ਨਵੀਂ ਦਿੱਲੀ : ਭਾਰਤੀ ਕ੍ਰਿਕਟਰ ਭੁਵਨੇਸ਼ਵਰ ਕੁਮਾਰ ਨੇ ਖੇਡਾਂ ਵਿੱਚ ਟੈਕਨਾਲੋਜੀ ਦੇ ਮਹੱਤਵ ਨੂੰ ਦੇਖਦੇ ਹੋਏ ਆਈ.ਆਈ.ਟੀ. ਦਿੱਲੀ ਦੇ 'ਫਾਊਂਡੇਸ਼ਨ ਫਾਰ ਇਨੋਵੇਸ਼ਨ ਐਂਡ ਟੈਕਨਾਲੋਜੀ ਟਰਾਂਸਫਰ' (FITT) ਵਿੱਚ ਇੱਕ ਨਿਵੇਸ਼ਕ ਵਜੋਂ ਆਪਣੇ ਸਫ਼ਰ ਦੀ ਸ਼ੁਰੂਆਤ ਕੀਤੀ ਹੈ। ਨਵੀਂ ਦਿੱਲੀ ਸਥਿਤ FITT-IIT ਦਿੱਲੀ ਕੈਂਪਸ ਵਿੱਚ ਦੋ ਦਿਨ ਚੱਲਣ ਵਾਲੇ 'FITT ਫਾਰਵਰਡ' ਸਮਿਟ ਦਾ ਦੂਜਾ ਐਡੀਸ਼ਨ ਸ਼ੁਰੂ ਹੋਇਆ, ਜੋ ਵੀਰਵਾਰ ਤੱਕ ਚੱਲਿਆ। ਇਸ ਉਦਘਾਟਨੀ ਸਮਾਰੋਹ ਦੌਰਾਨ ਕ੍ਰਿਕਟ ਸਟਾਰ ਭੁਵਨੇਸ਼ਵਰ ਕੁਮਾਰ ਅਤੇ 'ਐਂਟਰਪ੍ਰੇਨਿਓਰ ਇੰਡੀਆ ਐਂਡ ਏ.ਪੀ.ਏ.ਸੀ.' ਦੇ ਐਡੀਟੋਰੀਅਲ ਡਾਇਰੈਕਟਰ ਸਚਿਨ ਮਾਰਿਆ ਵਿਚਕਾਰ ਵਿਸ਼ੇਸ਼ ਗੱਲਬਾਤ ਹੋਈ।
ਸੱਟ ਦੌਰਾਨ ਟੈਕਨਾਲੋਜੀ ਦੀ ਅਹਿਮੀਅਤ ਨੂੰ ਸਮਝਿਆ
ਇਸ ਮੌਕੇ ਗੱਲਬਾਤ ਕਰਦਿਆਂ ਭੁਵਨੇਸ਼ਵਰ ਕੁਮਾਰ ਨੇ ਕਿਹਾ ਕਿ ਖੇਡਾਂ ਵਿੱਚ ਟੈਕਨਾਲੋਜੀ ਲਈ ਬਹੁਤ ਸੰਭਾਵਨਾਵਾਂ ਹਨ। ਉਨ੍ਹਾਂ ਦੱਸਿਆ ਕਿ ਟੈਕਨਾਲੋਜੀ ਨੇ ਉਨ੍ਹਾਂ ਨੂੰ ਜ਼ਿੰਦਗੀ ਵਿੱਚ ਬਹੁਤ ਕੁਝ ਸਿਖਾਇਆ ਹੈ, ਖਾਸ ਕਰਕੇ ਉਸ ਸਮੇਂ ਜਦੋਂ ਉਹ ਸੱਟ ਕਾਰਨ ਸਟੇਡੀਅਮ ਨਹੀਂ ਜਾ ਸਕਦੇ ਸਨ। ਉਨ੍ਹਾਂ ਸਪੱਸ਼ਟ ਕੀਤਾ ਕਿ ਉਹ ਇੱਥੇ ਇੱਕ ਖਿਡਾਰੀ ਵਜੋਂ ਨਹੀਂ, ਸਗੋਂ ਇੱਕ ਨਿਵੇਸ਼ਕ ਵਜੋਂ ਆਏ ਹਨ ਅਤੇ ਖੇਡਾਂ ਵਿੱਚ ਟੈਕਨਾਲੋਜੀ ਦੇ ਭਵਿੱਖ ਨੂੰ ਦੇਖਦੇ ਹੋਏ ਹੀ ਉਨ੍ਹਾਂ ਨੇ ਇਹ ਨਵਾਂ ਕਦਮ ਚੁੱਕਿਆ ਹੈ।
