ਸ਼ਰਧਾਂਜਲੀ ਵਜੋਂ ਜਾਣਿਆ ਜਾਂਦਾ ਹੈ।
ਅੱਜ ਦੇ ਹੀ ਦਿਨ ਜਵਾਹਰ ਲਾਲ ਨਹਿਰੂ ਦੇ ਪਿਤਾ ਮੋਤੀ ਲਾਲ ਨਹਿਰੂ ਨੇ ਇਸ ਦੁਨੀਆ ਨੂੰ ਅਲਵਿਦਾ ਆਖਿਆ ਸੀ, ਮੋਤੀ ਲਾਲ ਨਹਿਰੂ ਭਾਰਤ ਨੂੰ ਆਜ਼ਾਦ ਕਰਵਾਉਣ ਲਈ ਇਕੱਠੇ ਹੋਏ ਸ਼ੁਰੂਆਤੀ ਅੰਦੋਲਨ ਦੇ ਆਗੂਆਂ 'ਚੋਂ ਇਕ ਸਨ।
ਇੱਕ ਨਜ਼ਰ ਉਨ੍ਹਾਂ ਦੇ ਜੀਵਨ 'ਤੇ ਮੋਤੀ ਲਾਲ ਨਹਿਰੂ ਦਾ ਜੀਵਨ
6 ਫਰਵਰੀ 1931 ਨੂੰ ਇਲਾਹਾਬਾਦ ਵਿਖੇ ਮੋਤੀ ਲਾਲ ਨਹਿਰੂ ਦੀ ਮੌਤ ਹੋਈ ਸੀ। ਮੋਤੀ ਲਾਲ ਭਾਰਤ ਦੇ ਪਹਿਲੇ ਪ੍ਰਧਾਨ ਮੰਤਰੀ ਜਵਾਹਰ ਲਾਲ ਨਹਿਰੂ ਦੇ ਪਿਤਾ ਸਨ। ਮੋਤੀ ਲਾਲ ਨਹਿਰੂ ਭਾਰਤੀ ਆਜ਼ਾਦੀ ਅੰਦੋਲਨ ਦੇ ਸ਼ੁਰੂਆਤੀ ਆਗੂਆਂ 'ਚੋਂ ਇੱਕ ਸਨ। ਉਨ੍ਹਾਂ ਵਕਾਲਤ ਛੱਡ ਕੇ ਅੰਗਰੇਜ਼ਾਂ ਖਿਲਾਫ ਮੋਰਚਾ ਖੋਲਣ ਨੂੰ ਪਹਿਲ ਦਿੱਤੀ। 1923 'ਚ ਉਨ੍ਹਾਂ ਕਾਂਗਰਸ ਪਾਰਟੀ ਤੋਂ ਅੱਡ ਹੋ ਕੇ ਸਵਰਾਜ ਪਾਰਟੀ ਬਣਾਈ ਸੀ ਪਰ ਉਹ ਜ਼ਿਆਦਾ ਦੇਰ ਕਾਂਗਰਸ ਤੋਂ ਦੂਰ ਨਹੀਂ ਰਹੇ। ਉਹ ਦੋ ਵਾਰ ਕਾਂਗਰਸ ਦੇ ਪ੍ਰਧਾਨ ਬਣੇ। 1927 'ਚ ਮੋਤੀ ਲਾਲ ਨਹਿਰੂ ਦੀ ਪ੍ਰਧਾਨਗੀ ਹੇਠ ਇਕ ਕਮੇਟੀ ਬਣਾਈ ਗਈ, ਜਿਸ ਨੂੰ ਭਾਰਤ ਦਾ ਸੰਵਿਧਾਨ ਬਣਾਉਣ ਦਾ ਜਿੰਮਾ ਦਿੱਤਾ ਗਿਆ। ਇਸ ਕਮੇਟੀ ਦੀ ਰਿਪੋਰਟ ਨੂੰ ਨਹਿਰੂ ਰਿਪੋਰਟ ਵਜੋਂ ਜਾਣਿਆਂ ਜਾਂਦਾ ਹੈ।
ਹੁਣ ਇੰਗਲੈਂਡ ਦੀ ਮਹਾਰਾਣੀ ਐਲਿਜਾਬੈਥ ਦੀ ਤਾਜ਼ਪੋਸ਼ੀ 'ਤੇ ਇੱਕ ਨਜ਼ਰ ਮਾਰਦੇ ਹਾਂ ਜਦੋ 26 ਸਾਲਾਂ ਦੀ ਉਮਰ 'ਚ ਉਨ੍ਹਾਂ ਦੇ ਸਿਰ 'ਤੇ ਮਹਾਰਾਣੀ ਦਾ ਤਾਜ ਸਜਿਆ।
