ਦੁਬਈ- ਦਿੱਲੀ ਕੈਪੀਟਲਸ ਨੇ ਰਾਜਸਥਾਨ ਰਾਇਲਜ਼ ਨੂੰ ਦੁਬਈ 'ਚ 13 ਦੌੜਾਂ ਨਾਲ ਹਰਾ ਦਿੱਤਾ। ਮੈਚ ਦੇ ਦੌਰਾਨ ਦਿੱਲੀ ਦੇ ਕਪਤਾਨ ਸ਼੍ਰੇਅਸ ਅਈਅਰ ਜ਼ਖਮੀ ਹੋ ਗਏ। ਇਸ ਲਈ ਮੈਚ ਤੋਂ ਬਾਅਦ ਕਪਤਾਨ ਸ਼ਿਖਰ ਧਵਨ ਨੇ ਉਸਦਾ ਮੈਡੀਕਲ ਬੁਲੇਟਿਨ ਦਿੱਤਾ। ਧਵਨ ਨੇ ਕਿਹਾ ਕਿ ਉਹ ਹੁਣ ਵੀ ਦਰਦ 'ਚ ਹੈ ਪਰ ਉਸਦਾ ਮੋਢਾ ਹਿੱਲ ਰਿਹਾ ਹੈ, ਸਾਨੂੰ ਕੱਲ ਨੂੰ ਠੀਕ ਰਿਪੋਰਟ ਮਿਲੇਗੀ।
ਧਵਨ ਬੋਲੇ- ਮੈਚ ਜਿੱਤਣ ਦਾ ਸਿਹਰਾ ਪੂਰੀ ਟੀਮ ਨੂੰ ਜਾਂਦਾ ਹੈ। ਇੱਥੇ ਇਹ ਮਹੱਤਵਪੂਰਨ ਸੀ ਕਿ ਅਸੀਂ ਇਕ ਟੀਮ ਦੇ ਰੂਪ 'ਚ ਸਕਾਰਾਤਮਕ ਬਣੇ ਰਹੇ। ਜਾਣਦੇ ਸੀ ਕਿ ਉਸਦੀ ਬੱਲੇਬਾਜ਼ੀ ਡੂੰਘੀ ਨਹੀਂ ਹੈ ਤੇ ਜਾਣਦੇ ਸੀ ਕਿ ਜੇਕਰ ਅਸੀਂ ਉਨ੍ਹਾਂ ਦੇ ਚੋਟੀ ਦੇ ਬੱਲੇਬਾਜ਼ਾਂ ਨੂੰ ਜਲਦ ਆਊਟ ਕਰ ਦਿੱਤਾ ਜਾਵੇ ਤਾਂ ਅਸੀਂ ਮੈਚ 'ਚ ਆਸਾਨੀ ਨਾਲ ਵਾਪਸੀ ਕਰ ਸਕਦੇ ਹਾਂ। ਇਸ ਦੌਰਾਨ ਡੈਬਿਊ ਕਰ ਰਹੇ ਦੇਸ਼ਪਾਂਡੇ 'ਤੇ ਬੋਲਦੇ ਹੋਏ ਧਵਨ ਨੇ ਕਿਹਾ- ਉਨ੍ਹਾਂ ਨੇ ਜੋ ਹੁਨਰ ਦਿਖਾਇਆ, ਰੇਖਾ ਅਤੇ ਲੰਬਾਈ ਸੁੱਟੀ ਉਹ ਸ਼ਾਨਦਾਰ ਸੀ। ਅਜੇ ਗਤੀ ਬਣਾਏ ਰੱਖਣਾ ਜ਼ਰੂਰੀ ਹੈ। ਇਹ ਲੰਮਾ ਟੂਰਨਾਮੈਂਟ ਹੈ। ਸਾਡੀ ਕੋਸ਼ਿਸ਼ ਹੈ ਕਿ ਜਿੱਤ ਦੀ ਲੈਅ ਨੂੰ ਜਾਰੀ ਰੱਖਾਂਗੇ।
ਦੱਸ ਦੇਈਏ ਕਿ ਦਿੱਲੀ ਦੇ ਖਿਡਾਰੀ ਲਗਾਤਾਰ ਜ਼ਖਮੀ ਹੋ ਰਹੇ ਹਨ। ਇਸ ਤੋਂ ਪਹਿਲਾਂ ਰਵੀਚੰਦਰਨ ਸ਼ਵਿਨ, ਅਮਿਤ ਮਿਸ਼ਰਾ, ਇਸ਼ਾਂਤ ਸ਼ਰਮਾ ਅਤੇ ਰਿਸ਼ਭ ਪੰਤ ਵੀ ਜ਼ਖਮੀ ਹੋ ਚੁੱਕੇ ਹਨ। ਹੁਣ ਅਈਅਰ ਦੇ ਜ਼ਖਮੀ ਹੋ ਜਾਣ ਕਾਰਨ ਦਿੱਲੀ 'ਤੇ ਸੰਕਟ ਡੂੰਘਾ ਹੋ ਗਿਆ ਹੈ। ਦਿੱਲੀ ਅੰਕ ਸੂਚੀ 'ਚ ਪਹਿਲੇ ਨੰਬਰ 'ਤੇ ਆ ਗਈ ਹੈ। ਉਸਦੇ 8 ਮੈਚ 'ਚ 6 ਜਿੱਤ ਦੇ ਨਾਲ 12 ਅੰਕ ਹਨ।
ਹਾਰ ਤੋਂ ਬਾਅਦ ਕਪਤਾਨ ਸਮਿਥ ਨੇ ਦਿੱਤਾ ਇਹ ਬਿਆਨ
NEXT STORY 
