ਸਪੋਰਟਸ ਡੈਸਕ : ਭਾਰਤ ਦੀ ਪਹਿਲੀ ਪਾਰੀ ’ਚ ਸੈਂਕੜਾ ਲਾਉਣ ਵਾਲੇ ਕੇ. ਐੱਲ. ਰਾਹੁਲ ’ਤੇ ਸ਼ਨੀਵਾਰ ਨੂੰ ਇਥੇ ਇੰਗਲੈਂਡ ਵਿਰੁੱਧ ਦੂਜੇ ਟੈਸਟ ਮੈਚ ਦੇ ਤੀਜੇ ਦਿਨ ਲੰਚ ਤੋਂ ਪਹਿਲਾਂ ਦੇ ਸੈਸ਼ਨ ਦੌਰਾਨ ਦਰਸ਼ਕਾਂ ਦੇ ਸਟੈਂਡ ’ਚੋਂ ਬੋਤਲ ਦੇ ‘ਢੱਕਣ’ ਸੁੱਟੇ ਗਏ। ਉਹ ਇੰਗਲੈਂਡ ਦੀ ਬੱਲੇਬਾਜ਼ੀ ਦੌਰਾਨ 69ਵੇਂ ਓਵਰ ’ਚ ਇਕ ਚੀਜ਼ ਫੜੀ ਦਿਸਿਆ, ਜਿਹੜਾ ਸ਼ੈਂਪੇਨ ਦੀ ਬੋਤਲ ਦਾ ਢੱਕਣ ਲੱਗ ਰਿਹਾ ਸੀ। ਮੁਹੰਮਦ ਸ਼ੰਮੀ ਨੇ ਇਹ ਓਵਰ ਸੁੱਟਿਆ ਸੀ, ਜਿਸ ਦੀ ਚੌਥੀ ਗੇਂਦ ਤੋਂ ਬਾਅਦ ਰਾਹੁਲ ’ਤੇ ਇਹ ਢੱਕਣ ਸੁੱਟੇ ਗਏ, ਜਿਹੜਾ ਬਾਊਂਡਰੀ ਦੇ ਨੇੜੇ ਫੀਲਡਿੰਗ ਕਰ ਰਿਹਾ ਸੀ।
ਭਾਰਤੀ ਕਪਤਾਨ ਵਿਰਾਟ ਕੋਹਲੀ ਇਸ ਘਟਨਾ ਨਾਲ ਬਹੁਤ ਗੁੱਸੇ ’ਚ ਸੀ ਤੇ ਉਸ ਨੇ ਰਾਹੁਲ ਨੂੰ ਇਸ ਨੂੰ ਬਾਹਰ ਸੁੱਟਣ ਨੂੰ ਕਿਹਾ। ਖੇਡ ਵੀ ਥੋੜ੍ਹੀ ਦੇਰ ਲਈ ਰੁਕ ਗਈ ਕਿਉਂਕਿ ਭਾਰਤੀ ਖਿਡਾਰੀ ਅੰਪਾਇਰਾਂ ਨਾਲ ਗੱਲ ਕਰ ਰਹੇ ਸਨ। ਇਸ ਦੀ ਪੁਸ਼ਟੀ ਨਹੀਂ ਹੋਈ ਕਿ ਅੰਪਾਇਰਾਂ ਦਾ ਧਿਆਨ ਰਸਮੀ ਤੌਰ ’ਤੇ ਇਸ ਘਟਨਾ ਵੱਲ ਦਿਵਾਉਣ ਲਈ ਸੀ ਜਾਂ ਫਿਰ ਅਧਿਕਾਰਤ ਸ਼ਿਕਾਇਤ ਲਈ। ਇਸ ਸਾਲ ਦੇ ਸ਼ੁਰੂ ’ਚ ਵੀ ਭਾਰਤੀ ਟੀਮ ਨੂੰ ਆਸਟਰੇਲੀਆ ਦੇ ਦੌਰੇ ’ਤੇ ਨਸਲੀ ਟਿੱਪਣੀਆਂ ਦਾ ਸਾਹਮਣਾ ਕਰਨਾ ਪਿਆ ਸੀ, ਜਿਸ ’ਚ ਮੁਹੰਮਦ ਸ਼ੰਮੀ ਨੂੰ ਅਪਸ਼ਬਦ ਕਹੇ ਗਏ ਸਨ।
ਰੀਗਾ ਟੈਕਨੀਕਲ ਯੂਨੀਵਰਸਿਟੀ ਇੰਟਰਨੈਸ਼ਨਲ ਓਪਨ - ਸੁਨੀਲ ਨਾਰਾਇਨਣ ਨੇ ਬਣਾਈ ਸਾਂਝੀ ਬੜ੍ਹਤ
NEXT STORY 