ਸਟਾਰਟਅੱਪਸ ਅਤੇ ਇਨੋਵੇਸ਼ਨ 'ਤੇ ਆਈ.ਆਈ.ਟੀ. ਦਿੱਲੀ ਦਾ ਫੋਕਸ
ਪ੍ਰੋ. ਵਿਵੇਕ ਬੀ. ਬੂਵਾ ਨੇ ਦੱਸਿਆ ਕਿ FITT ਨਵੀਂ ਤਕਨੀਕ ਬਣਾਉਣ, ਟੈਕਨਾਲੋਜੀ ਲਾਇਸੈਂਸਿੰਗ ਅਤੇ ਸਟਾਰਟਅੱਪਸ 'ਤੇ ਧਿਆਨ ਕੇਂਦਰਿਤ ਕਰਦਾ ਹੈ। ਇਸ ਦੇ ਨਾਲ ਹੀ ਆਈ.ਆਈ.ਟੀ. ਦਿੱਲੀ ਟੈਕਨਾਲੋਜੀ ਦੇ ਖੇਤਰ ਵਿੱਚ ਆਉਣ ਵਾਲੇ ਯੰਗ ਐਂਟਰਪ੍ਰੇਨਿਓਰਜ਼ ਲਈ ਅਜਿਹਾ ਇਨਫਰਾਸਟ੍ਰਕਚਰ, ਈਕੋਸਿਸਟਮ, ਸੰਸਾਧਨ ਅਤੇ ਸਪੋਰਟ ਮੁਹੱਈਆ ਕਰਵਾਉਂਦਾ ਹੈ ਤਾਂ ਜੋ ਉਹ ਆਪਣੇ ਵਿਚਾਰਾਂ ਨੂੰ ਵਿਵਹਾਰਕ ਇਨੋਵੇਸ਼ਨ ਅਤੇ ਸਫਲ ਬਿਜ਼ਨਸ ਵਿੱਚ ਬਦਲ ਸਕਣ। ਆਈ.ਆਈ.ਟੀ. ਦੇ ਡਾਇਰੈਕਟਰ ਪ੍ਰੋ. ਰੰਗਨ ਬੈਨਰਜੀ ਨੇ ਕਿਹਾ ਕਿ ਭਾਰਤੀ ਇਨੋਵੇਸ਼ਨ ਦੀ ਅਗਲੀ ਲਹਿਰ ਰਿਸਰਚ, ਐਂਟਰਪ੍ਰੇਨਿਓਰਸ਼ਿਪ, ਕੈਪੀਟਲ ਅਤੇ ਰਾਸ਼ਟਰੀ ਪ੍ਰਾਥਮਿਕਤਾਵਾਂ ਦੇ ਮੇਲ ਨਾਲ ਉਭਰੇਗੀ। ਉਨ੍ਹਾਂ ਅਨੁਸਾਰ ਭਾਰਤ ਦਾ ਇਨੋਵੇਸ਼ਨ ਈਕੋਸਿਸਟਮ ਉਦੋਂ ਸਭ ਤੋਂ ਮਜ਼ਬੂਤ ਹੋਵੇਗਾ ਜਦੋਂ ਵਿਚਾਰ ਲੈਬ ਅਤੇ ਫੀਲਡ ਤੋਂ ਫੈਕਟਰੀ, ਮਾਰਕੀਟ ਅਤੇ ਪੂਰੀ ਦੁਨੀਆ ਤੱਕ ਆਸਾਨੀ ਨਾਲ ਪਹੁੰਚ ਸਕਣਗੇ।
ਖਿਡਾਰੀਆਂ ਨੂੰ ਛੋਟੀ ਉਮਰ ਤੋਂ ਹੀ 'ਸਪੋਰਟਸ ਸਾਇੰਸ' ਅਪਣਾਉਣੀ ਚਾਹੀਦੀ ਹੈ : ਡੋਲਾ ਬੈਨਰਜੀ
NEXT STORY 
