ਸਪੋਰਟਸ ਡੈਸਕ— ਬੰਗਲਾਦੇਸ ਖ਼ਿਲਾਫ਼ ਤਿੰਨ ਵਨਡੇ ਮੈਚਾਂ ਦੀ ਸੀਰੀਜ਼ ਦੇ ਪਹਿਲੇ ਮੈਚ 'ਚ ਭਾਰਤੀ ਟੀਮ 1 ਵਿਕਟ ਨਾਲ ਹਾਰ ਗਈ। ਬੰਗਲਾਦੇਸ਼ ਨੇ ਆਖਰੀ ਵਿਕਟ ਲਈ 51 ਦੌੜਾਂ ਦੀ ਸਾਂਝੇਦਾਰੀ ਕਰਕੇ ਭਾਰਤ ਤੋਂ ਮੈਚ ਖੋਹ ਲਿਆ। ਅਜੇ ਹਾਰ ਦਾ ਗ਼ਮ ਗਿਆ ਨਹੀਂ ਕਿ ਰੋਹਿਤ ਐਂਡ ਕੰਪਨੀ ਨੂੰ ਇਕ ਹੋਰ ਵੱਡਾ ਝਟਕਾ ਲੱਗਾ ਹੈ। ਦਰਅਸਲ ICC ਨੇ ਟੀਮ ਦੇ ਖਿਡਾਰੀਆਂ ਨੂੰ ਹੌਲੀ ਓਵਰ ਸਪੀਡ ਲਈ ਜੁਰਮਾਨਾ ਲਾਇਆ ਹੈ।
ਦਰਅਸਲ ਐਤਵਾਰ ਨੂੰ ਮੀਰਪੁਰ 'ਚ ਪਹਿਲੇ ਵਨਡੇ 'ਚ ਭਾਰਤ 'ਤੇ ਹੌਲੀ ਓਵਰ ਸਪੀਡ ਲਈ ਮੈਚ ਫੀਸ ਦਾ 80 ਫੀਸਦੀ ਜੁਰਮਾਨਾ ਲਗਾਇਆ ਗਿਆ ਹੈ। ਮੈਚ ਰੈਫਰੀਆਂ ਦੇ ਅਮੀਰਾਤ ਆਈਸੀਸੀ ਏਲੀਟ ਪੈਨਲ ਦੇ ਰੰਜਨ ਮਦੁਗਲੇ ਨੇ ਸਮੇਂ ਨੂੰ ਧਿਆਨ ਵਿੱਚ ਰੱਖਦੇ ਹੋਏ ਭਾਰਤ 'ਤੇ ਜੁਰਮਾਨਾ ਲਗਾਉਣ ਦਾ ਫੈਸਲਾ ਕੀਤਾ। ਮੈਚ ਰੈਫਰੀ ਮੁਤਾਬਕ ਭਾਰਤੀ ਟੀਮ ਨੇ ਨਿਰਧਾਰਤ ਸਮੇਂ ਤੋਂ ਚਾਰ ਓਵਰ ਘੱਟ ਗੇਂਦਬਾਜ਼ੀ ਕੀਤੀ।
ਇਹ ਵੀ ਪੜ੍ਹੋ : ਹਥਿਆਰਬੰਦ ਲੋਕਾਂ ਵਲੋਂ ਘਰ 'ਚ ਦਾਖਲ ਹੋਣ ਤੋਂ ਬਾਅਦ ਵਿਸ਼ਵ ਕੱਪ ਤੋਂ ਆਪਣੇ ਵਤਨ ਇੰਗਲੈਂਡ ਪੁੱਜੇ ਸਟਰਲਿੰਗ
ਅੰਤਰਰਾਸ਼ਟਰੀ ਕ੍ਰਿਕਟ ਪਰਿਸ਼ਦ (ਆਈਸੀਸੀ) ਨੇ ਇੱਕ ਬਿਆਨ ਵਿੱਚ ਕਿਹਾ, "ਖਿਡਾਰੀਆਂ ਅਤੇ ਖਿਡਾਰੀਆਂ ਦੇ ਸਹਿਯੋਗੀ ਸਟਾਫ ਨਾਲ ਜੁੜੀ ਆਈਸੀਸੀ ਸੰਹਿਤਾ ਦੇ ਘੱਟੋ-ਘੱਟ ਓਵਰ ਗਤੀ ਨਿਯਮ 2.22 ਦੇ ਤਹਿਤ ਨਿਰਧਾਰਤ ਸਮੇਂ 'ਚ ਪ੍ਰਤੀ ਓਵਰ ਘੱਟ ਕਰਾਉਣ 'ਤੇ ਮੈਚ ਫੀਸ ਦਾ 