ਰਿਆਦ, (ਭਾਸ਼ਾ) ਭਾਰਤ ਦੇ ਚੋਟੀ ਦੇ ਕਿਊ ਖਿਡਾਰੀ ਪੰਕਜ ਆਡਵਾਨੀ ਨੇ ਪਿੱਛੜਨ ਤੋਂ ਬਾਅਦ ਵਾਪਸੀ ਕਰਦੇ ਹੋਏ ਸਿਧਾਰਥ ਪਾਰਿਖ ਨੂੰ 4-2 ਨਾਲ ਹਰਾ ਕੇ ਏਸ਼ੀਆਈ ਬਿਲੀਅਰਡਸ ਚੈਂਪੀਅਨਸ਼ਿਪ ਵਿਚ ਖਿਤਾਬ ਦੀ ਹੈਟ੍ਰਿਕ ਵੱਲ ਆਪਣੇ ਕਦਮ ਵਧਾਏ। ਪਾਰਿਖ ਨੇ ਮੈਚ ਵਿੱਚ ਸ਼ਾਨਦਾਰ ਸ਼ੁਰੂਆਤ ਕੀਤੀ ਅਤੇ ਪਹਿਲਾ ਫਰੇਮ 101-38 ਨਾਲ ਜਿੱਤ ਲਿਆ। ਦੂਜੇ ਫਰੇਮ 'ਚ ਸਖਤ ਟੱਕਰ ਹੋਈ ਪਰ ਪਾਰਿਖ ਨੇ ਅਡਵਾਨੀ ਨੂੰ 100-99 ਨਾਲ ਹਰਾ ਕੇ 2-0 ਦੀ ਬੜ੍ਹਤ ਬਣਾ ਲਈ।
ਅਡਵਾਨੀ ਨੇ ਦੋ ਫਰੇਮ ਪਿੱਛੇ ਪਿੱਛੜਨ ਤੋਂ ਬਾਅਦ ਜ਼ੋਰਦਾਰ ਵਾਪਸੀ ਕੀਤੀ ਅਤੇ ਤੀਜਾ ਫਰੇਮ 101-0 ਨਾਲ ਜਿੱਤ ਲਿਆ। ਚੌਥੇ ਫਰੇਮ ਵਿੱਚ 95 ਦੇ ਬ੍ਰੇਕ ਦੇ ਬਾਵਜੂਦ ਪਾਰਿਖ ਅਡਵਾਨੀ ਨੂੰ 101-95 ਨਾਲ ਜਿੱਤਣ ਤੋਂ ਨਹੀਂ ਰੋਕ ਸਕੇ। ਅਡਵਾਨੀ ਨੇ ਪੰਜਵੇਂ ਫਰੇਮ 'ਤੇ ਦਬਦਬਾ ਬਣਾਇਆ ਅਤੇ 87 ਦੇ ਬ੍ਰੇਕ ਨਾਲ 104-2 ਨਾਲ ਜਿੱਤ ਦਰਜ ਕਰਕੇ 3-2 ਦੀ ਬੜ੍ਹਤ ਬਣਾ ਲਈ। ਛੇਵੇਂ ਫਰੇਮ ਵਿੱਚ ਪਾਰਿਖ ਨੇ 95 ਦਾ ਸ਼ਾਨਦਾਰ ਬ੍ਰੇਕ ਬਣਾਇਆ ਪਰ ਇਸਦੇ ਬਾਵਜੂਦ ਉਹ 95-102 ਦੇ ਸਕੋਰ ਨਾਲ ਫਰੇਮ ਅਤੇ ਮੈਚ ਹਾਰ ਗਿਆ। ਅਡਵਾਨੀ ਨੇ ਕਿਹਾ, “ਲੈਅ ਬਣਾਈ ਰੱਖਣਾ ਚੰਗਾ ਹੈ। ਸਿਧਾਰਥ ਮਜ਼ਬੂਤ ਵਿਰੋਧੀ ਹੈ। ਖੇਡ ਦੇ ਅਣਪਛਾਤੇ ਸੁਭਾਅ ਦੇ ਮੱਦੇਨਜ਼ਰ ਇਹ ਇੱਕ ਰੋਮਾਂਚਕ ਮੈਚ ਸੀ। ਜਿਵੇਂ-ਜਿਵੇਂ ਟੂਰਨਾਮੈਂਟ ਅੱਗੇ ਵਧਦਾ ਹੈ, ਫੋਕਸ ਰਹਿਣਾ ਮਹੱਤਵਪੂਰਨ ਹੁੰਦਾ ਹੈ।”
ਵਤਨ ਪਰਤਣ ਤੋਂ ਬਾਅਦ PM ਮੋਦੀ ਨੂੰ ਮਿਲੀ ਭਾਰਤੀ ਕ੍ਰਿਕਟ ਟੀਮ, ਖੂਬ ਕੀਤਾ ਹਾਸਾ-ਮਜ਼ਾਕ, ਵੀਡੀਓ ਵਾਇਰਲ
NEXT STORY 
