ਦੇਵੀਗੜ੍ਹ (ਜ. ਬ.)—ਪਿੰਡ ਮਿਹੌਣ ਵਿਖੇ ਖੇਤਾਂ ਵਿਚ ਦਵਾਈ ਦਾ ਸਪਰੇਅ ਕਰ ਰਹੇ ਗਰੀਬ ਕਿਸਾਨ ਲਛਮਣ ਸਿੰਘ ਦੀ ਸੱਪ ਦੇ ਡੰਗਣ ਨਾਲ ਮੌਤ ਹੋ ਗਈ। ਜਾਣਕਾਰੀ ਅਨੁਸਾਰ ਪਿੰਡ ਮਿਹੌਣ ਦਾ ਲਛਮਣ ਸਿੰਘ (51) ਪੁੱਤਰ ਮਿਹਰ ਸਿੰਘ ਰਾਮਦਾਸੀਏ ਭਾਈਚਾਰੇ ਦਾ ਕਿਸਾਨ ਜਦੋਂ ਖੇਤਾਂ ਵਿਚ ਦਵਾਈ ਸਪਰੇਅ ਕਰ ਰਿਹਾ ਸੀ ਤਾਂ ਘਾਹ-ਫੂਸ ਵਿਚ ਲੁਕ ਕੇ ਬੈਠੇ ਸੱਪ ਨੇ ਉਸ ਦੇ ਪੈਰ 'ਤੇ ਡੰਗ ਮਾਰ ਦਿੱਤਾ। ਪਰਿਵਾਰ ਵਾਲੇ ਉਸ ਨੂੰ ਇਲਾਜ ਲਈ ਰਾਜਿੰਦਰਾ ਹਸਪਤਾਲ ਲੈ ਗਏ। ਹਸਪਤਾਲ ਪਹੁੰਚਣ 'ਤੇ ਹੀ ਉਸ ਦੀ ਮੌਤ ਹੋ ਗਈ।
ਥਾਣਾ ਜੁਲਕਾਂ ਦੀ ਪੁਲਸ ਨੇ ਮਾਮਲਾ ਦਰਜ ਕਰ ਕੇ ਜਾਂਚ ਸ਼ੁਰੂ ਕਰ ਦਿੱਤੀ ਗਈ ਹੈ। ਸਾਬਕਾ ਸਰਪੰਚ ਮਿਹੌਣ ਲੱਡਾ ਰਾਮ ਨੇ ਜ਼ਿਲਾ ਪ੍ਰਸ਼ਾਸਨ ਤੋਂ ਮੰਗ ਕੀਤੀ ਕਿ ਮ੍ਰਿਤਕ ਦਾ ਪਰਿਵਾਰ ਬਹੁਤ ਗਰੀਬ ਹੋਣ ਕਰ ਕੇ ਉਨ੍ਹਾਂ ਦੀ ਮਦਦ ਕੀਤੀ ਜਾਵੇ।
ਅੱਤਵਾਦ ਨਾਲ ਨਜਿੱਠਣ ਲਈ ਪੰਜਾਬ ਪੁਲਸ ਨੇ ਬਣਾਈ ਨਵੀਂ ਰਣਨੀਤੀ
NEXT STORY 
