ਮਾਨਸਾ (ਮਿੱਤਲ) : ਸਥਾਨਕ ਸ਼ਹਿਰ ਦੇ ਵਾਰਡ ਨੰ. 7 ਦਾ 3 ਸਾਲਾਂ ਦਾ ਘਰੋਂ ਲਾਪਤਾ ਹੋਇਆ ਬੱਚਾ ਥਾਣਾ ਸਿਟੀ-2 ਦੀ ਪੁਲਸ ਨੇ 2 ਘੰਟਿਆਂ ਵਿੱਚ ਲੱਭ ਕੇ ਮਾਪਿਆਂ ਹਵਾਲੇ ਕਰ ਦਿੱਤਾ। ਪੁਲਸ ਨੇ ਬੱਚੇ ਦੇ ਲਾਪਤਾ ਹੋਣ ਦੀ ਸ਼ਿਕਾਇਤ ਮਿਲਦਿਆਂ ਹੀ ਟੀਮਾਂ ਬਣਾ ਕੇ ਉਸ ਦੀਆਂ ਫੋਟੋਆਂ ਸੋਸ਼ਲ ਮੀਡੀਆ 'ਤੇ ਵਾਇਰਲ ਕਰਨ ਤੋਂ ਇਲਾਵਾ ਸ਼ਹਿਰ ਵਿੱਚ ਉਸ ਦੀ ਭਾਲ ਕੀਤੀ ਗਈ। ਥਾਣਾ ਸਿਟੀ-2 ਦੀ ਪੁਲਸ ਨੂੰ ਵਾਰਡ ਨੰ.7 ਦੇ ਮੁਨੀਸ਼ ਕੁਮਾਰ ਨੇ ਉਸ ਦਾ ਬੱਚਾ ਲਾਪਤਾ ਹੋਣ ਦੀ ਸੂਚਨਾ ਦਿੱਤੀ ਸੀ। ਇਹ 3 ਸਾਲਾਂ ਬੱਚਾ ਕਵੀਅੰਸ਼ ਦੇ ਲਾਪਤਾ ਹੋਣ ਦੀ ਸੂਚਨਾ ਮਿਲੀ ਸੀ, ਜਿਸ ਤੋਂ ਬਾਅਦ ਪੁਲਸ ਨੇ ਉਸ ਦੀ ਭਾਲ ਸ਼ੁਰੂ ਕਰ ਦਿੱਤੀ।
ਇਹ ਵੀ ਪੜ੍ਹੋ : 'ਕੱਲ੍ਹ ਖੰਨਾ ਛੱਡ ਕੇ ਚਲੇ ਜਾਓ, ਨਹੀਂ ਤਾਂ ਮਾਰ ਦਿਆਂਗੇ', ਗਰਭਵਤੀ ਦੇ ਢਿੱਡ 'ਚ ਮਾਰੀਆਂ ਲੱਤਾਂ ਤੇ ਫਿਰ...
