ਟੋਕੀਓ- ਫਰਾਂਸ ਦੇ ਸੁਪਰ ਹੈਵੀਵੇਟ ਮੁੱਕੇਬਾਜ਼ ਮੁਰਾਦ ਅਲੀਵ ਨੂੰ ਐਤਵਾਰ ਨੂੰ ਇੱਥੇ ਟੋਕੀਓ ਓਲੰਪਿਕ ਦੇ ਕੁਆਰਟਰ ਫਾਈਨਲ ਵਿਚ ਜਾਣਬੁੱਝ ਕੇ 'ਹੈੱਡ ਬਟ' (ਸਿਰ 'ਤੇ ਹਮਲਾ) ਕਰਨ ਲਈ 'ਡਿਸ ਕੁਆਲੀਫਾਈ (ਅਯੋਗ)' ਕਰਾਰ ਦਿੱਤਾ ਗਿਆ, ਜਿਸ ਤੋਂ ਬਾਅਦ ਉਹ ਵਿਰੋਧ ਵਜੋਂ ਰਿੰਗ ਵਿਚ ਬੈਠ ਗਿਆ। ਮੁਰਾਦ ਅਲੀ ਨੂੰ ਦੂਜੇ ਰਾਊਂਡ ਦੇ ਖਤਮ ਹੋਣ ਵਿਚ ਚਾਰ ਸੈਕੰਡ ਪਹਿਲਾਂ ਰੈਫਰੀ ਐਂਡੀ ਮੁਸਟਾਚਿਓ ਨੇ 'ਡਿਸ ਕੁਆਲੀਫਾਈ' ਕਰ ਦਿੱਤਾ ਅਤੇ ਇਸ ਤੋਂ ਇਹ ਮੁੱਕੇਬਾਜ਼ ਗੁੱਸੇ ਵਿਚ ਹਮਲਾਵਰ ਹੋ ਗਿਆ।
ਇਹ ਖ਼ਬਰ ਪੜ੍ਹੋ- ਸਿੰਧੂ ਦੇ ਕਾਂਸੀ ਤਮਗਾ ਦੀ ਜਿੱਤ 'ਤੇ ਰਾਸ਼ਟਰਪਤੀ ਰਾਮਨਾਥ ਕੋਵਿੰਦ PM ਮੋਦੀ ਨੇ ਦਿੱਤੀ ਵਧਾਈ
ਰੈਫਰੀ ਨੂੰ ਪੂਰਾ ਯਕੀਨ ਸੀ ਕਿ ਅਲੀਵ ਨੇ ਜਾਣਬੁੱਝ ਕੇ ਆਪਣੇ ਸਿਰ ਨਾਲ ਬ੍ਰਿਟਿਸ਼ ਵਿਰੋਧੀ ਫ੍ਰੇਜਰ ਕਲਾਰਕ 'ਤੇ ਹਮਲਾ ਕੀਤਾ। ਕਲਾਰਕ ਦੇ ਇਸ ਨਾਲ ਦੋਵੇਂ ਅੱਖਾਂ ਦੇ ਨੇੜੇ ਡੂੰਘੇ ਕੱਟ ਲੱਗ ਗਏ। ਇਸ ਮੁਕਾਬਲੇ ਦਾ ਫੈਸਲਾ ਸੁਣਾਏ ਜਾਣ ਤੋਂ ਬਾਅਦ ਅਲੀਵ ਰਿੰਗ ਦੀਆਂ ਰੱਸੀਆਂ ਦੇ ਬਾਹਰ ਪੌੜੀਆਂ ਦੇ ਨੇੜੇ ਬੈਠ ਗਿਆ। ਉਹ ਉੱਥੋਂ ਨਹੀਂ ਉੱਠਿਆ, ਜਿਸ ਨਾਲ ਫਰਾਂਸ ਟੀਮ ਦੇ ਅਧਿਕਾਰੀ ਉਸ ਨਾਲ ਗੱਲ ਕਰਨ ਆਏ ਅਤੇ ਉਸਦੇ ਲਈ ਪਾਣੀ ਲੈ ਕੇ ਆਏ। ਅੱਧੇ ਘੰਟੇ ਤੋਂ ਵੱਧ ਸਮੇਂ ਤੋਂ ਬਾਅਦ ਮੁੱਕੇਬਾਜ਼ੀ ਅਧਿਕਾਰੀ ਆਏ ਤੇ ਉਨ੍ਹਾਂ ਨੇ ਅਲੀਵ ਤੇ ਫਰਾਂਸ ਦੀ ਟੀਮ ਨਾਲ ਗੱਲ ਕੀਤੀ। ਅਲੀਵ ਫਿਰ ਉੱਥੋਂ ਚਲਾ ਗਿਆ ਤੇ ਹੋਰਨਾਂ ਸਾਰੇ ਕੋਕੁਗਿਕਾਨ ਏਰੀਨਾ ਦੇ ਅੰਦਰ ਚਲੇ ਗਏ ਪਰ ਤਕਰੀਬਨ 15 ਮਿੰਟ ਬਾਅਦ ਅਲੀਵ ਫਿਰ ਪਰਤਿਆ ਅਤੇ ਉਸ ਨੇ ਉੱਥੇ ਬੈਠ ਕੇ ਉਸੇ ਤਰ੍ਹਾਂ ਵਿਰੋਧ ਸ਼ੁਰੂ ਕਰ ਦਿੱਤਾ।
ਖ਼ਬਰ ਪੜ੍ਹੋ- ਸੁਸ਼ੀਲ ਵਿਰੁੱਧ 18 ਗੰਭੀਰ ਧਾਰਾਵਾਂ ’ਚ ਦੋਸ਼ ਪੱਤਰ ਤਿਆਰ, ਕੱਲ ਪੇਸ਼ ਕਰੇਗੀ ਪੁਲਸ
ਮੁਕਾਬਲੇ ਤੋਂ ਬਾਅਦ ਅਲੀਵ ਜ਼ੋਰ-ਜ਼ੋਰ ਨਾਲ ਖਾਲੀ ਏਰੀਨਾ ਵਿਚ ਨਾਅਰੇਬਾਜ਼ੀ ਕਰ ਰਿਹਾ ਸੀ। ਹਰ ਕੋਈ ਜਾਣਦਾ ਹੈ ਕਿ ਮੈਂ ਜਿੱਤ ਗਿਆ ਸੀ। ਵਿਰੋਧੀ ਮੁੱਕੇਬਾਜ਼ ਕਲਾਰਕ ਨੇ ਵੀ ਉਸ ਨੂੰ ਸ਼ਾਂਤ ਕਰਨ ਦੀ ਕੋਸ਼ਿਸ਼ ਕੀਤੀ ਪਰ ਉਸ ਨੇ ਇਕ ਨਹੀਂ ਸੁਣੀ। ਓਲੰਪਿਕ ਦੇ ਮੁੱਕੇਬਾਜ਼ੀ ਵਿਚ ਰੈਫਰੀ ਦੇ ਫੈਸਲੇ ਦਾ ਵਿਰੋਧ ਕਰਨ ਦਾ ਸਭ ਤੋਂ ਚਰਚਿਤ ਮਾਮਲਾ 1988 ਸਿਓਲ ਵਿਚ ਆਇਆ ਸੀ ਜਦੋਂ ਦੱਖਣੀ ਕੋਰੀਆਈ ਬੈਂਥਮਬੇਟ ਮੁੱਕੇਬਾਜ਼ ਬਿਊਨ ਜੰਗ ਇਲ ਨੇ ਰਿੰਗ ਤੋਂ ਜਾਣ ਤੋਂ ਇਨਕਾਰ ਕਰ ਦਿੱਤਾ ਸੀ ਕਿਉਂਕਿ ਸਿਰ ਦਾ ਇਸਤੇਮਾਲ ਕਰਨ ਲਈ ਉਸ ਦੇ ਦੋ ਅੰਕ ਕੱਟ ਦਿੱਤੇ ਗਏ ਸਨ। ਬਿਊਨ ਤਕਰੀਬਨ ਇਕ ਘੰਟੇ ਤੱਕ ਰਿੰਗ ਵਿਚ ਰਿਹਾ ਸੀ ਅਤੇ ਸਿਓਲ ਅਧਿਕਾਰੀਆਂ ਨੇ ਆਖਿਰ ਵਿਚ ਬੱਚੀਆਂ ਬੁਝਾ ਦਿੱਤੀਆਂ ਸਨ।
ਨੋਟ- ਇਸ ਖ਼ਬਰ ਸਬੰਧੀ ਕਮੈਂਟ ਕਰਕੇ ਦਿਓ ਆਪਣੀ ਰਾਏ।
ਗੋਲਫ : ਲਾਹਿੜੀ ਓਲੰਪਿਕ 'ਚ ਸਾਂਝੇ ਤੌਰ 'ਤੇ 42ਵੇਂ ਸਥਾਨ 'ਤੇ
NEXT STORY 
