ਕੋਟਕਪੂਰਾ (ਨਰਿੰਦਰ, ਭਾਵਿਤ) - ਵਿਜੇ ਨਗਰ ਅਤੇ ਅਮਨ ਨਗਰ ਦੇ ਮੁਹੱਲਿਆਂ ਵਿਚ ਗੰਦੇ ਪਾਣੀ ਦੀ ਨਿਕਾਸੀ ਨਾ ਹੋਣ ਕਾਰਨ ਲੋਕਾਂ ਨੂੰ ਭਾਰੀ ਮੁਸ਼ਕਲਾਂ ਦਾ ਸਾਹਮਣਾ ਕਰਨਾ ਪੈ ਰਿਹਾ ਹੈ। ਇੱਥੇ ਘਰਾਂ ਦਾ ਗੰਦਾ ਪਾਣੀ ਮੋਗਾ ਰੋਡ 'ਤੇ ਸਥਿਤ ਪਏ ਖਾਲੀ ਪਲਾਟਾਂ 'ਚ ਬਣੇ ਛੱਪੜ ਵਿਚ ਪੈ ਰਿਹਾ ਹੈ, ਜੋ ਕਿ ਭਿਆਨਕ ਬੀਮਾਰੀਆਂ ਦਾ ਕਾਰਨ ਬਣ ਰਿਹਾ ਹੈ। ਸਥਾਨਕ ਵਾਸੀਆਂ ਵੱਲੋਂ ਇਸ ਸਬੰਧੀ ਐੱਸ. ਡੀ. ਐੱਮ. ਕੋਟਕਪੂਰਾ ਨੂੰ ਮਸਲਾ ਹੱਲ ਕਰਵਾਉਣ ਦੀ ਅਪੀਲ ਕੀਤੀ ਗਈ ਸੀ। ਐੱਸ. ਡੀ. ਐੱਮ. ਡਾ. ਮਨਦੀਪ ਕੌਰ ਅੱਜ ਸੰਦੀਪ ਸਿੰਘ ਐੱਮ. ਈ., ਗੁਲਸ਼ਨ ਕੁਮਾਰ ਐੱਸ. ਡੀ. ਓ. ਵਾਟਰ ਵਰਕਸ, ਸੰਦੀਪ ਸਿੰਘ ਜੇ. ਈ., ਸੈਨੇਟਰੀ ਇੰਸਪੈਕਟਰ ਗੁਰਿੰਦਰ ਸਿੰਘ ਅਤੇ ਇੰਸਪੈਕਟਰ ਮਨਮੋਹਨ ਸਿੰਘ ਚਾਵਲਾ ਆਦਿ ਅਧਿਕਾਰੀਆਂ ਨੂੰ ਲੈ ਕੇ ਮੌਕੇ 'ਤੇ ਪੁੱਜੇ ਅਤੇ ਲੋਕਾਂ ਤੋਂ ਸਾਰੀ ਸਥਿਤੀ ਦੀ ਜਾਣਕਾਰੀ ਲਈ।
ਐੱਸ. ਡੀ. ਐੱਮ. ਕੋਟਕਪੂਰਾ ਨੇ ਮੁਹੱਲਾ ਵਾਸੀਆਂ ਦੀ ਸਮੱਸਿਆ ਨੂੰ ਬਹੁਤ ਹੀ ਗੰਭੀਰਤਾ ਨਾਲ ਲਿਆ ਅਤੇ ਅਧਿਕਾਰੀਆਂ ਨੂੰ ਇਸ ਦੇ ਤੁਰੰਤ ਹੱਲ ਦੀ ਹਦਾਇਤ ਕੀਤੀ। ਐੱਸ. ਡੀ. ਐੱਮ. ਵੱਲੋਂ ਵਿਖਾਈ ਗੰਭੀਰਤਾ ਕਰ ਕੇ ਮੁਹੱਲਾ ਵਾਸੀਆਂ ਨੂੰ ਸਮੱਸਿਆ ਦਾ ਹੱਲ ਹੋਣ ਦੀ ਉਮੀਦ ਬੱਝੀ ਹੈ। ਐੱਸ. ਡੀ. ਐੱਮ. ਕੋਟਕਪੂਰਾ ਨੇ ਦੱਸਿਆ ਕਿ ਲੋੜ ਪੈਣ 'ਤੇ ਉਹ ਇਸ ਸਬੰਧੀ ਡਿਪਟੀ ਕਮਿਸ਼ਨਰ ਫਰੀਦਕੋਟ ਨਾਲ ਵੀ ਗੱਲ ਕਰਨਗੇ ਅਤੇ ਇਸ ਗੰਭੀਰ ਸਮੱਸਿਆ ਦਾ ਹੱਲ ਪਹਿਲ ਦੇ ਆਧਾਰ 'ਤੇ ਕਰਵਾਇਆ ਜਾਵੇਗਾ। ਇਸ ਦੌਰਾਨ ਅਸ਼ੋਕ ਦਿਉੜਾ, ਜਗਦੀਸ਼ ਮਹਿਤਾ, ਮਾ. ਜੋਗਿੰਦਰ ਸਿੰਘ, ਧਰਮਪਾਲ, ਸੁਮਿਤ ਅਰੋੜਾ ਆਦਿ ਹਾਜ਼ਰ ਸਨ।
ਕਪੂਰਥਲਾ 'ਚ ਬਣਾਈ ਗਈ ਐੱਸ. ਟੀ. ਐੱਫ. ਟੀਮ ਡਰੱਗਜ਼ ਖਿਲਾਫ ਨਹੀਂ ਦਿਖਾ ਸਕੀ ਕੋਈ ਕ੍ਰਿਸ਼ਮਾ
NEXT STORY 
