ਖੇਡ ਡੈਸਕ - BCCI ਜਾਪਾਨ 'ਚ ਹੋਣ ਵਾਲੀਆਂ ਏਸ਼ੀਅਨ ਖੇਡਾਂ 'ਚ ਖਿਡਾਰੀਆਂ ਲਈ ਰਿਹਾਇਸ਼ ਅਤੇ ਹੋਰ ਸਹੂਲਤਾਂ ਤੋਂ ਨਾਖੁਸ਼ ਹੈ। ਬੋਰਡ ਦੇ ਸੂਤਰਾਂ ਦਾ ਕਹਿਣਾ ਹੈ ਕਿ BCCI ਅਤੇ ਏਸ਼ੀਅਨ ਕ੍ਰਿਕਟ ਕੌਂਸਲ ਦੋਵੇਂ ਉੱਥੋਂ ਦੇ ਪ੍ਰਬੰਧਾਂ ਤੋਂ ਨਾਖੁਸ਼ ਹਨ। ਇਸ ਕਾਰਨ ਕਰਕੇ, ਹੁਣ ਇਹ ਵਿਚਾਰ ਕੀਤਾ ਜਾ ਰਿਹਾ ਹੈ ਕਿ ਭਾਰਤ ਦੀ ਮੁੱਖ ਟੀਮ ਨੂੰ ਟੂਰਨਾਮੈਂਟ 'ਚ ਭੇਜਣ ਦੀ ਬਜਾਏ, ਇਕ ਬੀ ਟੀਮ ਜਪਾਨ ਭੇਜੀ ਜਾਵੇ। ਏਸ਼ੀਆਈ ਖੇਡਾਂ 19 ਸਤੰਬਰ ਨੂੰ ਜਾਪਾਨ ਦੇ ਆਈਚੀ-ਨਾਗੋਆ 'ਚ ਸ਼ੁਰੂ ਹੋਣ ਵਾਲੀਆਂ ਹਨ।
ਇਸ ਦੌਰਾਨ ਜਾਪਾਨ 'ਚ ਹੋਣ ਵਾਲੀਆਂ ਏਸ਼ੀਆਈ ਖੇਡਾਂ 'ਚ, ਪੁਰਸ਼ਾਂ ਦੇ ਕ੍ਰਿਕਟ ਮੈਚ 24 ਸਤੰਬਰ ਤੋਂ 3 ਅਕਤੂਬਰ ਤੱਕ ਅਤੇ ਮਹਿਲਾਵਾਂ ਦੇ ਮੈਚ 17 ਸਤੰਬਰ ਤੋਂ 22 ਸਤੰਬਰ ਤੱਕ ਖੇਡੇ ਜਾਣੇ ਹਨ। ਹਾਲਾਂਕਿ, BCCI ਅਤੇ ਏਸ਼ੀਅਨ ਕ੍ਰਿਕਟ ਕੌਂਸਲ (ਏਸੀਸੀ) ਉੱਥੇ ਖਿਡਾਰੀਆਂ ਲਈ ਕੀਤੇ ਗਏ ਪ੍ਰਬੰਧਾਂ ਤੋਂ ਨਾਖੁਸ਼ ਹਨ। BCCI ਦੇ ਇਕ ਸੂਤਰ ਦਾ ਕਹਿਣਾ ਹੈ ਕਿ ਤਿਆਰੀਆਂ ਦਾ ਮੁਲਾਂਕਣ ਕਰਨ ਲਈ ਇੱਕ ਆਬਜ਼ਰਵਰ ਜਪਾਨ ਭੇਜਿਆ ਜਾ ਸਕਦਾ ਹੈ। ਜੇਕਰ ਉੱਥੇ ਸਹੂਲਤਾਂ ਨਾਕਾਫ਼ੀ ਪਾਈਆਂ ਜਾਂਦੀਆਂ ਹਨ, ਤਾਂ ਭਾਰਤ ਖੇਡਾਂ ਵਿੱਚ ਆਪਣੀ ਮੁੱਖ ਟੀਮ ਦੀ ਬਜਾਏ ਬੀ ਟੀਮ ਭੇਜਣ ਦਾ ਫੈਸਲਾ ਕਰ ਸਕਦਾ ਹੈ।
