ਸਪੋਰਟਸ ਡੈਸਕ– ਭਾਰਤੀ ਕ੍ਰਿਕਟਰ ਯੁਜਵੇਂਦਰ ਚਾਹਲ ਦੀ ਹੋਣ ਵਾਲੀ ਪਤਨੀ ਧਨਸ਼੍ਰੀ ਵਰਮਾ ਹਾਲ ਹੀ ’ਚ ਪੀ.ਪੀ.ਈ. ਕਿਟ ’ਚ ਨਜ਼ਰ ਆਈ ਹੈ। ਇਸ ਦੀ ਉਸ ਨੇ ਇਕ ਵੀਡੀਓ ਵੀ ਸਾਂਝੀ ਕੀਤੀ ਹੈ। ਚਾਹਲ ਅਤੇ ਧਨਸ਼੍ਰੀ ਦਾ ਹਾਲ ਹੀ ’ਚ ਰੋਕਾ ਹੋਇਆ ਹੈ ਅਤੇ ਦੋਵਾਂ ਨੇ ਸੋਸ਼ਲ ਮੀਡੀਆ ’ਤੇ ਇਸ ਗੱਲ ਦੀ ਜਾਣਕਾਰੀ ਦਿੱਤੀ ਸੀ।
ਧਨਸ਼੍ਰੀ ਵਰਮਾਨੇ ਇੰਸਟਾਗ੍ਰਾਮ ਅਤੇ ਆਪਣੇ ਯੂਟਿਊਬ ਚੈਨਲ ’ਤੇ ਡਾਂਸ ਵੀਡੀਓ ਸਾਂਝੀ ਕੀਤੀ ਹੈ ਜਿਸ ਵਿਚ ਉਹ ਪੀ.ਪੀ.ਈ. ਕਿਟ ਪਹਿਨੀ ਹੋਈ ਨਜ਼ਰ ਆ ਰਹੀ ਹੈ। ਇਸ ਦੌਰਾਨ ਉਸ ਨੇ ਟੋਨੀ ਕੱਕੜ ਦੇ ਮਸ਼ਹੂਰ ਗਾਣੇ ਕੁਰਤਾ ਪਜਾਮਾ ’ਤੇ ਡਾਂਸ ਕੀਤਾ ਹੈ। ਹਾਲਾਂਕਿ ਇਸ ਵਿਚ ਡਰਨ ਵਾਲੀ ਗੱਲ ਕੋਈ ਨਹੀਂ ਹੈ ਕਿਉਂਕਿ ਉਸ ਨੂੰ ਕੁਝ ਨਹੀਂ ਹੋਇਆ ਹੈ। ਇਹ ਸਿਰਫ ਇਕ ਡਾਂਸ ਵੀਡੀਓ ਹੀ ਹੈ। ਧਨਸ਼੍ਰੀ ਇਕ ਡਾਂਸਰ ਹੈ ਅਤੇ ਅਜਿਹੀਆਂ ਡਾਂਸ ਦੀਆਂ ਵੀਡੀਓਜ਼ ਸ਼ੇਅਰ ਕਰਦੀ ਰਹਿੰਦੀ ਹੈ। ਇਸ ਵਾਰ ਉਹ ਪੀ.ਪੀ.ਈ. ਕਿਟ ਪਹਿਨ ਕੇ ਡਾਂਸ ਕਰਦੀ ਨਜ਼ਰ ਆਈ ਹੈ।
ਧਨਸ਼੍ਰੀ ਨੇ ਇਸ ਵੀਡੀਓ ਨੂੰ ਏਅਰਪੋਰਟ ’ਤੇ ਰਿਕਾਰਡ ਕੀਤਾ ਹੈ। ਇੰਸਟਾਗ੍ਰਾਮ ’ਤੇ ਉਸ ਦੀ ਇਸ ਵੀਡੀਓ ਨੂੰ 3.60 ਲੱਖ ਜਦਕਿ ਯੂਟਿਊਬ ’ਤੇ 57 ਹਜ਼ਾਰ ਤੋਂ ਜ਼ਿਆਦਾ ਵਾਰ ਵੇਖਿਆ ਜਾ ਚੁੱਕਾ ਹੈ। ਉਥੇ ਹੀ ਉਸ ਦੇ ਡਾਂਸ ਮੂਵਜ਼ ਵੇਖ ਕੇ ਲੋਕਾਂ ਨੇ ਕੁਮੈਂਟਸ ਵੀ ਕੀਤੇ ਹਨ। ਜ਼ਿਕਰਯੋਗ ਹੈ ਕਿ ਧਨਸ਼੍ਰੀ ਡਾਕਟਰ, ਯੂਟਿਊਬਰ ਅਤੇਕੋਰੀਓਗ੍ਰਾਫਰ ਹੈ। ਧਨਸ਼੍ਰੀ ਅਤੇ ਚਾਹਲ ਨੇ ਕੁਝ ਦਿਨ ਪਹਿਲਾਂ ਹੀ ਰੋਕਾ ਕੀਤਾ ਸੀ ਪਰ ਅਜੇ ਦੋਵਾਂ ਦੇ ਵਿਆਹ ਦੀ ਕੋਈ ਤਾਰੀਖ਼ ਸਾਹਮਣੇ ਨਹੀਂ ਆਈ।
IPL ਸ਼ੁਰੂ ਹੋਣ ਤੋਂ ਪਹਿਲਾਂ ਰਾਜਸਥਾਨ ਰਾਇਲਸ ਟੀਮ ਨੂੰ ਵੱਡਾ ਝਟਕਾ, ਕੋਚ ਨੂੰ ਹੋਇਆ ਕੋਰੋਨਾ
NEXT STORY 
