ਜਲੰਧਰ— ਨਿਊਜ਼ੀਲੈਂਡ ਵਿਰੁੱਧ ਟੈਸਟ ਸੀਰੀਜ਼ ਤੋਂ ਪਹਿਲਾਂ ਭਾਰਤੀ ਟੀਮ ਨੇ ਨਿਊਜ਼ੀਲੈਂਡ ਇਲੈਵਨ ਦੇ ਨਾਲ ਅਭਿਆਸ ਮੈਚ ਕੀਤਾ। ਇਸ ਅਭਿਆਸ ਮੈਚ 'ਚ ਭਾਰਤੀ ਬੱਲੇਬਾਜ਼ ਹਨੁਮਾ ਵਿਹਾਰੀ ਨੇ ਸੈਂਕੜਾ ਲਗਾ ਕੇ ਟੀਮ 'ਚ ਜਗ੍ਹਾ ਬਣਾਉਣ ਦੇ ਲਈ ਆਪਣੀ ਦਾਅਵੇਦਾਰੀ ਮਜ਼ਬੂਤ ਕਰ ਲਈ ਹੈ। ਵਿਹਾਰੀ ਨੇ ਆਪਣੇ ਇਸ ਸੈਂਕੜੇ ਨੂੰ ਆਪਣੇ ਪਿਆਰ ਯਾਨੀ ਪਤਨੀ ਦੇ ਨਾਂ ਕਰ ਦਿੱਤਾ ਤੇ ਪਤਨੀ ਨੂੰ ਵੈਲੇਨਟਾਈਨ ਡੇ ਦਾ ਗਿੱਫਟ ਦਿੱਤਾ।
ਹਨੁਮਾ ਵਿਹਾਰੀ ਨੇ ਵੈਲੇਨਟਾਈਨ ਡੇ ਵਾਲੇ ਦਿਨ ਨਿਊਜ਼ੀਲੈਂਡ ਇਲੈਵਨ ਦੇ ਵਿਰੁੱਧ ਅਭਿਆਸ ਮੈਚ 'ਚ ਸੈਂਕੜਾ ਲਗਾਇਆ। ਵਿਹਾਰੀ ਨੇ ਆਪਣੇ ਇਸ ਸੈਂਕੜੇ ਨੂੰ ਆਪਣੀ ਪਤਨੀ ਦੇ ਨਾਂ ਕਰ ਦਿੱਤਾ ਤੇ ਆਪਣੇ ਇੰਸਟਾਗ੍ਰਾਮ 'ਤੇ ਪੋਸਟ ਸ਼ੇਅਰ ਕਰਦੇ ਹੋਏ ਲਿਖਿਆ ਕਿ ਮੈਨੂੰ ਉਮੀਦ ਹੈ ਕਿ ਤੁਹਾਨੂੰ ਇਹ ਗਿੱਫਟ ਬਹੁਤ ਪਸੰਦ ਆਇਆ ਹੋਵੇਗਾ? ਇਸ 'ਤੇ ਵਿਹਾਰੀ ਦੀ ਪਤਨੀ ਨੇ ਵੀ ਕੁਮੈਂਟ ਕਰਕੇ ਲਿਖਿਆ ਕਿ ਮੈਨੂੰ ਇਹ ਗਿੱਫਟ ਬਹੁਤ ਪਸੰਦ ਆਇਆ।
ਜ਼ਿਕਰਯੋਗ ਹੈ ਕਿ ਹਨੁਮਾ ਵਿਹਾਰੀ ਦੇ ਸੈਂਕੜੇ ਤੇ ਚੇਤੇਸ਼ਵਰ ਪੁਜਾਰਾ ਦੀਆਂ 92 ਦੌੜਾਂ ਦੀ ਮਦਦ ਨਾਲ ਭਾਰਤ ਨੇ ਨਿਊਜ਼ੀਲੈਂਡ ਵਿਰੁੱਧ ਇਕਲੌਤੇ ਅਭਿਆਸ ਮੈਚ ਦੇ ਪਹਿਲੇ ਦਿਨ ਸ਼ੁਰੂਆਤੀ ਝਟਕਿਆਂ ਤੋਂ ਉੱਭਰਦੇ ਹੋਏ ਪਾਰੀ ਨੂੰ ਸੰਭਾਲਿਆ। ਸਲਾਮੀ ਬੱਲੇਬਾਜ਼ ਮਯੰਕ ਅਗਰਵਾਲ (1), ਪ੍ਰਿਥਵੀ ਸ਼ਾਹ (0) ਤੇ ਸ਼ੁਭਮਾਨ ਗਿਲ (0) ਪਿੱਚ 'ਤੇ ਅਸਫਲ ਰਹੇ। ਭਾਰਤੀ ਟੀਮ ਸਿਰਫ 263 ਦੌੜਾਂ ਹੀ ਬਣਾ ਸਕੀ ਤੇ ਵਿਹਾਰੀ 101 ਰਿਟਾਇਰਡ ਤੇ ਪੁਜਾਪਾ ਨੂੰ ਛੱਡ ਕੋਈ ਬੱਲੇਬਾਜ਼ 20 ਦੌੜਾਂ ਵੀ ਨਹੀਂ ਬਣਾ ਸਕਿਆ।
ਈਵਾ ਡੀ ਗੋਏਡੇ FIH ਦੀ ਬੈਸਟ ਵੂਮੈਨ ਪਲੇਅਰ 2019 ਬਣੀ
NEXT STORY