ਸੰਗਰੂਰ (ਵਿਵੇਕ ਸਿੰਧਵਾਨੀ, ਰਵੀ) : ਪਤਨੀ ਅਤੇ ਸਹੁਰੇ ਪਰਿਵਾਰ ਵਲੋਂ ਤੰਗ ਪਰੇਸ਼ਾਨ ਕਰਨ ਦੇ ਚਲਦਿਆਂ ਪਤੀ ਵਲੋਂ ਫਾਹਾ ਲਗਾ ਕੇ ਆਤਮ ਹੱਤਿਆ ਕਰਨ 'ਤੇ ਦੋ ਔਰਤਾਂ ਸਮੇਤ ਤਿੰਨ ਵਿਅਕਤੀਆਂ ਖਿਲਾਫ ਥਾਣਾ ਛਾਂਜਲੀ ਵਿਚ ਕੇਸ ਦਰਜ ਕੀਤਾ ਗਿਆ ਹੈ। ਜਾਣਕਾਰੀ ਦਿੰਦਿਆਂ ਸਹਾਇਕ ਥਾਣੇਦਾਰ ਹਰਿੰਦਰ ਸਿੰਘ ਨੇ ਦੱਸਿਆ ਕਿ ਮੁਦੱਈ ਰਣ ਸਿੰਘ ਵਾਸੀ ਛਾਂਜਲਾ ਨੇ ਪੁਲਸ ਨੂੰ ਬਿਆਨ ਦਰਜ ਕਰਵਾਏ ਕਿ ਉਸਦੇ 3 ਲੜਕੇ ਹਨ ਜਿਨ੍ਹਾਂ ਵਿਚ ਚਮਕੌਰ ਸਿੰਘ ਵਾਸੀ ਪਿੰਡ ਸ਼ੇਖੂਵਾਸ ਸ਼ਿੰਦਰਪਾਲ ਕੌਰ ਨਾਲ ਵਿਆਹਿਆ ਹੋਇਆ ਸੀ। ਸ਼ਿੰਦਰਪਾਲ ਕੌਰ ਪਤੀ ਚਮਕੌਰ ਸਿੰਘ 'ਤੇ ਸ਼ੱਕ ਕਰਦੀ ਸੀ। ਜਿਸ 'ਤੇ ਸ਼ਿੰਦਰਪਾਲ ਕੌਰ ਦੀ ਮਾਂ ਵੀ ਉਸਦਾ ਸਾਥ ਦਿੰਦਿਆਂ ਚਮਕੌਰ ਸਿੰਘ ਨੂੰ ਗਾਲਾਂ ਕੱਢਦੀ ਸੀ।
ਪਿਛਲੀ 31 ਅਕਤੂਬਰ ਨੂੰ ਸ਼ਿੰਦਰਪਾਲ ਕੌਰ ਰੁੱਸ ਕੇ ਆਪਣੇ ਪੇਕੇ ਚਲੀ ਗਈ ਅਤੇ ਉਸਨੇ ਮੁਦੱਈ ਦੇ ਲੜਕੇ ਵਿਰੁੱਧ ਥਾਣਾ ਛਾਂਜਲੀ ਵਿਚ ਦਰਖਾਸਤ ਵੀ ਦਿੱਤੀ ਹੋਈ ਸੀ। ਦਰਖਾਸਤ ਸਬੰਧੀ ਪਤਾ ਲੱਗਣ 'ਤੇ ਮੁਦੱਈ ਦਾ ਲੜਕਾ ਆਪਣੇ ਦੋਸਤਾਂ ਸਮੇਤ ਆਪਣੇ ਸਹੁਰੇ ਪਰਿਵਾਰ ਗਿਆ ਸੀ ਜਿਥੇ ਉਨ੍ਹਾਂ ਚਮਕੌਰ ਸਿੰਘ ਦੀ ਕਾਫੀ ਬੇਇੱਜ਼ਤੀ ਕੀਤੀ। ਮੁਦੱਈ ਨੇ ਦੱਸਿਆ ਕਿ ਚਮਕੌਰ ਸਿੰਘ ਦੇ ਦੋਸਤਾਂ ਨੇ ਦੱਸਿਆ ਕਿ ਚਮਕੌਰ ਨੇ ਇਕ ਵੀਡੀਓ ਪਾਈ ਹੈ ਕਿ ਉਹ ਆਪਣੀ ਮੌਤ ਲਈ ਆਪਣੇ ਸਹੁਰੇ ਪਰਿਵਾਰ ਨੂੰ ਜ਼ਿੰਮੇਵਾਰ ਠਹਿਰਾਉਂਦਾ ਹੈ ਜਿਸ ਉਪਰੰਤ ਉਸਨੇ ਖੇਤਾਂ 'ਚ ਜਾ ਕੇ ਦਰਖਤ ਨਾਲ ਫਾਹਾ ਲਗਾ ਕੇ ਆਤਮਹੱਤਿਆ ਕਰ ਲਈ। ਪੁਲਸ ਨੇ ਮੁਦੱਈ ਦੇ ਬਿਆਨਾਂ ਦੀ ਜਾਂਚ ਕਰਨ ਉਪਰੰਤ ਸ਼ਿੰਦਰਪਾਲ ਕੌਰ, ਚਰਨਜੀਤ ਕੌਰ ਵਾਸੀ ਸ਼ੇਖੂਵਾਸ ਅਤੇ ਸਤਿਗੁਰ ਸਿੰਘ ਵਾਸੀ ਰਾਮਗੜ੍ਹ ਸੰਧੂਆਂ ਵਿਰੁੱਧ ਕੇਸ ਦਰਜ ਕਰਕੇ ਅਗਲੀ ਕਾਰਵਾਈ ਸ਼ੁਰੂ ਕਰ ਦਿੱਤੀ ਹੈ।
ਪ੍ਰਦੂਸ਼ਣ ਦੇ ਮੁੱਦੇ 'ਤੇ ਓ. ਪੀ. ਸੋਨੀ ਦਾ ਕੇਜਰੀਵਾਲ ਨੂੰ ਠੋਕਵਾਂ ਜਵਾਬ
NEXT STORY 
