ਸਪੋਰਟਸ ਡੈਸਕ- ਕਾਨਪੁਰ ਤੋਂ ਵੱਡੀ ਖ਼ਬਰ ਸਾਹਮਣੇ ਆਈ ਹੈ। ਕਾਨਪੁਰ ਦੇ ਗ੍ਰੀਨ ਪਾਰਕ ਸਟੇਡੀਅਮ ਵਿੱਚ ਭਾਰਤ-ਏ ਅਤੇ ਆਸਟ੍ਰੇਲੀਆ-ਏ ਦੇ ਵਿਚਕਾਰ ਵਨਡੇ ਸੀਰੀਜ਼ ਚੱਲ ਰਹੀ ਹੈ। ਇਸ ਦੌਰਾਨ ਆਸਟ੍ਰੇਲੀਆਈ ਟੀਮ ਦੇ ਚਾਰ ਖਿਡਾਰੀਆਂ ਦੀ ਅਚਾਨਕ ਤਬੀਅਤ ਵਿਗੜ ਗਈ। ਦੂਜੇ ਮੈਚ ਤੋਂ ਬਾਅਦ, ਆਸਟ੍ਰੇਲੀਆਈ ਕਪਤਾਨ ਸਮੇਤ ਚਾਰ ਖਿਡਾਰੀ ਕਥਿਤ ਤੌਰ 'ਤੇ ਹੋਟਲ ਦਾ ਖਾਣਾ ਖਾ ਕੇ ਬਿਮਾਰ ਪੈ ਗਏ। ਤੇਜ਼ ਗੇਂਦਬਾਜ਼ ਨੂੰ ਹਸਪਤਾਲ ਕਰਨਾ ਪਿਆ ਦਾਖਲ
ਜਿਹਨਾਂ 4 ਖਿਡਾਰੀਆਂ ਦੀ ਤਬੀਅਤ ਜ਼ਿਆਦਾ ਵਿਗੜੀ, ਉਹਨਾਂ ਵਿੱਚ ਤੇਜ਼ ਗੇਂਦਬਾਜ਼ ਹੈਨਰੀ ਥੌਰਨਟਨ ਵੀ ਸ਼ਾਮਲ ਸਨ। ਪੇਟ ਵਿੱਚ ਸੰਕਰਮਣ ਦੀ ਸਮੱਸਿਆ (stomach problems) ਨਾਲ ਜੂਝ ਰਹੇ ਹੈਨਰੀ ਥੌਰਨਟਨ ਦੀ ਹਾਲਤ ਗੰਭੀਰ ਦੱਸੀ ਜਾ ਰਹੀ ਸੀ। ਇਸ ਕਾਰਨ ਉਹਨਾਂ ਨੂੰ ਤੁਰੰਤ ਰੀਜੈਂਸੀ ਹਸਪਤਾਲ ਵਿੱਚ ਭਰਤੀ ਕਰਾਉਣਾ ਪਿਆ। ਬਾਕੀ ਤਿੰਨ ਖਿਡਾਰੀਆਂ ਨੂੰ ਡਾਕਟਰੀ ਜਾਂਚ ਤੋਂ ਬਾਅਦ ਛੁੱਟੀ ਦੇ ਦਿੱਤੀ ਗਈ। ਹਾਲਾਂਕਿ, ਹੁਣ ਹੈਨਰੀ ਥੌਰਨਟਨ ਦੀ ਹਾਲਤ ਆਮ ਦੱਸੀ ਜਾ ਰਹੀ ਹੈ।
ਸ਼ੁਰੂਆਤੀ ਰਿਪੋਰਟਾਂ ਵਿੱਚ ਇਹ ਕਿਹਾ ਜਾ ਰਿਹਾ ਹੈ ਕਿ ਖਿਡਾਰੀਆਂ ਨੂੰ ਹੋਟਲ ਦਾ ਖਾਣਾ ਖਾਣ ਕਾਰਨ ਪੇਟ ਦੀ ਸਮੱਸਿਆ ਹੋਈ। ਹਾਲਾਂਕਿ, ਇਸ ਗੱਲ ਦੀ ਅਧਿਕਾਰਤ ਪੁਸ਼ਟੀ ਨਾ ਤਾਂ ਹਸਪਤਾਲ ਨੇ ਕੀਤੀ ਹੈ ਅਤੇ ਨਾ ਹੀ ਆਸਟ੍ਰੇਲੀਆਈ ਟੀਮ ਦੇ ਮੈਨੇਜਮੈਂਟ ਨੇ।
