ਸਪੋਰਟਸ ਡੈਸਕ— ਤਾਲਿਕਾ 'ਚ ਟਾਪ 'ਤੇ ਚੱਲ ਰਹੀ ਚੇਨਈ ਐਤਵਾਰ ਨੂੰ ਇੱਥੇ ਹੋਣ ਵਾਲੇ ਆਈ. ਪੀ. ਐੱਲ ਮੈਚ 'ਚ ਦਿੱਲੀ ਕੈਪੀਟਲਸ ਦੀ ਤਰ੍ਹਾਂ ਕੋਲਕਾਤਾ ਦੇ ਖਿਲਾਫ ਦੂਜੀ ਜਿੱਤ ਦਰਜ ਕਰਨ ਦੀ ਕੋਸ਼ਿਸ਼ ਕਰੇਗੀ। ਘਰੇਲੂ ਟੀਮ ਦੀ ਲੇਅ ਅਚਾਨਕ ਲਗਾਤਾਰ ਦੋ ਹਾਰ ਨਾਲ ਟੁੱਟ ਗਈ, ਪਹਿਲਾਂ ਉਸ ਨੂੰ ਚੇਨਈ ਤੋਂ ਅ ਫਿਰ ਬਿਤੀ ਰਾਤ ਦਿੱਲੀ ਕੈਪੀਟਲਸ ਤੋਂ ਹਾਰ ਦਾ ਮੂੰਹ ਵੇਖਣਾ ਪਿਆ। ਕੋਲਕਾਤਾ ਹਾਲਾਂਕਿ ਮਜ਼ਬੂਤ ਚੇਨਈ ਦੇ ਖਿਲਾਫ ਇਸ ਮੁਕਾਬਲੇ 'ਚ ਕਾਫ਼ੀ ਦਬਾਅ 'ਚ ਹੋਵੇਗੀ।
ਪਿੱਛਲੀਆਂ ਦੋ ਹਾਰਾਂ ਨੇ ਕੋਲਕਾਤਾ ਦੀ ਆਂਦਰੇ ਰਸੇਲ 'ਤੇ ਅਤਿ ਨਿਰਭਰਤਾ ਪ੍ਰਰਗਟ ਕਰ ਦਿੱਤੀ ਜਿਸ ਨੇ ਹੁਣ ਤੱਕ ਬੱਲੇ ਨਾਲ ਧੂੰਮ ਮਚਾਈ ਹੈ। ਪਰ ਵਿਰੋਧੀ ਟੀਮਾਂ ਨੂੰ ਵੈੱਸਟਇੰਡੀਜ਼ ਦੇ ਇਸ ਧੁਰੰਧਰ ਨੂੰ ਰੋਕਣ ਦਾ ਤਰੀਕਾ ਮਿਲ ਗਿਆ ਹੈ ਜਿਸ ਦੇ ਨਾਲ ਉਹ ਕੋਲਕਾਤਾ ਨੂੰ ਘੱਟ ਸਕੋਰ 'ਤੇ ਰੋਕ ਸਕਦੇ ਹਨ।
ਘਰੇਲੂ ਟੀਮ ਦੀ ਮੁਸ਼ਕਿਲ ਇਸ ਗੱਲ ਨਾਲ ਵੀ ਵੱਧ ਗਈ ਹੈ ਕਿ ਹੱਥ ਦੀ ਸੱਟ ਦੇ ਵਧਣ ਦੇ ਕਾਰਨ ਜਮੈਕਾ ਦੇ ਇਸ ਖਿਡਾਰੀ ਦਾ ਖੇਡਣਾ ਸ਼ੱਕੀ ਹੋ ਗਿਆ ਹੈ ਜੋ ਉਨ੍ਹਾਂ ਨੂੰ ਚੇਨਈ 'ਚ ਲੱਗੀ ਸੀ। ਦਿੱਲੀ ਦੇ ਖਿਲਾਫ 21 ਗੇਂਦ 'ਚ 45 ਦੌੜਾਂ ਦੀ ਪਾਰੀ ਦੇ ਦੌਰਾਨ ਵੀ ਉਹ ਸਹਿਜ ਨਹੀਂ ਵਿਖੇ ਸਨ। ਉਹ ਗੇਂਦਬਾਜ਼ੀ ਕਰਦੇ ਹੋਏ ਆਪਣੇ ਕੋਟੇ ਦੇ ਚਾਰ ਓਵਰ ਵੀ ਨਹੀਂ ਕਰ ਸਕੇ ਸਨ ਤੇ ਮੈਦਾਨ 'ਤੇ ਮੁਸ਼ਕਿਲ 'ਚ ਦਿਖਾਈ ਦਿੱਤੇ ਸਨ। ਮੈਚ ਤੋਂ ਬਾਅਦ ਇਨਾਮ ਵੰਡ ਸਮਾਰੋਹ 'ਚ ਵੀ ਉਹ ਨਹੀਂ ਵਿਖਾਈ ਦਿੱਤੇ।
ਕੋਲਕਾਤਾ ਦੀ ਚਾਰ ਜਿੱਤ 'ਚੋਂ ਤਿੰਨ ਮੈਚਾਂ 'ਚ ਰਸੇਲ ਨੂੰ ਮੈਨ ਆਫ ਦ ਮੈਚ ਚੁਣਿਆ ਗਿਆ ਸੀ। ਕਪਤਾਨ ਦਿਨੇਸ਼ ਕਾਰਤਿਕ ਨੇ ਉਨ੍ਹਾਂ ਦੀ ਉਪਲੱਬਧਤਾ ਦੇ ਬਾਰੇ 'ਚ ਕਿਹਾ, ਉਸ ਨੂੰ ਥੋੜ੍ਹੀ ਸਮੱਸਿਆ ਹੈ। ਉਹ ਇਸ ਦੇ ਬਾਵਜੂਦ ਇਸ ਮੈਚ 'ਚ ਖੇਡਣ ਉਤਰਿਆ। ਉਹ ਇਕ ਖਾਸ ਕ੍ਰਿਕਟਰ ਹੈ। ਅਸੀਂ ਇਕ ਦਿਨ ਬਾਅਦ ਫੈਸਲਾ ਕਰਾਂਗੇ। ਰਸੇਲ ਨੇ ਇਸ ਸਤਰ 'ਚ ਕੋਲਕਾਤਾ ਲਈ ਲਗਾਤਾਰ ਛੇ ਪਾਰੀਆਂ 'ਚ 40 ਤੋਂ ਜ਼ਿਆਦਾ ਦੌੜਾਂ ਦਾ ਸਕੋਰ ਬਣਾਇਆ ਹੈ ਤੇ ਉਨ੍ਹਾਂ ਦਾ ਨਹੀਂ ਖੇਡਣਾ ਟੀਮ ਲਈ ਕਰਾਰਾ ਝੱਟਕਾ ਹੋਵੇਗਾ।
ਸਿੰਗਾਪੁਰ ਓਪਨ ਬੈਡਮਿੰਟਨ : ਸਿੰਧੂ ਦੀ ਹਾਰ ਨਾਲ ਭਾਰਤੀ ਚੁਣੌਤੀ ਸਮਾਪਤ
NEXT STORY 
