ਅੰਮ੍ਰਿਤਸਰ, (ਇੰਦਰਜੀਤ)- ਕੇਂਦਰ ਸਰਕਾਰ ਵੱਲੋਂ ਦੇਸ਼ ਵਿਚ ਨਵਾਂ ਕਾਨੂੰਨ ਲਾਉਣ ਕਾਰਣ ਜਿੱਥੇ ਦੇਸ਼ ਦੇ ਕਈ ਹਿੱਸਿਆਂ ’ਚ ਤ੍ਰਾਹ-ਤ੍ਰਾਹ ਮਚੀ ਹੋਈ ਹੈ, ਉਥੇ ਹੀ ਲਗਭਗ 15 ਹਜ਼ਾਰ ਕਰੋਡ਼ ਰੁਪਏ ਦੀ ਟਰਨਓਵਰ ’ਤੇ ਵੀ ਅਸਰ ਪਿਆ ਹੈ। ਦੂਜੇ ਪਾਸੇ ਦੇਸ਼ ਵਿਚ 2 ਦਰਜਨ ਦੇ ਜ਼ਿਆਦਾ ਉਡਾਨਾਂ 2-3 ਦਿਨਾਂ ਲਈ ਰੱਦ ਕਰਨੀਆਂ ਪਈਆਂ। ਹਾਲਾਂਕਿ ਕਈ ਉਡਾਨਾਂ ਦੇ ਲੇਟ ਹੋਣ ਅਤੇ ਰੱਦ ਹੋਣ ਦਾ ਕਾਰਣ ਮੌਸਮ ਦੀ ਖਰਾਬੀ ਵੀ ਦੱਸੀ ਜਾ ਰਿਹਾ ਹੈ। ਦੇਸ਼ ਭਰ ਦੇ ਕਈ ਹਿੱਸਿਆਂ ਤੋਂ ਮਿਲੀਆਂ ਜਾਣਕਾਰੀਆਂ ਮੁਤਾਬਕ ਸਾੜ-ਫੂਕ, ਹਿੰਸਾ ਅਤੇ ਹਾਲਾਤ ਖ਼ਰਾਬ ਹੋਣ ਦਾ ਅਸਰ ਸਭ ਤੋਂ ਜ਼ਿਆਦਾ ਉੱਤਰ ਪ੍ਰਦੇਸ਼ ’ਚ ਹੋਇਆ, ਜਿੱਥੇ ਇਕ ਵਰਗ ਦੇ ਲੋਕ ਜ਼ਿਆਦਾ ਸਨ। ਇਸ ਤੋਂ ਬਾਅਦ ਬਿਹਾਰ ਦੇ ਕੁਝ ਖੇਤਰਾਂ ’ਚ ਅਗਜ਼ਨੀ ਹੋਈ ਪਰ ਇਸ ਦਾ ਅਸਰ ਬਿਹਾਰ ਦੇ 10 ਫ਼ੀਸਦੀ ਖੇਤਰਾਂ ਵਿਚ ਹੋਇਆ। ਉਥੇ ਹੀ ਦਿੱਲੀ ਅਤੇ ਐੱਨ. ਸੀ. ਆਰ. ਦੇ ਇਲਾਕਿਆਂ ’ਚ ਵੀ ਇਸ ਦਾ ਅਸਰ ਦੇਖਣ ਨੂੰ ਮਿਲਿਆ।
ਨਾਗਰਿਕਤਾ ਸੋਧ ਕਾਨੂੰਨ ਨੂੰ ਲੈ ਕੇ ਉੱਤਰ ਪੂਰਬ ਦੇ ਇਲਾਕਿਆਂ ਵਿਚ ਇਸਦਾ ਅਸਰ ਨਾਗਾਲੈਂਡ, ਮਿਜ਼ੋਰਮ, ਮਨੀਪੁਰ, ਅਰੁਣਾਚਲ ਪ੍ਰਦੇਸ਼, ਅਸਾਮ, ਮੇਘਾਲਿਅਾ ਆਦਿ ਪ੍ਰਦੇਸ਼ਾਂ ਵਿਚ ਹੋਇਆ ਪਰ ਉਨ੍ਹਾਂ ਦੀਆਂ ਮੰਗਾਂ ਦੇਸ਼ ਦੇ ਹੋਰ ਇਲਾਕਿਆਂ ਤੋਂ ਵੱਖ ਸੀ। ਉਨ੍ਹਾਂ ਦੀ ਮੰਗ ਇਸ ਗੱਲ ਨੂੰ ਲੈ ਕੇ ਸੀ ਕਿ ਜੋ ਲੋਕ ਦੂਜੇ ਦੇਸ਼ਾਂ ਤੋਂ ਪਲਾਇਨ ਕਰ ਕੇ ਭਾਰਤ ’ਚ ਆਉਣਗੇ। ਉਨ੍ਹਾਂ ਦੇ ਲਈ ਉਹ ਤਿਆਰ ਨਹੀਂ ਹਨ। ਉਪਰੋਕਤ ਉੱਤਰ-ਪੂਰਬ ਦੇ ਖੇਤਰਾਂ ’ਚ ਕੋਈ ਹਿੰਸਾ ਜਨਕ ਵਾਰਦਾਤਾਂ ਦੀ ਜ਼ਿਆਦਾ ਸੂਚਨਾ ਤਾਂ ਨਹੀਂ ਪਰ ਉੱਥੇ ਸਿਰਫ ਸ਼ਾਂਤੀ ਨਾਲ ਰੋਸ ਪ੍ਰਦਰਸ਼ਨ ਹੀ ਹੋਏ। ਹਾਲਾਂਕਿ ਇਨ੍ਹਾਂ ਖੇਤਰਾਂ ’ਚ ਕਾਰੋਬਾਰ ਬੰਦ ਹੋਣ ਕਾਰਣ ਲੋਕਾਂ ਨੂੰ ਭਾਰੀ ਸਮੱਸਿਆਵਾਂ ਆਈਆਂ ਕਿਉਂਕਿ ਪ੍ਰਦੇਸ਼ ਦੇ ਅੰਦਰੂਨੀ ਸਾਧਨਾਂ ਦੇ ਕਮਜ਼ੋਰ ਹੋਣ ਕਾਰਣ ਇਹ ਲੋਕ ਹੋਰ ਸੂਬਿਆਂ ਤੋਂ ਮਾਲ ਮੰਗਵਾਉਂਦੇ ਹਨ ਅਤੇ ਸਪਲਾਈ ’ਚ ਰੁਕਾਵਟ ਬਰਾਬਰ ਬਣੀ ਰਹੀ।
ਜੀ. ਐੱਸ. ਟੀ. ’ਤੇ ਅਸਰ
ਜੀ. ਐੱਸ. ਟੀ. ਦੀ ਮਾਸਿਕ ਵਸੂਲੀ ਕੇਂਦਰ ਸਰਕਾਰ ਨੂੰ ਅੌਸਤਨ 90 ਤੋਂ 95 ਹਜ਼ਾਰ ਕਰੋਡ਼ ਤੱਕ ਹੁੰਦੀ ਹੈ ਪਰ ਵਪਾਰਕ ਸੰਸਥਾਵਾਂ ਅਤੇ ਵਿਸ਼ੇਸ਼ ਮਾਹਰਾਂ ਦਾ ਕਹਿਣਾ ਹੈ ਕਿ ਇਸ ਮਹੀਨੇ ਜੀ. ਐੱਸ. ਟੀ. ਦੀ ਕੁਲੈਕਸ਼ਨ 90 ਹਜ਼ਾਰ ਕਰੋਡ਼ ਦੇ ਹੇਠਾਂ ਰਹੀ। ਉਥੇ ਹੀ ਕੁਝ ਟੈਕਸੇਸ਼ਨ ਅਧਿਕਾਰੀਆਂ ਦਾ ਅਨੁਮਾਨ ਹੈ ਕਿ ਵਿਗਡ਼ੇ ਹੋਏ ਹਾਲਾਤ ਦੇ ਕਾਰਣ ਜੀ. ਐੱਸ. ਟੀ. ਦੀ ਵਸੂਲੀ 7 ਤੋਂ 8 ਫੀਸਦੀ ਇਸ ਮਹੀਨੇ ਘੱਟ ਹੋ ਸਕਦੀ ਹੈ।
ਮਾਲ ਦੀ ਆਮਦ ਰੁਕੀ
ਰਾਜਧਾਨੀ ਦਿੱਲੀ ਅਤੇ ਐੱਨ. ਸੀ. ਆਰ. ਦੇ ਖੇਤਰਾਂ ਵਿਚ ਕਾਰਖਾਨੇਦਾਰਾਂ ਨੂੰ ਨੁਕਸਾਨ ਸਿਰਫ ਇਸ ਗੱਲ ਤੋਂ ਜ਼ਿਆਦਾ ਹੋਇਆ ਕਿ ਵਿਗਡ਼ੇ ਹਾਲਾਤ ਦੇ ਡਰ ਦੇ ਕਾਰਣ ਜ਼ਿਆਦਾਤਰ ਲੋਕਾਂ ਨੇ ਨਾ ਤਾਂ ਇਨ੍ਹਾਂ ਦਿਨਾਂ ਵਿਚ ਮਾਲ ਮੰਗਵਾਇਆ ਅਤੇ ਨਾ ਹੀ ਕਿਸੇ ਨੇ ਭੇਜਣ ਦੀ ਕੋਸ਼ਿਸ਼ ਕੀਤੀ। ਜਿਨ੍ਹਾਂ ਕਾਰਖਾਨੇਦਾਰਾਂ ਦੇ ਕੋਲ ਰਾ-ਮਟੀਰੀਅਲ ਦਾ ਸਟਾਕ ਸੀ ਉਨ੍ਹਾਂ ਦੀ ਪ੍ਰੋਡਕਸ਼ਨ ਚੱਲਦੀ ਰਹੀ ਪਰ ਕੁਲ ਮਿਲਾਕੇ ਇਸ ਦਾ ਅਸਰ ਸਿਰਫ 8 ਤੋਂ 9 ਫ਼ੀਸਦੀ ਹੀ ਰਿਹਾ।