ਡਾਈਟ ਚਾਰਟ ਵਿੱਚ ਬਦਲਾਅ, ਸਥਾਨਕ ਖਾਣੇ ਤੋਂ ਦੂਰ ਰਹਿਣ ਦੀ ਸਲਾਹ
ਸਥਾਨਕ ਮੀਡੀਆ ਰਿਪੋਰਟਾਂ ਅਨੁਸਾਰ, ਹੈਨਰੀ ਅਤੇ ਟੀਮ ਦੇ ਚਾਰ ਹੋਰ ਖਿਡਾਰੀਆਂ ਨੂੰ ਵੀ ਇਸੇ ਤਰ੍ਹਾਂ ਦੀ ਗੈਸਟਰੋ ਸਬੰਧੀ ਸਮੱਸਿਆ ਦਾ ਸਾਹਮਣਾ ਕਰਨਾ ਪਿਆ। ਇਸ ਘਟਨਾ ਤੋਂ ਬਾਅਦ ਟੀਮ ਮੈਨੇਜਮੈਂਟ ਨੇ ਅੱਗੇ ਅਜਿਹੀ ਕੋਈ ਸਮੱਸਿਆ ਨਾ ਹੋਵੇ, ਇਸ ਲਈ ਡਾਈਟ ਚਾਰਟ ਵਿੱਚ ਬਦਲਾਅ ਕੀਤਾ ਹੈ। ਆਸਟ੍ਰੇਲੀਆ-ਏ ਦੀ ਮੈਡੀਕਲ ਟੀਮ ਨੇ ਖਿਡਾਰੀਆਂ ਨੂੰ ਸਥਾਨਕ ਭੋਜਨ ਅਤੇ ਪਾਣੀ ਤੋਂ ਸਤਰਕ ਰਹਿਣ ਦੀ ਸਲਾਹ ਦਿੱਤੀ ਹੈ। ਡਾਕਟਰ ਲਗਾਤਾਰ ਖਿਡਾਰੀਆਂ 'ਤੇ ਨਜ਼ਰ ਬਣਾਏ ਹੋਏ ਹਨ।
ਵਨਡੇ ਸੀਰੀਜ਼ 1-1 ਦੀ ਬਰਾਬਰੀ 'ਤੇ
ਭਾਰਤ ਅਤੇ ਆਸਟ੍ਰੇਲੀਆ-ਏ ਟੀਮ ਦੇ ਵਿਚਕਾਰ ਤਿੰਨ ਮੈਚਾਂ ਦੀ ਵਨਡੇ ਸੀਰੀਜ਼ ਫਿਲਹਾਲ 1-1 ਦੀ ਬਰਾਬਰੀ 'ਤੇ ਹੈ। ਪਹਿਲੇ ਮੈਚ ਵਿੱਚ ਭਾਰਤੀ ਟੀਮ ਨੇ 171 ਦੌੜਾਂ ਨਾਲ ਵੱਡੀ ਜਿੱਤ ਹਾਸਲ ਕੀਤੀ ਸੀ, ਜਦੋਂ ਕਿ ਦੂਜੇ ਮੈਚ ਵਿੱਚ ਕੰਗਾਰੂ ਟੀਮ ਨੇ ਵਾਪਸੀ ਕੀਤੀ ਅਤੇ ਮੈਚ ਜਿੱਤ ਲਿਆ। ਹੁਣ ਤੀਜਾ ਅਤੇ ਫੈਸਲਾਕੁੰਨ ਮੈਚ 5 ਅਕਤੂਬਰ ਨੂੰ ਖੇਡਿਆ ਜਾਣਾ ਹੈ।
ਜੈਪੁਰ ਪਿੰਕ ਪੈਂਥਰਸ ਨੂੰ ਪੁਣੇਰੀ ਪਲਟਨ ਨੇ 5 ਅੰਕਾਂ ਨਾਲ ਹਰਾਇਆ
NEXT STORY 
