ਸੋਫੀਆ (ਬੁਲਗਾਰੀਆ), (ਭਾਸ਼ਾ)- ਰਾਸ਼ਟਰਮੰਡਲ ਖੇਡਾਂ ਦੇ ਸੋਨ ਤਮਗਾ ਜੇਤੂ ਅਮਿਤ ਪੰਘਾਲ ਅਤੇ ਰਾਸ਼ਟਰੀ ਚੈਂਪੀਅਨ ਸਚਿਨ ਨੇ ਇੱਥੇ 75ਵੇਂ ਸਟ੍ਰਾਂਜਾ ਮੈਮੋਰੀਅਲ ਮੁੱਕੇਬਾਜ਼ੀ ਟੂਰਨਾਮੈਂਟ ਦੇ ਸੈਮੀਫਾਈਨਲ ਵਿਚ ਪ੍ਰਵੇਸ਼ ਕਰ ਲਿਆ। ਅਮਿਤ (51 ਕਿਲੋ) ਨੇ ਮੰਗੋਲੀਆ ਦੇ ਅਲਦਾਰਕਸ਼ਿਗ ਬਤੁਲਗਾ 'ਤੇ ਸਰਬਸੰਮਤੀ ਨਾਲ 5-0 ਨਾਲ ਜਿੱਤ ਦਰਜ ਕੀਤੀ। ਸਚਿਨ ਨੇ ਵੀ ਦਬਦਬਾ ਬਣਾਇਆ ਅਤੇ ਜਾਰਜੀਆ ਦੇ ਕਪਾਨਾਦਜ਼ੇ ਜਿਆਰਗੀ ਨੂੰ 5-0 ਨਾਲ ਹਰਾਇਆ। ਹੁਣ ਉਸ ਦਾ ਸਾਹਮਣਾ ਸ਼ਨੀਵਾਰ ਨੂੰ ਯੂਕਰੇਨ ਦੇ ਅਬਦੁਰਾਈਮੋਵ ਏਡਰ ਨਾਲ ਹੋਵੇਗਾ।
ਰਜਤ (67 ਕਿਲੋ) ਨੂੰ ਪ੍ਰੀ-ਕੁਆਰਟਰ ਫਾਈਨਲ ਵਿੱਚ ਬਾਈ ਮਿਲੀ। ਟੂਰਨਾਮੈਂਟ 'ਚ ਆਪਣਾ ਪਹਿਲਾ ਮੈਚ ਖੇਡ ਰਹੇ ਰਜਤ ਨੇ ਸ਼ੁਰੂਆਤ ਤੋਂ ਹੀ ਹਮਲਾਵਰ ਸੀ ਅਤੇ 37 ਸਕਿੰਟਾਂ ਦੇ ਅੰਦਰ ਨਾਕਆਊਟ ਨਾਲ ਜਿੱਤ ਦਰਜ ਕੀਤੀ। ਹੁਣ ਸੈਮੀਫਾਈਨਲ 'ਚ ਉਸ ਦਾ ਸਾਹਮਣਾ ਜਾਰਜੀਆ ਦੇ ਗੁਰੂਲੀ ਲਾਸ਼ਾ ਨਾਲ ਹੋਵੇਗਾ। ਲਲਿਤ (54 ਕਿਲੋਗ੍ਰਾਮ) ਨੂੰ ਉਜ਼ਬੇਕਿਸਤਾਨ ਦੇ ਨਾਰਤੋਜ਼ੀਵ ਖੁਜਨਜਾਰ ਤੋਂ 0-5 ਨਾਲ ਹਾਰ ਦਾ ਸਾਹਮਣਾ ਕਰਨਾ ਪਿਆ।
ਨਵੀਨ ਕੁਮਾਰ (92 ਕਿਲੋਗ੍ਰਾਮ) ਨੇ ਕਜ਼ਾਕਿਸਤਾਨ ਦੇ ਕੁਟੀਬੇਕੋਵ ਅਬਜ਼ਲ ਨੂੰ 4-1 ਨਾਲ ਹਰਾ ਕੇ ਸੈਮੀਫਾਈਨਲ 'ਚ ਪ੍ਰਵੇਸ਼ ਕੀਤਾ ਜਿੱਥੇ ਉਸ ਦਾ ਸਾਹਮਣਾ ਜਾਰਜੀਆ ਦੇ ਜਾਰਜੀ ਕੁਸ਼ੀਤਾਸ਼ਵਿਲੀ ਨਾਲ ਹੋਵੇਗਾ। ਜੁਗਨੂੰ (86 ਕਿਲੋ) ਅਤੇ ਸਾਗਰ (92 ਕਿਲੋ ਤੋਂ ਵੱਧ) ਟੂਰਨਾਮੈਂਟ ਤੋਂ ਬਾਹਰ ਹੋ ਗਏ। ਜੁਗਨੂ ਨੂੰ ਉਜ਼ਬੇਕਿਸਤਾਨ ਦੇ ਜਲੋਲੋਵ ਸਮੰਦਰ ਤੋਂ 0-5 ਅਤੇ ਸਾਗਰ ਨੂੰ ਜ਼ੋਕਿਰੋਵ ਜਾਖੋਂਗੀਰ ਤੋਂ 0-5 ਨਾਲ ਹਾਰ ਦਾ ਸਾਹਮਣਾ ਕਰਨਾ ਪਿਆ।
ਚੇਨਈ ਓਪਨ : ਨਾਗਲ ਸੈਮੀਫਾਈਨਲ 'ਚ, ਮੁਕੁੰਦ ਬਾਹਰ
NEXT STORY 
