ਹੁਸ਼ਿਆਰਪੁਰ (ਅਮਰੀਕ)— ਇਕ ਪਾਸੇ ਜਿੱਥੇ ਅੱਜ ਦੇ ਮਾਡਰਨ ਯੁੱਗ 'ਚ ਵਿਆਹਾਂ ਮੌਕੇ ਲੋਕ ਲੱਖਾਂ ਰੁਪਏ ਖਰਚ ਕਰਦੇ ਹਨ, ਉਥੇ ਹੀ ਕਈ ਸੂਝਵਾਨ ਲੋਕਾਂ ਵੱਲੋਂ ਵਿਆਹ ਸ਼ਾਦੀ 'ਤੇ ਲੱਖਾਂ ਰੁਪਏ ਖਰਚਣ ਦੀ ਥਾਂ 'ਤੇ ਸਾਦੇ ਵਿਆਹ ਨੂੰ ਤਰਜੀਹ ਦਿੱਤੀ ਜਾ ਰਹੀ ਹੈ। ਲੋਕ ਦਿਖਾਵੇ ਨੂੰ ਨਕਾਰਦਿਆਂ ਪਿੰਡ ਬੱਸੀ ਗੁਲਾਮ ਹੁਸੈਨ ਦੇ ਇਕ ਪਰਿਵਾਰ ਨੇ ਆਪਣੇ ਟਰੈਕਟਰ ਉੱਪਰ ਡੋਲੀ ਲਿਜਾ ਕੇ ਲੋਕਾਂ ਦੀ ਖੂਬ ਵਾਹ-ਵਾਹ ਖੱਟੀ। ਦਰਅਸਲ ਇਥੋਂ ਦੇ ਰਹਿਣ ਵਾਲੇ ਅੰਮ੍ਰਿਤਪਾਲ ਸਿੰਘ ਆਪਣੀ ਲਾੜੀ ਨੂੰ ਵਿਆਹੁਣ ਲਈ ਆਪਣੇ ਘਰ ਦੇ ਟਰੈਕਟਰ 'ਤੇ ਗਏ ਅਤੇ ਡੋਲੀ ਵੀ ਟਰੈਕਟਰ 'ਤੇ ਹੀ ਲੈ ਕੇ ਆਏ। ਲਾੜੀ ਨੂੰ ਟਰੈਕਟਰ 'ਤੇ ਵਿਆਹੁਣ ਆਏ ਲਾੜੇ ਨੂੰ ਹਰ ਕੋਈ ਦੇਖ ਕੇ ਹੈਰਾਨ ਸੀ।
ਲਾੜੇ ਦੇ ਪਰਿਵਾਰਕ ਮੈਂਬਰਾਂ ਦਾ ਕਹਿਣਾ ਹੈ ਕਿ ਆਪਣੇ ਉਨ੍ਹਾਂ ਦੀ ਸ਼ੁਰੂ ਤੋਂ ਹੀ ਸੋਚ ਸੀ ਕਿ ਉਹ ਆਪਣੇ ਪੁੱਤਰ ਦੇ ਵਿਆਹ 'ਤੇ ਕੋਈ ਵੀ ਨਾਜਾਇਜ਼ ਖਰਚਾ ਨਹੀਂ ਕਰਨਗੇ ਅਤੇ ਆਪਣੀ ਸੋਚ 'ਤੇ ਖਰਾ ਉਤਰਦੇ ਹੋਏ ਉਨ੍ਹਾਂ ਵੱਲੋਂ ਆਪਣੇ ਪੁੱਤਰ ਦੀ ਬਾਰਾਤ ਕਿਸੇ ਮਹਿੰਗੀ ਲਗਜ਼ਰੀ ਗੱਡੀ 'ਚ ਲਿਜਾਣ ਦੀ ਬਜਾਏ ਟਰੈਕਟਰ 'ਤੇ ਲੈ ਕੇ ਜਾਣ ਨੂੰ ਤਰਜੀਹ ਦਿੱਤੀ।
ਪਰਿਵਾਰਕ ਮੈਂਬਰਾਂ ਪਰਿਵਾਰਕ ਮੈਂਬਰਾਂ ਨੇ ਦੱਸਿਆ ਕਿ ਅੱਜਕਲ੍ਹ ਫੋਕੀ ਸ਼ੋਹਰਤ ਖੱਟਣ ਲਈ ਲੋਕਾਂ ਵੱਲੋਂ ਵਿਆਹਾਂ 'ਤੇ ਕਰਜ਼ੇ ਚੁੱਕ ਕੇ ਲੋਕ ਦਿਖਾਵਾ ਕੀਤਾ ਜਾਂਦਾ ਹੈ, ਜਿਸ ਨਾਲ ਪਰਿਵਾਰ ਕਰਜ਼ੇ 'ਚ ਡੁੱਬਦਾ ਤਾਂ ਹੈ ਪਰ ਬਾਅਦ 'ਚ ਉਨ੍ਹਾਂ ਨੂੰ ਆਰਥਿਕ ਅਤੇ ਮਾਨਸਿਕ ਤੌਰ 'ਤੇ ਪ੍ਰੇਸ਼ਾਨੀਆਂ ਦਾ ਸਾਹਮਣਾ ਵੀ ਕਰਨਾ ਪੈਂਦਾ ਹੈ। ਉਨ੍ਹਾਂ ਹੋਰਨਾਂ ਲੋਕਾਂ ਨੂੰ ਵੀ ਅਪੀਲ ਕੀਤੀ ਕਿ ਉਹ ਆਪਣੇ ਬੱਚਿਆਂ ਦੇ ਵਿਆਹ ਸਮਾਗਮਾਂ 'ਤੇ ਨਾਜਾਇਜ਼ ਖਰਚਾ ਨਾ ਕਰਨ ਅਤੇ ਸਾਧਾਰਨ ਤਰੀਕੇ ਨਾਲ ਵਿਆਹ ਕਰਨ ਨੂੰ ਪਹਿਲ ਦੇਣ।
ਇਸ ਮੌਕੇ ਲਾੜੀ ਜਸਵੀਰ ਕੌਰ ਨੇ ਦੱਸਿਆ ਕਿ ਉਸ ਨੂੰ ਬਹੁਤ ਹੀ ਵਧੀਆ ਲੱਗਾ ਕਿ ਉਸ ਦੀ ਡੋਲੀ ਟਰੈਕਟਰ 'ਤੇ ਆਈ ਹੈ। ਲਾੜੀ ਨੇ ਦੱਸਿਆ ਕਿ ਅੰਮ੍ਰਿਤਪਾਲ ਨੇ ਪਹਿਲਾਂ ਇਸ ਸਬੰਧੀ ਉਸ ਨਾਲ ਗੱਲਬਾਤ ਕੀਤੀ ਸੀ ਅਤੇ ਫਿਰ ਉਸ ਨੇ ਕਿਹਾ ਕਿ ਵਧੀਆ ਗੱਲ ਹੈ ਕਿ ਉਹ ਕਿਸੇ ਲਗਜ਼ਰੀ ਗੱਡੀ ਦੀ ਬਜਾਏ ਆਪਣੇ ਘਰ ਦੇ ਟਰੈਕਟਰ 'ਤੇ ਡੋਲੀ ਲੈ ਕੇ ਜਾਣਾ ਚਾਹੁੰਦੇ ਹਨ।
ਜਸਵੀਰ ਨੇ ਵੀ ਲੋਕਾਂ ਅਪੀਲ ਕੀਤੀ ਕਿ ਵਿਆਹਾਂ 'ਤੇ ਲੱਖਾਂ ਖਰਚਣ ਦੀ ਬਜਾਏ ਸਾਦਗੀ ਨਾਲ ਵਿਆਹ ਕੀਤਾ ਜਾਣਾ ਚਾਹੀਦਾ ਹੈ। ਅੰਮ੍ਰਿਤਪਾਲ ਸਿੰਘ ਨੇ ਦੱਸਿਆ ਕਿ ਉਂਝ ਅਸੀਂ ਗੱਡੀ ਕਿਰਾਏ 'ਤੇ ਕਰਕੇ ਲੈ ਕੇ ਆਉਣੀ ਸੀ ਅਤੇ ਆਪਣੇ ਟਰੈਕਟਰ 'ਤੇ ਆ ਕੇ ਬਹੁਤ ਹੀ ਮਹਿਸੂਸ ਹੋ ਰਿਹਾ ਹੈ।
'ਥਰਮਲ ਪਲਾਟਾਂ' ਦੇ ਬਿਆਨ 'ਤੇ ਮਜੀਠੀਆ ਨੇ ਜਾਖੜ ਨੂੰ ਸੁਣਾਈਆਂ ਖਰੀਆਂ-ਖਰੀਆਂ
NEXT STORY 