6 ਫਰਵਰੀ 1952 ਨੂੰ ਏਲੀਜਾਬੇਥ ਦੀ ਬਤੌਰ ਮਹਾਰਾਣੀ ਤਾਜਪੋਸ਼ੀ ਹੋਈ ਸੀ। 1951 ਦੇ ਦੌਰਾਨ ਏਲੀਜਾਬੇਥ ਦੇ ਪਿਤਾ ਜਾਰਜ ਦੀ ਸਿਹਤ ਖਰਾਬ ਰਹਿਣ ਲੱਗ ਪਈ ਸੀ। ਵੱਡੇ ਸਮਾਗਮਾਂ 'ਚ ਏਲੀਜਾਬੇਥ ਹੀ ਉਨ੍ਹਾਂ ਦੀ ਥਾਂ ਅਗਵਾਈ ਕਰਦੀ ਸੀ। 1952 'ਚ ਏਲੀਜਾਬੇਥ ਅਤੇ ਫਿਲਿਪ ਕਿਨਿਯਾ ਹੁੰਦੇ ਹੋਏ ਅਸਟਰੇਲੀਆ ਅਤੇ ਨਿਊਜ਼ੀਲੈਂਡ ਦੀ ਯਾਤਰਾ 'ਤੇ ਗਏ। ਇਸ ਦੌਰਾਨ ਉਨ੍ਹਾਂ ਰਾਜਾ ਦੀ ਮੌਤ ਹੋਣ ਦੀ ਖਬਰ ਮਿਲੀ। ਤਾਜਪੋਸ਼ੀ ਹੋਣ 'ਤੇ ਉਨ੍ਹਾਂ ਦੀ ਉਮਰ ਸਿਰਫ 26 ਸਾਲ ਸੀ।
ਹੁਣ ਇਕ ਨਜ਼ਰ 6 ਫਰਵਰੀ ਨੂੰ ਹੋਈਆਂ ਹੋਰ ਮਹੱਤਵਪੂਰਣ ਘਟਨਾਵਾਂ 'ਤੇ
1. 6 ਫਰਵਰੀ 1819 ਨੂੰ ਸਰ ਥਾਮਸ ਸਟੈਮਫਰਡ ਰੈਫਲਸ ਨੇ ਸਿੰਗਾਪੁਰ ਦੀ ਖੌਜ ਕੀਤੀ ਸੀ। 2. 30 ਸਾਲ ਤੋਂ ਵੱਧ ਉਮਰ ਦੀਆਂ ਮਹਿਲਾਵਾਂ ਨੂੰ ਅੱਜ ਦੇ ਹੀ ਦਿਨ 1918 ਨੂੰ ਬ੍ਰਿਟੇਨ 'ਚ ਵੋਟ ਪਾਉਣ ਦਾ ਅਧਿਕਾਰ ਮਿਲਿਆ ਸੀ।
3. 6 ਫਰਵਰੀ 1999 ਨੂੰ ਦੇਸ਼ ਦਾ ਪਹਿਲਾ ਪੇਸ ਮੇਕਰ ਬੈਂਕ ਕੋਲਕਾਤਾ 'ਚ ਸਥਾਪਿਤ ਹੋਇਆ ਸੀ। 4. 6 ਫਰਵਰੀ 2008 ਨੂੰ ਅਮਰੀਕਾ ਦੇ ਪੱਛਮੀ ਕੰਡੀ ਖੇਤਰ 'ਚ ਭਿਆਣਕ ਤੂਫਾਨ ਆਇਆ ਸੀ, ਜਿਸ ਨੇ ਭਾਰੀ ਤਬਾਹੀ ਮਚਾਈ ਸੀ। 5. 6 ਫਰਵਰੀ 2002 ਨੂੰ ਪਾਕਿਸਤਾਨੀ ਜਾਸੂਸੀ ਜਹਾਜ਼ ਭਾਰਤੀ ਹੱਦ 'ਚ ਆ ਗਿਆ ਸੀ, ਜਿਸ ਨੂੰ ਭਾਰਤੀ ਸੈਨਾ ਵਲੋਂ ਖਤਮ ਕਰ ਦਿੱਤਾ ਗਿਆ ਸੀ।
