ਐਡੀਲੇਡ- ਟੈਸਟ ਮੈਚ ਦੇ ਦੂਜੇ ਦਿਨ ਭਾਰਤ ਨੇ ਆਪਣੀ ਦੂਜੀ ਪਾਰੀ ’ਚ 1 ਵਿਕਟ ’ਤੇ 9 ਦੌੜਾਂ ਬਣਾ ਲਈਆਂ ਹਨ। ਪਹਿਲੀ ਪਾਰੀ ਦੇ ਅਧਾਰ ’ਤੇ ਭਾਰਤ ਨੇ 62 ਦੌੜਾਂ ਦੀ ਬੜ੍ਹਤ ਹਾਸਲ ਕਰ ਲਈ ਹੈ। ਭਾਰਤ ਦੀ ਦੂਜੀ ਪਾਰੀ ’ਚ ਇਕ ਵਾਰ ਫਿਰ ਓਪਨਰ ਪਿ੍ਰਥਵੀ ਸ਼ਾਹ ਫਲਾਪ ਰਹੇ ਤੇ ਪੈਟ ਕਮਿੰਸ ਦੀ ਗੇਂਦ ’ਤੇ ਕਲੀਨ ਬੋਲਡ ਹੋ ਕੇ ਪੈਵੇਲੀਅਨ ਚੱਲ ਗਏ। ਸ਼ਾਹ ਕੇਵਲ 4 ਦੌੜਾਂ ਹੀ ਬਣਾ ਸਕੇ। ਸ਼ਾਹ ਦੇ ਆਊਟ ਹੋਣ ਤੋਂ ਬਾਅਦ ਨੰਬਰ-3 ’ਤੇ ਜਸਪ੍ਰੀਤ ਬੁਮਰਾਹ ਬੱਲੇਬਾਜ਼ੀ ਕਰਨ ਆਏ। ਜਿਸ ਸਮੇਂ ਬੁਮਰਾਹ ਬੱਲੇਬਾਜ਼ੀ ਕਰਨ ਆਏ ਤਾਂ ਉਸ ਸਮੇੇਂ ਭਾਰਤੀ ਟੀਮ ’ਤੇ ਦਬਾਅ ਸੀ ਪਰ ਬੁਮਰਾਹ ਨੇ ਮਿਸ਼ਲ ਸਟਾਰਕ ਤੇ ਪੈਟ ਕਮਿੰਸ ਵਰਗੇ ਗੇਂਦਬਾਜ਼ਾਂ ਦਾ ਖੂਬ ਸਾਹਮਣਾ ਕੀਤਾ ਤੇ ਖੇਡ ਖਤਮ ਕਰਨ ਤੱਕ ਭਾਰਤ ਦਾ ਨੁਕਸਾਨ ਨਹੀਂ ਹੋਣ ਦਿੱਤਾ।
ਜਦੋਂ ਦੂਜੇ ਦਿਨ ਦੀ ਖੇਡ ਖਤਮ ਹੋਈ ਤਾਂ ਸਾਰੇ ਭਾਰਤੀ ਖਿਡਾਰੀਆਂ ਨੇ ਖੜ੍ਹੇ ਹੋ ਕੇ ਪੈਵੇਲੀਅਨ ’ਚ ਬੁਮਰਾਹ ਦਾ ਸਵਾਗਤ ਕੀਤਾ। ਕਪਤਾਨ ਕੋਹਲੀ ਇਸ ¬ਕ੍ਰਮ ’ਚ ਸਭ ਤੋਂ ਅੱਗੇ ਖੜ੍ਹੇ ਨਜ਼ਰ ਆਏ ਤੇ ਬੁਮਰਾਹ ਦਾ ਹੌਸਲਾ ਵਧਾਉਂਦੇ ਹੋਏ ਨਜ਼ਰ ਆਏ। ਸੋਸ਼ਲ ਮੀਡੀਆ ’ਤੇ ਆਈ. ਸੀ. ਸੀ. ਨੇ ਇਸ ਤਸਵੀਰ ਨੂੰ ਵੀ ਸ਼ੇਅਰ ਕੀਤਾ ਹੈ ਜੋ ਖੂਬ ਵਾਇਰਲ ਹੋ ਰਹੀ ਹੈ। ਲੋਕ ਤਸਵੀਰ ’ਤੇ ਖੂਬ ਕੁਮੈਂਟ ਵੀ ਕਰ ਰਹੇ ਹਨ।
ਜਸਪ੍ਰੀਤ ਬੁਮਰਾਹ ਨੇ 11 ਗੇਂਦਾਂ ਦਾ ਸਾਹਮਣਾ ਕੀਤਾ ਤੇ ਇਹ ਸੁਨਿਸ਼ਚਿਤ ਕੀਤਾ ਕਿ ਮਯੰਕ ਅਗਰਵਾਲ ਨੂੰ ਜ਼ਿਆਦਾ ਸਟ੍ਰਾਈਕ ਨਾ ਮਿਲੇ। ਭਾਵੇ ਹੀ ਬੁਮਰਾਹ ਖਾਤਾ ਨਹੀਂ ਖੋਲ੍ਹ ਸਕੇ ਪਰ 11 ਗੇਂਦਾਂ ਦਾ ਸਾਹਮਣਾ ਕਰ ਉਨ੍ਹਾਂ ਨੇ ਫੈਂਸ ਦਾ ਦਿਲ ਜਿੱਤ ਲਿਆ। ਫੈਂਸ ਵੀ ਬੁਮਰਾਹ ਦੀ ਖੂਬ ਸ਼ਲਾਘਾ ਕਰ ਰਹੇ ਹਨ। ਦੱਸ ਦੇਈਏ ਕਿ ਬੁਮਰਾਹ ਨੇ ਗੇਂਦਬਾਜ਼ੀ ਦੌਰਾਨ 2 ਵਿਕਟਾਂ ਹਾਸਲ ਕੀਤੀਆਂ ਸਨ।
ਨੋਟ- ਬੁਮਰਾਹ ਨੇ ਬੱਲੇਬਾਜ਼ੀ ਦੌਰਾਨ ਅਜਿਹਾ ਕਰ ਜਿੱਤਿਆ ਸਭ ਦਾ ਦਿਲ । ਆਪਣੇ ਵਿਚਾਰ ਕੁਮੈਂਟ ਬਾਕਸ ਵਿਚ ਸਾਂਝੇ ਕਰੋ।
Aus v Ind : ਅਸ਼ਵਿਨ ਨੇ ਰਚਿਆ ਇਤਿਹਾਸ, ਤੋੜ ਦਿੱਤਾ ਕਪਿਲ ਦੇਵ ਦਾ ਰਿਕਾਰਡ
NEXT STORY 
