ਨਵੀਂ ਦਿੱਲੀ : ਭਾਰਤੀ ਕ੍ਰਿਕਟ ਕੰਟਰੋਲ ਬੋਰਡ (BCCI) ਨੇ ਸਾਲਾਨਾ ਕੇਂਦਰੀ ਕਰਾਰਾਂ (Central Contracts) ਦਾ ਐਲਾਨ ਕਰ ਦਿੱਤਾ ਹੈ, ਪਰ ਇਸ ਸੂਚੀ ਨੇ ਪੂਰੇ ਕ੍ਰਿਕਟ ਜਗਤ ਨੂੰ ਹੈਰਾਨੀ ਵਿੱਚ ਪਾ ਦਿੱਤਾ ਹੈ। ਖ਼ਬਰਾਂ ਅਨੁਸਾਰ, ਇਸ ਵਾਰ ਅਜਿਹੇ 4 ਦਿੱਗਜ ਖਿਡਾਰੀ ਹਨ ਜੋ ਆਪਣੇ ਪ੍ਰਦਰਸ਼ਨ ਦੇ ਦਮ 'ਤੇ ਕਰਾਰ ਦੇ ਪੂਰੀ ਤਰ੍ਹਾਂ ਹੱਕਦਾਰ ਅਤੇ ਸਮਰੱਥ ਸਨ, ਪਰ ਫਿਰ ਵੀ ਉਨ੍ਹਾਂ ਨੂੰ ਅਣਗੌਲਿਆ ਕਰਕੇ ਸੂਚੀ ਵਿੱਚੋਂ ਬਾਹਰ ਰੱਖਿਆ ਗਿਆ ਹੈ।
ਇਹ ਹਨ ਉਹ 4 ਖਿਡਾਰੀ ਜਿਨ੍ਹਾਂ ਬਾਰੇ ਹੋ ਰਹੀ ਹੈ ਚਰਚਾ:
1. ਮੁਹੰਮਦ ਸ਼ੰਮੀ
ਭਾਰਤ ਦੇ ਸਭ ਤੋਂ ਘਾਤਕ ਤੇਜ਼ ਗੇਂਦਬਾਜ਼ਾਂ ਵਿੱਚੋਂ ਇੱਕ, ਜਿਨ੍ਹਾਂ ਨੇ ਹਰ ਵੱਡੇ ਮੌਕੇ 'ਤੇ ਟੀਮ ਨੂੰ ਜਿੱਤ ਦਿਵਾਈ, ਉਨ੍ਹਾਂ ਦਾ ਨਾਂ ਸੂਚੀ ਵਿੱਚ ਨਾ ਹੋਣਾ ਸਭ ਤੋਂ ਵੱਡਾ ਸਵਾਲ ਖੜ੍ਹਾ ਕਰਦਾ ਹੈ।
2. ਈਸ਼ਾਨ ਕਿਸ਼ਨ
ਬੱਲੇ ਨਾਲ ਅੱਗ ਵਰ੍ਹਾ ਰਹੇ ਈਸ਼ਾਨ ਕਿਸ਼ਨ ਨੂੰ ਵੀ ਇਸ ਵਾਰ ਬੀਸੀਸੀਆਈ ਦਾ ਸੈਂਟਰਲ ਕੰਟਰੈਕਟ ਨਹੀਂ ਮਿਲਿਆ ਹੈ। ਜ਼ਿਕਰਯੋਗ ਹੈ ਕਿ ਕਿਸ਼ਨ ਟੀ20 ਵਰਲਡ ਕੱਪ 'ਚ ਭਾਰਤੀ ਟੀਮ ਦਾ ਹਿੱਸਾ ਹੈ। ਉਨ੍ਹਾਂ ਨੇ ਨਿਊਜ਼ੀਲੈਂਡ ਖਿਲਾਫ ਹਾਲ ਹੀ 'ਚ ਭਾਰਤੀ ਟੀਮ ਵਿਚ 2023 ਦੇ ਬਾਅਦ ਵਾਪਸੀ ਕੀਤੀ ਹੈ।
3. ਰਜਤ ਪਾਟੀਦਾਰ