ਹਾਲਾਂਕਿ ਨਿਊਜ਼ ਏਜੰਸੀ ANI ਦੇ ਹਵਾਲੇ ਨਾਲ BCCI ਦੇ ਇਕ ਸੂਤਰ ਨੇ ਕਿਹਾ ਕਿ BCCI ਅਤੇ ਏਸ਼ੀਅਨ ਕ੍ਰਿਕਟ ਕੌਂਸਲ (ਏਸੀਸੀ) ਜਾਪਾਨ 'ਚ ਪ੍ਰਬੰਧਾਂ ਅਤੇ ਸਹੂਲਤਾਂ ਤੋਂ ਨਾਖੁਸ਼ ਹਨ। BCCI ਉੱਥੇ ਦੇ ਹਾਲਾਤਾਂ ਦਾ ਮੁਲਾਂਕਣ ਕਰਨ ਅਤੇ ਰਿਪੋਰਟ ਪੇਸ਼ ਕਰਨ ਲਈ ਇਕ ਆਬਜ਼ਰਵਰ ਭੇਜਣ ਦੀ ਯੋਜਨਾ ਬਣਾ ਰਿਹਾ ਹੈ। ਜੇਕਰ ਉੱਥੇ ਪ੍ਰਬੰਧ ਨਾਕਾਫ਼ੀ ਪਾਏ ਜਾਂਦੇ ਹਨ, ਤਾਂ ਭਾਰਤ ਆਪਣੀ ਮੁੱਖ ਟੀਮ ਦੀ ਬਜਾਏ ਬੀ ਟੀਮ ਭੇਜਣ 'ਤੇ ਵਿਚਾਰ ਕਰ ਸਕਦਾ ਹੈ। ਸੂਤਰ ਨੇ ਇਹ ਵੀ ਦੱਸਿਆ ਕਿ ਏਸੀਸੀ ਦੀ ਮੀਟਿੰਗ ਦੌਰਾਨ, ਜਾਪਾਨ ਓਲੰਪਿਕ ਅਧਿਕਾਰੀਆਂ ਨੂੰ ਇਹ ਚਿੰਤਾਵਾਂ ਉਠਾਈਆਂ ਗਈਆਂ ਸਨ ਕਿ ਮੈਦਾਨ 'ਤੇ ਡ੍ਰੈਸਿੰਗ ਰੂਮ ਟੈਂਟਾਂ ਵਿੱਚ ਬਣਾਏ ਗਏ ਸਨ, ਅਤੇ ਵਾਸ਼ਰੂਮ ਉਨ੍ਹਾਂ ਟੈਂਟਾਂ ਤੋਂ 500 ਮੀਟਰ ਦੂਰ ਸਥਿਤ ਸਨ। ਇਸ ਤੋਂ ਇਲਾਵਾ, ਹੋਟਲ ਦੇ ਕਮਰੇ ਬਹੁਤ ਛੋਟੇ ਹੋਣੇ ਵੀ ਇੱਕ ਵੱਡੀ ਸਮੱਸਿਆ ਰਹੀ ਹੈ।
ਤੁਹਾਨੂੰ ਦੱਸ ਦਈਏ ਕਿ BCCI ਨੇ ਏਸ਼ੀਆਈ ਖੇਡਾਂ ਲਈ ਟੀਮ ਇੰਡੀਆ ਦੀ ਟੀਮ ਦਾ ਐਲਾਨ ਬਹੁਤ ਪਹਿਲਾਂ ਕਰ ਦਿੱਤਾ ਸੀ। ਇਸ ਟੂਰਨਾਮੈਂਟ ਲਈ ਸ਼੍ਰੇਅਸ ਅਈਅਰ ਨੂੰ ਟੀਮ ਇੰਡੀਆ ਦਾ ਕਪਤਾਨ ਨਿਯੁਕਤ ਕੀਤਾ ਗਿਆ ਸੀ। ਜਸਪ੍ਰੀਤ ਬੁਮਰਾਹ, ਅਰਸ਼ਦੀਪ ਸਿੰਘ ਅਤੇ ਈਸ਼ਾਨ ਕਿਸ਼ਨ ਵਰਗੇ ਤਜਰਬੇਕਾਰ ਖਿਡਾਰੀ ਵੀ ਟੀਮ ਦਾ ਹਿੱਸਾ ਹਨ। ਇਸ ਟੂਰਨਾਮੈਂਟ ਲਈ 15 ਸਾਲਾ ਨੌਜਵਾਨ ਬੱਲੇਬਾਜ਼ ਵੈਭਵ ਸੂਰਿਆਵੰਸ਼ੀ ਨੂੰ ਵੀ ਟੀਮ ਇੰਡੀਆ ਵਿੱਚ ਸ਼ਾਮਲ ਕੀਤਾ ਗਿਆ ਹੈ।
ਸ਼੍ਰੀਲੰਕਾ ਸੀਰੀਜ਼ ਮਗਰੋਂ ਹੁਣ ਕਿਸ ਨਾਲ ਹੋਵੇਗਾ ਟੀਮ ਇੰਡੀਆ ਦਾ ਮੈਚ ! ਜਾਣੋ ਕੀ ਹੈ ਅੱਗੇ ਦੀ ਅਪਡੇਟ
NEXT STORY 
