ਲੰਡਨ : ਇੰਗਲਿਸ਼ ਪ੍ਰੀਮੀਅਰ ਲੀਗ (EPL) ਫੁੱਟਬਾਲ ਟੂਰਨਾਮੈਂਟ ਵਿੱਚ ਇੱਕ ਵੱਡਾ ਉਲਟਫੇਰ ਦੇਖਣ ਨੂੰ ਮਿਲਿਆ ਹੈ, ਜਿੱਥੇ ਲਿਵਰਪੂਲ ਨੂੰ ਅੰਕ ਸੂਚੀ ਵਿੱਚ ਸਭ ਤੋਂ ਹੇਠਲੇ ਪਾਏਦਾਨ 'ਤੇ ਮੌਜੂਦ ਵੌਲਵਰਹੈਂਪਟਨ (ਵੁਲਵਜ਼) ਹੱਥੋਂ 2-1 ਨਾਲ ਕਰਾਰੀ ਹਾਰ ਦਾ ਸਾਹਮਣਾ ਕਰਨਾ ਪਿਆ। ਇਸ ਹਾਰ ਨਾਲ ਲਿਵਰਪੂਲ ਦੀ ਅਗਲੇ ਸੀਜ਼ਨ ਵਿੱਚ ਚੈਂਪੀਅਨਜ਼ ਲੀਗ ਖੇਡਣ ਦੀਆਂ ਉਮੀਦਾਂ ਨੂੰ ਵੱਡਾ ਝਟਕਾ ਲੱਗਿਆ ਹੈ।
ਮੈਚ ਦਾ ਰੋਮਾਂਚਕ ਅੰਤ
ਮੈਚ ਦੇ ਅੰਤਿਮ ਪਲਾਂ ਵਿੱਚ ਕਾਫੀ ਡਰਾਮਾ ਦੇਖਣ ਨੂੰ ਮਿਲਿਆ। ਖੇਡ ਦੇ 78ਵੇਂ ਮਿੰਟ ਵਿੱਚ ਰੋਡ੍ਰਿਗੋ ਗੋਮਸ ਨੇ ਗੋਲ ਕਰਕੇ ਵੁਲਵਜ਼ ਨੂੰ 1-0 ਦੀ ਬੜ੍ਹਤ ਦਿਵਾਈ। ਇਸ ਤੋਂ ਬਾਅਦ ਲਿਵਰਪੂਲ ਦੇ ਸਟਾਰ ਬੱਲੇਬਾਜ਼ ਮੁਹੰਮਦ ਸਾਲਾਹ ਨੇ 83ਵੇਂ ਮਿੰਟ ਵਿੱਚ ਸ਼ਾਨਦਾਰ ਗੋਲ ਕਰਕੇ ਆਪਣੀ ਟੀਮ ਨੂੰ 1-1 ਦੀ ਬਰਾਬਰੀ 'ਤੇ ਲਿਆਂਦਾ। ਜ਼ਿਕਰਯੋਗ ਹੈ ਕਿ ਪਿਛਲੇ 10 ਪ੍ਰੀਮੀਅਰ ਲੀਗ ਮੈਚਾਂ ਵਿੱਚ ਸਾਲਾਹ ਦਾ ਇਹ ਪਹਿਲਾ ਗੋਲ ਸੀ।
ਸਟਾਪੇਜ ਟਾਈਮ 'ਚ ਵੁਲਵਜ਼ ਨੇ ਮਾਰੀ ਬਾਜ਼ੀ
ਜਦੋਂ ਅਜਿਹਾ ਲੱਗ ਰਿਹਾ ਸੀ ਕਿ ਮੁਕਾਬਲਾ ਬਰਾਬਰੀ 'ਤੇ ਖਤਮ ਹੋਵੇਗਾ, ਤਾਂ ਸਟਾਪੇਜ ਟਾਈਮ ਦੇ ਚੌਥੇ ਮਿੰਟ ਵਿੱਚ ਬ੍ਰਾਜ਼ੀਲ ਦੇ ਮਿਡਫੀਲਡਰ ਆਂਦਰੇ ਨੇ ਗੋਲ ਦਾਗ ਕੇ ਵੁਲਵਜ਼ ਨੂੰ 2-1 ਨਾਲ ਜਿੱਤ ਦਿਵਾ ਦਿੱਤੀ। ਲਿਵਰਪੂਲ ਲਈ ਇਹ ਹਾਰ ਇਸ ਲਈ ਵੀ ਦੁਖਦਾਈ ਹੈ ਕਿਉਂਕਿ ਉਨ੍ਹਾਂ ਦਾ ਸਾਹਮਣਾ ਲੀਗ ਦੀ ਸਭ ਤੋਂ ਕਮਜ਼ੋਰ ਮੰਨੀ ਜਾਣ ਵਾਲੀ ਟੀਮ ਨਾਲ ਸੀ।
ਅਰਵਿੰਦ ਚਿਦਾਂਬਰਮ ਨੇ ਵਿਸ਼ਵ ਚੈਂਪੀਅਨ ਗੁਕੇਸ਼ ਨੂੰ ਹਰਾਇਆ
NEXT STORY 
