ਫਿਡੇ ਵੂਮਨ ਗ੍ਰਾਂ. ਪ੍ਰੀ. ਸ਼ਤਰੰਜ 'ਚ ਖਿਤਾਬ ਦੇ ਨੇੜੇ ਪਹੁੰਚੀ ਹੰਪੀ

Edited By Gurdeep Singh,
Updated: 22 Sep, 2019 08:17 PM

ਮਾਸਕੋ (ਨਿਕਲੇਸ਼ ਜੈਨ)- ਫਿਡੇ ਵੂਮੈਨ ਗ੍ਰਾਂ. ਪ੍ਰੀ. ਸ਼ਤਰੰਜ ਵਿਚ ਭਾਰਤ ਦੀ ਚੋਟੀ ਦੀ ਮਹਿਲਾ ਖਿਡਾਰੀ ਕੋਨੇਰੂ ਹੰਪੀ ਨੇ 10ਵੇਂ ਰਾਊਂਡ ਵਿਚ ਰੂਸ ਦੇ ਲਾਗਨੋਂ ਕਾਟੇਰਿਆਨਾ ਨਾਲ ਡਰਾਅ ਖੇਡਦੇ ਹੋਏ ਖਿਤਾਬ 'ਤੇ ਆਪਣੀ ਪਕੜ ਮਜ਼ਬੂਤ ਬਣਾ ਲਈ ਹੈ। ਹੁਣ ਜੇਕਰ ਆਖਰੀ ਰਾਊਂਡ ਵਿਚ ਉਹ ਮੌਜੂਦਾ ਵਿਸ਼ਵ ਚੈਂਪੀਅਨ ਜੂ ਵੇਂਜੂਨ ਨਾਲ ਸਫੈਦ ਮੋਹਰਿਆਂ ਨਾਲ ਖੇਡਦੇ ਹੋਏ ਮੁਕਾਬਲਾ ਡਰਾਅ ਵੀ ਖੇਡਦੀ ਹੈ ਤਾਂ ਉਸਦਾ ਖਿਤਾਬ ਜਿੱਤਣਾ ਤੈਅ ਨਜ਼ਰ ਆ ਰਿਹਾ ਹੈ।
ਹੰਪੀ ਤੇ ਲਾਗਨੋਂ ਵਿਚਾਲੇ ਪੇਟ੍ਰੋਫ ਡਿਫੈਂਸ ਵਿਚ ਖੇਡਿਆ ਗਿਆ ਮੁਕਾਬਲਾ 23 ਚਾਲਾਂ ਵਿਚ ਹੀ ਡਰਾਅ 'ਤੇ ਖਤਮ ਹੋ ਗਿਆ। ਉਥੇ ਹੀ ਭਾਰਤ ਦੀ ਹਰਿਕਾ ਦ੍ਰੋਣਾਵਲੀ ਨੂੰ ਇਕ ਵਾਰ ਫਿਰ ਹਾਰ ਦਾ ਸਾਹਮਣਾ ਕਰਨਾ ਪਿਆ। ਹਰਿਕਾ ਨੂੰ ਰੂਸ ਦੀ ਗੁਨਿਨਾ ਵਾਲੇਂਟੀਨਾ ਨੇ ਹਰਾਇਆ। 10 ਰਾਊਂਡਾਂ ਤੋਂ ਬਾਅਦ ਭਾਰਤ ਦੀ ਕੋਨੇਰੂ ਹੰਪੀ 7.5 ਅੰਕਾਂ ਨਾਲ ਪਹਿਲੇ ਤੇ ਚੀਨ ਦੀ ਜੂ ਵੇਂਜੂਨ 7 ਅੰਕ ਬਣਾ ਕੇ ਦੂਜੇ ਸਥਾਨ 'ਤੇ ਹੈ।

ਆਪਣੇ ਭਾਈਚਾਰੇ ਚੋ ਆਪਣੇ ਜੀਵਨਸਾਥੀ ਦੀ ਚੋਣ ਕਰੋ - ਮੁਫ਼ਤ ਰਿਜਿਸਟ੍ਰੇਸ਼ਨ ਕਰੇ

IND v SA T20I : ਭਾਰਤ ਨੂੰ 9 ਵਿਕਟਾਂ ਨਾਲ ਹਰਾ ਦੱ. ਅਫਰੀਕਾ ਨੇ 1-1 ਨਾਲ ਸੀਰੀਜ਼ ਕੀਤੀ ਬਰਾਬਰ