20 ਫੀਸਦੀ ਜੁਰਮਾਨਾ ਲਗਾਇਆ ਜਾਂਦਾ ਹੈ। ਭਾਰਤੀ ਕਪਤਾਨ ਰੋਹਿਤ ਸ਼ਰਮਾ ਨੇ ਜੁਰਮ ਕਬੂਲ ਕਰ ਲਿਆ, ਇਸ ਲਈ ਰਸਮੀ ਸੁਣਵਾਈ ਦੀ ਲੋੜ ਨਹੀਂ ਸੀ। ਫੀਲਡ ਅੰਪਾਇਰ ਮਾਈਕਲ ਗਫ ਅਤੇ ਤਨਵੀਰ ਅਹਿਮਦ, ਤੀਜੇ ਅੰਪਾਇਰ ਸ਼ਰਫੁੱਦੌਲਾ ਇਬਨੇ ਸ਼ਾਹਿਦ ਅਤੇ ਚੌਥੇ ਅੰਪਾਇਰ ਗਾਜ਼ੀ ਸੋਹੇਲ ਨੇ ਇਹ ਦੋਸ਼ ਲਾਏ।
ਮੈਚ ਦੀ ਗੱਲ ਕਰੀਏ ਤਾਂ ਬੰਗਲਾਦੇਸ਼ ਨੇ ਪਹਿਲਾਂ ਸ਼ਾਕਿਬੁੱਲ ਹਸਨ ਦੀਆਂ ਭਾਰਤ ਵਿਰੁੱਧ ਪੰਜ ਵਿਕਟਾਂ ਅਤੇ ਫਿਰ ਹਰਫਨਮੌਲਾ ਮੇਹਿਦੀ ਹਸਨ ਮਿਰਾਜ (ਅਜੇਤੂ 38 ਦੌੜਾਂ) ਦੀ ਮਦਦ ਨਾਲ ਭਾਰਤ ਨੂੰ ਇਕ ਵਿਕਟ ਨਾਲ ਹਰਾਇਆ ਤੇ ਤਿੰਨ ਮੈਚਾਂ ਦੀ ਕ੍ਰਿਕਟ ਲੜੀ ਵਿੱਚ 1-0 ਦੀ ਬੜ੍ਹਤ ਬਣਾ ਲਈ ਹੈ। ਬੰਗਲਾਦੇਸ਼ ਨੇ 40ਵੇਂ ਓਵਰ 'ਚ ਹਸਨ ਮਹਿਮੂਦ (0) ਦੇ ਰੂਪ 'ਚ 136 ਦੌੜਾਂ 'ਤੇ ਆਪਣਾ ਨੌਵਾਂ ਵਿਕਟ ਗੁਆ ਦਿੱਤਾ ਪਰ ਭਾਰਤੀ ਟੀਮ ਅਗਲੇ ਛੇ ਓਵਰਾਂ 'ਚ ਆਖਰੀ ਵਿਕਟ ਨਹੀਂ ਲੈ ਸਕੀ। ਇਸ 'ਚ ਮੇਹਦੀ ਹਸਨ (39 ਗੇਂਦਾਂ, ਚਾਰ ਚੌਕੇ, ਦੋ ਛੱਕੇ) ਅਤੇ ਮੁਸਤਫਿਜ਼ੁਰ ਰਹਿਮਾਨ (ਅਜੇਤੂ 10) ਵਿਚਾਲੇ ਆਖਰੀ ਵਿਕਟ ਲਈ 51 ਦੌੜਾਂ ਦੀ ਸਾਂਝੇਦਾਰੀ ਨੇ ਅਹਿਮ ਭੂਮਿਕਾ ਨਿਭਾਈ ਤੇ ਬੰਗਲਾਦੇਸ਼ ਨੂੰ ਮੈਚ ਜਿਤਾ ਦਿੱਤਾ।
ਨੋਟ : ਇਸ ਖ਼ਬਰ ਬਾਰੇ ਕੀ ਹੈ ਤੁਹਾਡੀ ਰਾਏ। ਕੁਮੈਂਟ ਕਰਕੇ ਦਿਓ ਜਵਾਬ।
ਹਥਿਆਰਬੰਦ ਲੋਕਾਂ ਵਲੋਂ ਘਰ 'ਚ ਦਾਖਲ ਹੋਣ ਤੋਂ ਬਾਅਦ ਵਿਸ਼ਵ ਕੱਪ ਤੋਂ ਆਪਣੇ ਵਤਨ ਇੰਗਲੈਂਡ ਪੁੱਜੇ ਸਟਰਲਿੰਗ
NEXT STORY 