ਪੰਜਾਬ ਨੇਡ਼ਲੇ ਖੇਤਰਾਂ ’ਤੇ ਨਹੀਂ ਪਿਆ ਕੋਈ ਅਸਰ
ਇਨ੍ਹਾਂ ਹਾਲਾਤ ਦੇ ਮੱਦੇਨਜ਼ਰ ਪੰਜਾਬ, ਹਿਮਾਚਲ ਪ੍ਰਦੇਸ਼, ਉੱਤਰਾਖੰਡ ਅਤੇ ਜੰਮੂ-ਕਸ਼ਮੀਰ ਵਿਚ ਇਸ ਦਾ ਕੋਈ ਅਸਰ ਨਹੀਂ ਪਿਆ ਕਿਉਂਕਿ ਇੱਥੇ ਦੀ ਸਪਲਾਈ ਲਾਈਨ ਪੂਰੀ ਤਰ੍ਹਾਂ ਚੱਲਦੀ ਰਹੀ, ਉਥੇ ਹੀ ਇਨ੍ਹਾਂ ਖੇਤਰਾਂ ਨੂੰ ਜੋ ਸਾਮਾਨ ਦਿੱਲੀ ਦੇ ਇਲਾਵਾ ਹੋਰ ਪ੍ਰਦੇਸ਼ਾਂ ਤੋਂ ਆਉਂਦਾ ਹੈ ਉਸ ਦੀ ਸਪਲਾਈ ਲਾਈਨ ਸ੍ਰੀਗੰਗਾਨਗਰ ਅਤੇ ਹੋਰ ਰਸਤਿਆਂ ਦੇ ਮਾਧਿਅਮ ਨਾਲ ਆਉਂਦੀ ਰਹੀ, ਜਿਨ੍ਹਾਂ ’ਤੇ ਇਸ ਘਟਨਾ ਦਾ ਕੋਈ ਅਸਰ ਨਹੀਂ ਵਿਖਾਈ ਦਿੱਤਾ। ਹਾਲਾਂਕਿ ਹਰਿਆਣੇ ਦੇ ਖੇਤਰ ਉੱਤਰ ਪ੍ਰਦੇਸ਼ ਦੇ ਨਾਲ ਲੱਗਦੇ ਹਨ ਉੱਥੇ ਵੀ ਇਸ ਬਦਲਦੇ ਹਾਲਾਤ ਦਾ ਕੋਈ ਖਾਸ ਅਸਰ ਨਹੀਂ ਹੋਇਆ। ਹਾਲਾਂਕਿ ਗੁੜਗ਼ਾਓਂ ਫਰੀਦਾਬਾਦ ਦੇ ਕੁਝ ਖੇਤਰ ਟਰੈਫਿਕ ਜਾਮ ਤੋਂ ਪ੍ਰਭਾਵਿਤ ਰਹੇ। ਉਥੇ ਉਡਾਨਾਂ ’ਤੇ ਇਸ ਲਈ ਅਸਰ ਪਿਆ ਕਿਉਂਕਿ ਲੋਕ ਟਰੈਫਿਕ ਜਾਮ ਦੇ ਕਾਰਣ ਹਵਾਈ ਅੱਡਿਆਂ ’ਤੇ ਸਮੇਂ ’ਤੇ ਪਹੁੰਚ ਨਹੀਂ ਸਕੇ ਪਰ ਵਿਗਡ਼ੇ ਹਾਲਾਤ ਦੇ ਮੱਦੇਨਜ਼ਰ ਕੁਝ ਲੋਕ ਘਰਾਂ ਤੋਂ ਬਾਹਰ ਨਹੀਂ ਨਿਕਲ ਸਕੇ। ਮੌਸਮ ਦੀ ਖਰਾਬੀ ਦੇ ਕਾਰਣ ਦੋ ਤੋਂ ਤਿੰਨ ਦਰਜਨ ਉਡਾਨਾਂ ’ਤੇ ਇਸ ਦਾ ਅਸਰ ਹੋਇਆ।
ਧੁੰਦ ਨੇ ਵਧਾਈ ਯਾਤਰੀਆਂ ਦੀ ਪ੍ਰੇਸ਼ਾਨੀ, ਆਵਾਜਾਈ ਹੋਈ ਪ੍ਰਭਾਵਿਤ
NEXT STORY