ਮੁੰਬਈ- ਅੰਤਰਰਾਸ਼ਟਰੀ ਕ੍ਰਿਕਟ ਤੋਂ ਦੂਰ ਭਾਰਤ ਦੇ ਸਾਬਕਾ ਕਪਤਾਨ ਮਹਿੰਦਰ ਸਿੰਘ ਧੋਨੀ ਨੇ ਹੁਣ ਫਿਲਮੀ ਦੁਨੀਆ 'ਚ ਐਂਟਰੀ ਕਰਨ ਦੀ ਤਿਆਰੀ ਕਰ ਲਈ ਹੈ। ਹਾਲਾਂਕਿ ਉਸ ਦੀ ਅਜੇ ਤੱਕ ਹੀਰੋ ਬਣਨ ਦੀ ਕੋਈ ਯੋਜਨਾ ਨਹੀਂ ਹੈ ਪਰ ਉਸ ਨੇ ਆਪਣਾ ਪ੍ਰੋਡਕਸ਼ਨ ਹਾਊਸ ਲਾਂਚ ਕੀਤਾ ਹੈ।
ਮਾਹੀ ਨੇ ਆਪਣੇ ਪ੍ਰੋਡਕਸ਼ਨ ਹਾਊਸ ਦਾ ਨਾਂ 'ਧੋਨੀ ਐਂਟਰਟੇਨਮੈਂਟ' ਰੱਖਿਆ ਹੈ। LetsCinema ਨੇ ਐਤਵਾਰ ਨੂੰ ਟਵੀਟ ਕਰਕੇ ਇਹ ਜਾਣਕਾਰੀ ਦਿੱਤੀ ਹੈ। ਉਨ੍ਹਾਂ ਨੇ ਇੱਕ ਫੋਟੋ ਵੀ ਸ਼ੇਅਰ ਕੀਤੀ ਹੈ ਜਿਸ ਵਿੱਚ ਧੋਨੀ ਨਜ਼ਰ ਆ ਰਹੇ ਹਨ ਅਤੇ ਉਨ੍ਹਾਂ ਦੇ ਪ੍ਰੋਡਕਸ਼ਨ ਹਾਊਸ ਦਾ ਨਾਂ ਵੀ ।
ਇਹ ਵੀ ਪੜ੍ਹੋ : T20 WC 2022 : ਆਸਟ੍ਰੇਲੀਆ ਪੁੱਜੀ ਉਰਵਸ਼ੀ ਰੌਤੇਲਾ, ਲੋਕਾਂ ਨੇ ਕਿਹਾ- ਰਿਸ਼ਭ ਨੂੰ ਫਾਲੋ ਕਰਨਾ ਬੰਦ ਕਰੋ
ਦੱਸ ਦੇਈਏ ਕਿ ਇਹ ਖਬਰ ਕਾਫੀ ਸਮੇਂ ਤੋਂ ਚੱਲ ਰਹੀ ਸੀ ਕਿ ਧੋਨੀ ਹੁਣ ਫਿਲਮੀ ਦੁਨੀਆ 'ਚ ਐਂਟਰੀ ਕਰਨ ਲਈ ਤਿਆਰ ਹਨ। ਖਬਰਾਂ 'ਚ ਇਹ ਵੀ ਦਾਅਵਾ ਕੀਤਾ ਗਿਆ ਸੀ ਕਿ ਧੋਨੀ ਸਾਊਥ ਦੇ ਸੁਪਰਸਟਾਰ ਥਾਲਾਪਥੀ ਵਿਜੇ ਨਾਲ ਫਿਲਮ ਕਰਨ ਜਾ ਰਹੇ ਹਨ। ਇੰਨਾ ਹੀ ਨਹੀਂ ਉਮੀਦ ਕੀਤੀ ਜਾ ਰਹੀ ਹੈ ਕਿ ਧੋਨੀ ਇਸ ਫਿਲਮ 'ਚ ਕੈਮਿਓ ਵੀ ਕਰ ਸਕਦੇ ਹਨ। ਧੋਨੀ ਨੇ ਖੁਦ ਸਾਊਥ ਸੁਪਰਸਟਾਰ ਵਿਜੇ ਨੂੰ ਫੋਨ ਕਰਕੇ ਇਹ ਫਿਲਮ ਕਰਨ ਲਈ ਕਿਹਾ ਹੈ।
