ਮੈਲਬੋਰਨ- ਵਿਕਟਕੀਪਰ ਬੱਲੇਬਾਜ਼ ਧਰੁਵ ਜੁਰੇਲ ਨੇ ਲਗਾਤਾਰ ਦੂਜਾ ਅਰਧ ਸੈਂਕੜਾ ਜੜ ਕੇ ਭਾਰਤੀ ਟੈਸਟ ਟੀਮ ਦੇ ਪਲੇਇੰਗ ਇਲੈਵਨ ਵਿਚ ਜਗ੍ਹਾ ਬਣਾਉਣ ਦਾ ਮਜ਼ਬੂਤ ਦਾਅਵਾ ਪੇਸ਼ ਕੀਤਾ ਪਰ ਉਸ ਦੀ ਸ਼ਾਨਦਾਰ ਕੋਸ਼ਿਸ਼ ਦੇ ਬਾਵਜੂਦ ਭਾਰਤ-ਏ ਨੂੰ ਇੱਥੇ ਦੂਜੇ ਅਤੇ ਆਖਰੀ ਗੈਰ-ਅਧਿਕਾਰਤ ਟੈਸਟ ਮੈਚ ਦੇ ਤੀਜੇ ਦਿਨ ਸ਼ਨੀਵਾਰ ਨੂੰ ਛੇ ਵਿਕਟਾਂ ਨਾਲ ਹਾਰ ਦਾ ਸਾਹਮਣਾ ਕਰਨਾ ਪਿਆ। ਇਸ ਤਰ੍ਹਾਂ ਭਾਰਤ-ਏ ਦੋ ਮੈਚਾਂ ਦੀ ਸੀਰੀਜ਼ 0-2 ਨਾਲ ਹਾਰ ