ਮੈਲਬੋਰਨ, (ਭਾਸ਼ਾ)- ਅਮਰੀਕਾ ਦੀ ਚੌਥਾ ਦਰਜਾ ਪ੍ਰਾਪਤ ਕੋਕੋ ਗੋਫ ਨੇ ਮੰਗਲਵਾਰ ਨੂੰ ਇੱਥੇ ਮਾਰਟਾ ਕੋਸਟਯੁਕ ਨੂੰ ਤਿੰਨ ਸੈੱਟਾਂ ਤੱਕ ਚੱਲੇ ਸਖਤ ਮੁਕਾਬਲੇ ਵਿੱਚ 7-6, 6-7, 6-2 ਨਾਲ ਹਰਾ ਕੇ ਆਸਟ੍ਰੇਲੀਅਨ ਓਪਨ ਟੈਨਿਸ ਟੂਰਨਾਮੈਂਟ ਦੇ ਮਹਿਲਾ ਸਿੰਗਲਜ਼ ਸੈਮੀਫਾਈਨਲ ਵਿੱਚ ਪ੍ਰਵੇਸ਼ ਕਰ ਲਿਆ। ਚੌਥਾ ਦਰਜਾ ਪ੍ਰਾਪਤ ਕੋਕੋ ਗੌਫ ਨੇ ਪਹਿਲੇ ਸੈੱਟ ਵਿੱਚ 1-5 ਨਾਲ ਪਛਾੜ ਕੇ ਦੋ ਸੈੱਟ ਪੁਆਇੰਟ ਬਚਾਏ ਅਤੇ ਫਿਰ ਸੈੱਟ ਜਿੱਤ ਲਿਆ।
ਉਸ ਨੇ ਦੂਜਾ ਸੈੱਟ ਗੁਆ ਦਿੱਤਾ ਪਰ ਫਿਰ ਤੀਜਾ ਅਤੇ ਫੈਸਲਾਕੁੰਨ ਸੈੱਟ ਤਿੰਨ ਘੰਟੇ ਅੱਠ ਮਿੰਟ ਵਿੱਚ ਜਿੱਤ ਲਿਆ। ਕੋਕੋ ਗੌਫ ਨੇ ਮੈਚ ਦੌਰਾਨ 51 ਅਨਫੋਰਸਡ ਗਲਤੀਆਂ ਕੀਤੀਆਂ, ਜਿਸ ਵਿੱਚ ਨੌਂ ਡਬਲ ਫਾਲਟ ਵੀ ਸ਼ਾਮਲ ਹਨ। ਉਹ ਸਿਰਫ਼ 17 ਵਿਨਰ ਹੀ ਬਣਾ ਸਕੀ। ਸੈਮੀਫਾਈਨਲ 'ਚ ਕੋਕੋ ਗੌਫ ਦਾ ਸਾਹਮਣਾ ਮੌਜੂਦਾ ਚੈਂਪੀਅਨ ਅਰਿਨਾ ਸਬਲੇਨਕਾ ਅਤੇ ਨੌਵਾਂ ਦਰਜਾ ਪ੍ਰਾਪਤ ਬਾਰਬਰਾ ਕ੍ਰੇਸਕੋਵਾ ਵਿਚਾਲੇ ਹੋਣ ਵਾਲੇ ਮੈਚ ਦੀ ਜੇਤੂ ਨਾਲ ਵੀ ਹੋਵੇਗਾ। ਪਿਛਲੇ ਸਾਲ ਸਤੰਬਰ ਵਿੱਚ ਯੂਐਸ ਓਪਨ ਜਿੱਤਣ ਵਾਲੀ ਕੋਕੋ ਗੌਫ ਨੇ ਗ੍ਰੈਂਡ ਸਲੈਮ ਟੂਰਨਾਮੈਂਟ ਵਿੱਚ ਲਗਾਤਾਰ 12 ਮੈਚ ਜਿੱਤੇ ਹਨ।
ਮਹਿਲਾ ਪ੍ਰੀਮੀਅਰ ਲੀਗ 2024 ਦਾ ਪੂਰਾ ਸ਼ਡਿਊਲ ਆਇਆ ਸਾਹਮਣੇ, 23 ਫਰਵਰੀ ਤੋਂ ਸ਼ੁਰੂ ਹੋਵੇਗਾ ਟੂਰਨਾਮੈਂਟ
NEXT STORY 
