ਨਵੀਂ ਦਿੱਲੀ— ਭਾਰਤੀ ਪੁਰਸ਼ ਫੁੱਟਬਾਲ ਟੀਮ ਸਤੰਬਰ 'ਚ ਸਿੰਗਾਪੁਰ ਅਤੇ ਵੀਅਤਨਾਮ ਦੇ ਖਿਲਾਫ ਦੋ ਅੰਤਰਰਾਸ਼ਟਰੀ ਦੋਸਤਾਨਾ ਮੈਚ ਖੇਡੇਗੀ। ਭਾਰਤੀ ਟੀਮ 24 ਸਤੰਬਰ ਨੂੰ ਸਿੰਗਾਪੁਰ ਅਤੇ 27 ਸਤੰਬਰ ਨੂੰ ਮੇਜ਼ਬਾਨ ਵੀਅਤਨਾਮ ਨਾਲ ਖੇਡੇਗੀ। ਵੀਅਤਨਾਮ ਫੀਫਾ ਵਿੰਡੋ (19 ਤੋਂ 27 ਸਤੰਬਰ) ਵਿੱਚ ਇਨ੍ਹਾਂ ਮੈਚਾਂ ਦੀ ਮੇਜ਼ਬਾਨੀ ਕਰ ਰਿਹਾ ਹੈ ਜੋ 2022 AFF ਮਿਤਸੁਬਿਸ਼ੀ ਇਲੈਕਟ੍ਰਿਕ ਕੱਪ ਦੀ ਤਿਆਰੀ ਲਈ ਅਹਿਮ ਹਨ।
ਭਾਰਤੀ ਟੀਮ 22 ਸਤੰਬਰ ਨੂੰ ਵੀਅਤਨਾਮ ਜਾਵੇਗੀ ਅਤੇ 28 ਸਤੰਬਰ ਨੂੰ ਵਾਪਸੀ ਕਰੇਗੀ। ਵੀਅਤਨਾਮ ਫੁੱਟਬਾਲ ਫੈਡਰੇਸ਼ਨ ਮੁਤਾਬਕ ਤਿੰਨੇ ਟੀਮਾਂ 21 ਤੋਂ 27 ਸਤੰਬਰ ਤੱਕ ਟੂਰਨਾਮੈਂਟ ਖੇਡਣਗੀਆਂ ਅਤੇ ਸਭ ਤੋਂ ਵੱਧ ਅੰਕ ਹਾਸਲ ਕਰਨ ਵਾਲੀ ਟੀਮ ਨੂੰ ਜੇਤੂ ਐਲਾਨਿਆ ਜਾਵੇਗਾ। ਭਾਰਤ ਇਸ ਸਮੇਂ ਫੀਫਾ ਰੈਂਕਿੰਗ 'ਚ 104ਵੇਂ ਸਥਾਨ 'ਤੇ ਹੈ, ਜਦਕਿ ਵੀਅਤਨਾਮ 97ਵੇਂ ਅਤੇ ਸਿੰਗਾਪੁਰ 159ਵੇਂ ਸਥਾਨ 'ਤੇ ਹੈ।
ਮੀਡੀਆ ਦੇ ਸਾਹਮਣੇ ਆ ਕੇ ਰੋ ਪਏ ‘The Great Khali', ਦੇਖੋ ਵਾਇਰਲ ਵੀਡੀਓ
NEXT STORY 