ਰਜਤ ਪਾਟੀਦਾਰ ਨੂੰ ਵੀ ਸੈਂਟਰਲ ਕੰਟਰੈਕਟ 2025-26 ਨਹੀਂ ਮਿਲਿਆ ਹੈ। ਪਾਟੀਦਾਰ ਲੰਬੇ ਸਮੇਂ ਤੋਂ ਭਾਰਤੀ ਟੀਮ ਦਾ ਹਿੱਸਾ ਨਹੀਂ ਹਨ। ਉਨ੍ਹਾਂ ਨੇ ਭਾਰਤ ਲਈ ਤਿੰਨ ਟੈਸਟ ਤੇ ਇਕ ਵਨਡੇ ਮੁਕਾਬਲਾ ਖੇਡਿਆ ਹੈ।
4. ਸਰਫਰਾਜ਼ ਖਾਨ
ਡੋਮੈਸਟਿਕ ਕ੍ਰਿਕਟ ਵਿੱਚ ਬਹੁਤ ਦੌੜਾਂ ਬਣਾਉਣ ਵਾਲੇ ਸਰਫਰਾਜ਼ ਖਾਨ ਨੂੰ ਇਸ ਵਾਰ ਬੀਸੀਸੀਆਈ ਦਾ ਕੇਂਦਰੀ ਇਕਰਾਰਨਾਮਾ ਵੀ ਨਹੀਂ ਮਿਲਿਆ। ਸਰਫਰਾਜ਼ ਨੂੰ 2024-25 ਦੇ ਆਸਟ੍ਰੇਲੀਆ ਦੌਰੇ ਤੋਂ ਬਾਅਦ ਟੈਸਟ ਟੀਮ ਤੋਂ ਬਾਹਰ ਕਰ ਦਿੱਤਾ ਗਿਆ ਸੀ। ਉਸ ਤੋਂ ਬਾਅਦ, ਖਾਨ ਘਰੇਲੂ ਕ੍ਰਿਕਟ ਵਿੱਚ ਦੌੜਾਂ ਬਣਾਉਂਦੇ ਰਹੇ, ਪਰ ਫਿਰ ਵੀ, ਉਸਨੂੰ ਖੇਡਣ ਦਾ ਮੌਕਾ ਨਹੀਂ ਮਿਲਿਆ। ਸਰਫਰਾਜ਼ ਨੇ ਆਪਣੇ ਕਰੀਅਰ ਵਿੱਚ ਭਾਰਤ ਲਈ ਛੇ ਟੈਸਟ ਖੇਡੇ ਹਨ।
ਕਿਉਂ ਲਿਆ ਗਿਆ ਇਹ ਸਖ਼ਤ ਫੈਸਲਾ?
ਮਾਹਿਰਾਂ ਅਨੁਸਾਰ, ਇਹ ਪੰਜੇ ਖਿਡਾਰੀ ਟੀਮ ਲਈ ਬਹੁਤ ਜ਼ਰੂਰੀ ਹਨ, ਪਰ ਬੋਰਡ ਦੀ ਨਵੀਂ ਰਣਨੀਤੀ ਜਾਂ ਕੁਝ ਅਨੁਸ਼ਾਸਨੀ ਕਾਰਨਾਂ ਕਰਕੇ ਇਨ੍ਹਾਂ ਨੂੰ ਬਾਹਰ ਰੱਖਿਆ ਗਿਆ ਹੋ ਸਕਦਾ ਹੈ। ਖ਼ਾਸ ਕਰਕੇ ਈਸ਼ਾਨ ਕਿਸ਼ਨ ਦੇ ਮਾਮਲੇ ਵਿੱਚ ਘਰੇਲੂ ਕ੍ਰਿਕਟ ਨੂੰ ਅਹਿਮੀਅਤ ਨਾ ਦੇਣਾ ਇੱਕ ਵੱਡਾ ਕਾਰਨ ਮੰਨਿਆ ਜਾ ਰਿਹਾ ਹੈ।
IIT ਕਾਨਪੁਰ 'ਚ ਫਿਡੇ-ਰੇਟਿਡ ਰੈਪਿਡ ਸ਼ਤਰੰਜ ਟੂਰਨਾਮੈਂਟ, 336 ਖਿਡਾਰੀਆਂ ਨੇ ਲਿਆ ਹਿੱਸਾ
NEXT STORY 
