ਜਲੰਧਰ - ਇੰਗਲੈਂਡ ਦੇ ਸਟਾਰ ਫੁੱਟਬਾਲਰ ਡੇਲੇ ਅਲੀ ਨੇ ਢਾਈ ਸਾਲ ਬਾਅਦ ਲਿੰਗਰੀ ਮਾਡਲ ਰੂਬੀ ਮੇਅ ਨਾਲ ਆਖਿਰਕਾਰ ਬ੍ਰੇਕਅਪ ਕਰ ਹੀ ਲਿਆ। ਦੱਸਿਆ ਜਾ ਰਿਹਾ ਹੈ ਕਿ ਡੇਲੇ ਹੁਣ ਰਿਆਲੈਟੀ ਸ਼ੋਅ ਸਟਾਰ ਮੇਘਨ ਬਰਟਨ 'ਤੇ ਡੋਰੇ ਪਾਉਂਦਾ ਨਜ਼ਰ ਆ ਰਿਹਾ ਹੈ। ਦੁਨੀਆ ਭਰ ਦੀਆਂ ਸਾਡੀਆਂ ਵੱਡੀਆਂ ਮੈਗਜ਼ੀਨਾਂ ਵਿਚ ਕਵਰ ਗਰਲ ਛਪ ਚੁੱਕੀ ਮੇਘਨ ਦੇ ਨਾਲ ਬੀਤੇ ਦਿਨੀਂ ਡੇਲੇ ਨੰਬਰਾਂ ਦੀ ਅਦਲਾ-ਬਦਲੀ ਕਰਦਾ ਨਜ਼ਰ ਆਇਆ।
ਡੇਲੇ ਤੇ ਮੇਘਨ ਵਿਚ ਰੋਮਾਂਸ ਸ਼ੁਰੂ ਹੋਣ ਦੀ ਇਸ ਲਈ ਵੀ ਸੰਭਾਵਨਾ ਹੈ ਕਿਉਂਕਿ ਮੇਘਨ ਦਾ ਪਿਛਲੇ ਮਹੀਨੇ ਹੀ ਆਪਣੇ ਬੁਆਏਫ੍ਰੈਂਡ ਵੈਸ ਨੇਲਸਨ ਨਾਲ ਬ੍ਰੇਕਅਪ ਹੋਇਆ ਸੀ। ਹਾਲਾਂਕਿ ਮੇਘਨ ਦੇ ਬੁਲਾਰੇ ਨੇ ਇਸ ਤੋਂ ਸਾਫ ਇਨਕਾਰ ਕੀਤਾ ਹੈ। ਉਸਦਾ ਕਹਿਣਾ ਸੀ ਕਿ ਦੋਵੇਂ ਸਟਾਰਸ ਵਿਚ ਰਸਮੀ ਮੁਲਾਕਾਤ ਹੋਈ ਸੀ, ਜਿਸ ਨੂੰ ਵਧਾਅ-ਚੜ੍ਹਾਅ ਕੇ ਪੇਸ਼ ਕੀਤਾ ਜਾ ਰਿਹਾ ਹੈ। ਹਾਂ, ਇਹ ਜ਼ਰੂਰ ਹੈ ਕਿ ਉਨ੍ਹਾਂ ਦੋਵਾਂ ਨੂੰ ਇਕ-ਦੂਜੇ ਦਾ ਸਾਥ ਪਸੰਦ ਆਇਆ ਪਰ ਇਸਦਾ ਮਤਲਬ ਇਹ ਨਹੀਂ ਹੈ ਕਿ ਦੋਵੇਂ ਰਿਲੇਸ਼ਨਸ਼ਿਪ ਵਿਚ ਆ ਗਏ ਹਨ।
ਸੂਤਰ ਦੱਸਦੇ ਹਨ ਕਿ ਡੇਲੇ ਤੇ ਰੂਬੀ ਦਾ ਤਿੰਨ ਮਹੀਨੇ ਪਹਿਲਾਂ ਹੀ ਬ੍ਰੇਕਅਪ ਹੋ ਗਿਆ ਸੀ ਪਰ ਇਹ ਦੁਨੀਆ ਨੂੰ ਉਦੋਂ ਹੀ ਪਤਾ ਲੱਗਾ, ਜਦੋਂ ਡੇਲੇ ਮੇਘਨ ਨਾਲ ਦਿਸਿਆ। ਹਾਲਾਂਕਿ ਇਕ ਪਾਸੇ ਇਹ ਵੀ ਦੱਸਿਆ ਜਾ ਰਿਹਾ ਹੈ ਕਿ ਰੂਬੀ ਨਾਲ ਬ੍ਰੇਕਅਪ ਤੋਂ ਬਾਅਦ ਡੇਲੇ ਅਲੀ ਦੁਖੀ ਵੀ ਹੈ ਪਰ ਉਹ ਆਪਣੀ ਜ਼ਿੰਦਗੀ ਵਿਚ ਰੂਬੀ ਨੂੰ ਕੀ ਵਾਪਸ ਲਿਆਉਣਾ ਚਾਹੁੰਦਾ ਹੈ, ਇਸ 'ਤੇ ਸ਼ਸ਼ੋਪੰਜ ਦੀ ਸਥਿਤੀ ਬਣੀ ਹੋਈ ਹੈ।
ਟੀਮ ਦਾ ਧਿਆਨ ਵਿਸ਼ਵ ਕੱਪ-2021 'ਚ ਸਿੱਧੇ ਪ੍ਰਵੇਸ਼ ਕਰਨ 'ਤੇ : ਮਿਤਾਲੀ
NEXT STORY