ਹੁਣ ਇੱਕ ਨਜ਼ਰ ਉਨ੍ਹਾਂ ਸ਼ਖਸੀਅਤਾਂ 'ਤੇ ਜਿਨ੍ਹਾਂ ਦਾ ਅੱਜ ਦੇ ਦਿਨ ਜਨਮ ਹੋਇਆ ਤੇ ਜਿਨ੍ਹਾਂ ਨੇ ਇਸ ਦੁਨੀਆ ਨੂੰ ਅਲਵਿਦਾ ਆਖਿਆ
1. ਮੈਚ ਫਿਕਸਿੰਗ ਦੇ ਇਲਜ਼ਾਮਾਂ ਕਾਰਣ ਚਰਚਾ 'ਚ ਰਹੇ ਭਾਰਤੀ ਕ੍ਰਿਕੇਟ ਖਿਡਾਰੀ ਐੱਸ.ਸ਼੍ਰੀ ਸੰਥ ਦਾ ਜਨਮ ਅੱਜ ਦੇ ਦਿਨ 1983 ਨੂੰ ਹੋਇਆ ਸੀ। ਸ਼੍ਰੀ ਸੰਥ ਰਿਐਲਟੀ ਸ਼ੌਅ ਬਿੱਗ ਬਾਸ ਦੇ ਫਰਸਟ ਰਨਰ ਅਪ ਰਹਿ ਚੁੱਕੇ ਹਨ।
2. ਫਿਲਮ ਅਭਿਨੇਤਾ ਅਤੇ ਮਾਡਲ ਅੰਗਦ ਸਿੰਘ ਬੇਦੀ ਦਾ ਜਨਮ 1983 ਨੂੰ ਦਿੱਲੀ ਵਿਖੇ ਹੋਇਆ ਸੀ। ਅੰਗਦ ਦੀ ਪਤਨੀ ਨੇਹਾ ਧੂਪੀਆ ਵੀ ਬਾਲੀਵੂਡ ਦੀ ਅਦਾਕਾਰਾ ਹੈ।
3 ਮਾਡਲ,ਐਕਟਰ ਅਤੇ ਡਾਂਸਰ ਨੋਰਾ ਫਤਿਹੀ ਦਾ ਜਨਮ 1992 ਨੂੰ ਕੈਨੇਡਾ ਦੀ ਕਿਉਬੈੱਕ ਸਿਟੀ ਚ ਹੋਇਆ ਸੀ।
ਮੌਤ
1. ਪੰਜਾਬ ਦੇ ਸਾਬਕਾ ਮੁੱਖ ਮੰਤਰੀ ਅਤੇ ਫ੍ਰਿਡਮ ਫਾਇਟਰ ਪ੍ਰਤਾਪ ਸਿੰਘ ਕੈਰੋਂ ਦੀ ਮੌਤ 6 ਫਰਵਰੀ 1965 ਨੂੰ ਹੋਈ ਸੀ। ਉਨ੍ਹਾਂ ਦਾ ਕਤਲ ਕਰ ਦਿੱਤਾ ਗਿਆ ਸੀ।
2. ਸੀਨੀਅਰ ਕਾਂਗਰਸੀ ਨੇਤਾ ਵੀ.ਐੱਨ ਗਾਡਗਿੱਲ ਦੀ 6 ਫਰਵਰੀ 2001 'ਚ ਮੌਤ ਹੋਈ ਸੀ। 3. ਆਜ਼ਾਦ ਹਿੰਦ ਫੌਜ ਦੇ ਅਫਸਰ ਗੁਰਬਖਸ਼ ਸਿੰਘ ਢਿੱਲੋਂ 2006 ਨੂੰ ਇਸ ਦੁਨੀਆ ਨੂੰ ਅਲਵਿਦਾ ਕਹਿ ਗਏ ਸਨ।
ਫਿਰੋਜ਼ਪੁਰ ਦੇ DC ਰਹਿ ਚੁੱਕੇ ਚੰਦਰ ਗੈਂਦ ਨੇ ਗਾਇਆ ਗੀਤ, ਸੋਸ਼ਲ ਮੀਡੀਆ 'ਤੇ ਵਾਇਰਲ
NEXT STORY 