ਥਾਣਾ ਸਿਟੀ-2 ਦੇ ਮੁਖੀ ਗੁਰਤੇਜ ਸਿੰਘ ਅਤੇ ਥਾਣਾ ਸਿਟੀ-2 ਦੇ ਮੁਨਸ਼ੀ ਕੁਲਦੀਪ ਸਿੰਘ ਨੇ ਟੀਮਾਂ ਬਣਾ ਕੇ ਉਸ ਦੀ ਸ਼ਹਿਰ ਵਿੱਚ ਤਲਾਸ਼ ਕੀਤੀ ਅਤੇ ਉਹ ਬੱਚਾ ਬੱਸ ਸਟੈਂਡ ਅੰਦਰ ਇਕੱਲਾ ਬੈਠਾ ਰੋਂਦਾ ਪੁਲਸ ਨੂੰ ਮਿਲਿਆ ਜੋ ਘਰੋਂ ਅਚਾਨਕ ਰਾਹ ਭੁੱਲ ਕੇ ਬੱਸ ਸਟੈਂਡ ਤੱਕ ਆ ਗਿਆ ਅਤੇ ਜਦੋਂ ਉਸ ਨੂੰ ਕੋਈ ਵੀ ਘਰ ਦਾ ਰਸਤਾ ਨਾ ਮਿਲਿਆ ਤਾਂ ਉਹ ਬੱਸ ਸਟੈਂਡ ਅੰਦਰ ਬੈਠ ਕੇ ਉੱਚੀ-ਉੱਚੀ ਰੋਣ ਲੱਗਾ, ਜਿਸ ਨੂੰ ਦੇਖ ਕੇ ਲੋਕਾਂ ਦਾ ਇੱਕਠ ਹੋਇਆ। ਲੋਕਾਂ ਦਾ ਇੱਕਠ ਦੇਖ ਕੇ ਪੁਲਸ ਨੇ ਕਵੀਅੰਸ਼ ਨੂੰ ਦੇਖਿਆ ਅਤੇ ਉਸ ਉੱਥੋਂ ਥਾਣੇ ਲਿਆਂਦਾ ਅਤੇ ਉਸ ਦੇ ਮਾਪਿਆਂ ਨੂੰ ਸੂਚਨਾ ਦਿੱਤੀ। ਸ਼ਨਾਖਤ ਤੋਂ ਬਾਅਦ ਪੁਲਸ ਨੇ ਬੱਚੇ ਕਵੀਅੰਸ਼ ਨੂੰ ਮਾਪਿਆਂ ਦੇ ਹਵਾਲੇ ਕਰ ਦਿੱਤਾ। ਬੱਚੇ ਦੇ ਮਾਪਿਆਂ ਨੇ ਪੁਲਸ ਦਾ ਉਨ੍ਹਾਂ ਦਾ ਲਾਪਤਾ ਹੋਇਆ ਬੱਚਾ 2 ਘੰਟਿਆਂ ਵਿੱਚ ਲੱਭ ਕੇ ਦੇਣ ਲਈ ਧੰਨਵਾਦ ਕੀਤਾ। ਥਾਣਾ ਸਿਟੀ-2 ਦੇ ਮੁਖੀ ਗੁਰਤੇਜ ਸਿੰਘ ਨੇ ਕਿਹਾ ਕਿ ਮਾਪਿਆਂ ਨੂੰ ਛੋਟੇ ਬੱਚਿਆਂ ਦਾ ਧਿਆਨ ਰੱਖਣਾ ਚਾਹੀਦਾ ਹੈ। ਕਦੇ ਵੀ ਉਨ੍ਹਾਂ ਪ੍ਰਤੀ ਆਉਂਦੀ-ਜਾਂਦੀ ਲਾਪਰਵਾਹੀ ਨਹੀਂ ਵਰਤਣੀ ਚਾਹੀਦੀ। ਇਸ ਮੌਕੇ ਏ. ਐੱਸ. ਆਈ. ਗੁਰਦੀਪ ਸਿੰਘ ਤੋਂ ਇਲਾਵਾ ਹੋਰ ਵੀ ਪਤਵੰਤੇ ਮੌਜੂਦ ਸਨ।
ਜਗ ਬਾਣੀ ਈ-ਪੇਪਰ ਨੂੰ ਪੜ੍ਹਨ ਅਤੇ ਐਪ ਨੂੰ ਡਾਊਨਲੋਡ ਕਰਨ ਲਈ ਇੱਥੇ ਕਲਿੱਕ ਕਰੋ
For Android:- https://play.google.com/store/apps/details?id=com.jagbani&hl=en
For IOS:- https://itunes.apple.com/in/app/id538323711?mt=8
ਲੜਕਾ ਨਾ ਹੋਣ ’ਤੇ ਮਾਰੇ ਤਾਅਨੇ, 5 ਮਹੀਨਿਆਂ ਦੀ ਗਰਭਵਤੀ ਨੇ ਕੀਤੀ ਖ਼ੁਦਕੁਸ਼ੀ
NEXT STORY 