ਇਨ੍ਹਾਂ ਸਾਰੀਆਂ ਖਬਰਾਂ ਦੇ ਵਿਚਕਾਰ ਹੁਣ ਧੋਨੀ ਨੇ ਆਪਣਾ ਪ੍ਰੋਡਕਸ਼ਨ ਹਾਊਸ ਵੀ ਲਾਂਚ ਕੀਤਾ ਹੈ। ਯਾਨੀ ਕਿ ਰਿਪੋਰਟਾਂ ਵਿੱਚ ਕੀਤੇ ਗਏ ਦਾਅਵਿਆਂ ਵਿੱਚੋਂ ਇੱਕ ਗੱਲ ਸੱਚ ਹੁੰਦੀ ਨਜ਼ਰ ਆ ਰਹੀ ਹੈ। ਹੁਣ ਧੋਨੀ ਵੱਡੇ ਪਰਦੇ 'ਤੇ ਕਦੋਂ ਨਜ਼ਰ ਆਉਣਗੇ, ਇਹ ਵੀ ਦੇਖਣਾ ਹੋਵੇਗਾ।
ਇਹ ਵੀ ਪੜ੍ਹੋ : ਰਾਸ਼ਟਰੀ ਖੇਡਾਂ ’ਚ ਪੰਜਾਬ ਦੀ ਧੀ ਚਾਹਤ ਅਰੋੜਾ ਨੇ ਚਮਕਾਇਆ ਨਾਂ, ਨੈਸ਼ਨਲ ਰਿਕਾਰਡਜ਼ ਨਾਲ 2 ਸੋਨ ਸਣੇ ਜਿੱਤੇ 3 ਤਮਗ਼ੇ
ਧੋਨੀ ਦੇ ਪ੍ਰੋਡਕਸ਼ਨ ਹਾਊਸ ਦਾ ਜੋ ਪੋਸਟਰ ਸਾਹਮਣੇ ਆਇਆ ਹੈ, ਉਸ 'ਚ ਪਤਾ ਲੱਗਾ ਹੈ ਕਿ ਮਾਹੀ ਆਪਣੀਆਂ ਫਿਲਮਾਂ ਤਿੰਨ ਭਾਸ਼ਾਵਾਂ 'ਚ ਬਣਾਉਣਗੇ। ਇਹ ਭਾਸ਼ਾਵਾਂ ਤਾਮਿਲ, ਤੇਲਗੂ ਅਤੇ ਮਲਿਆਲਮ ਹਨ। ਵੈਸੇ, ਧੋਨੀ 2008 ਤੋਂ ਆਈਪੀਐਲ ਵਿੱਚ ਚੇਨਈ ਸੁਪਰ ਕਿੰਗਜ਼ (CSK) ਟੀਮ ਦੀ ਕਪਤਾਨੀ ਸੰਭਾਲ ਰਹੇ ਹਨ। ਇਸ ਕਾਰਨ ਧੋਨੀ ਸਾਊਥ ਵਿੱਚ ਵੀ ਬਹੁਤ ਮਸ਼ਹੂਰ ਹਨ। ਮਾਹੀ ਨੂੰ ਥਾਲਾ ਦੇ ਨਾਂ ਨਾਲ ਵੀ ਬੁਲਾਇਆ ਜਾਂਦਾ ਹੈ।
ਮਾਹੀ ਨੇ 15 ਅਗਸਤ 2020 ਨੂੰ ਅੰਤਰਰਾਸ਼ਟਰੀ ਕ੍ਰਿਕਟ ਤੋਂ ਸੰਨਿਆਸ ਲੈ ਲਿਆ ਸੀ, ਪਰ ਉਹ ਆਈਪੀਐਲ ਵਿੱਚ ਖੇਡਦਾ ਨਜ਼ਰ ਆ ਰਿਹਾ ਹੈ। ਉਹ ਅਜੇ ਵੀ ਚੇਨਈ ਟੀਮ ਦੀ ਕਪਤਾਨੀ ਸੰਭਾਲ ਰਿਹਾ ਹੈ। ਰਿਪੋਰਟਾਂ ਵਿੱਚ ਦਾਅਵਾ ਕੀਤਾ ਗਿਆ ਹੈ ਕਿ ਧੋਨੀ IPL 2023 ਤੋਂ ਬਾਅਦ ਇਸ ਲੀਗ ਤੋਂ ਸੰਨਿਆਸ ਲੈ ਸਕਦਾ ਹੈ।
ਨੋਟ : ਇਸ ਖ਼ਬਰ ਬਾਰੇ ਕੀ ਹੈ ਤੁਹਾਡੀ ਰਾਏ। ਕੁਮੈਂਟ ਕਰਕੇ ਦਿਓ ਜਵਾਬ।
ISL: ਹੈਦਰਾਬਾਦ ਅਤੇ ਮੁੰਬਈ ਦਰਮਿਆਨ ਖੇਡਿਆ ਗਿਆ ਮੈਚ 3-3 ਨਾਲ ਰਿਹਾ ਡਰਾਅ
NEXT STORY 
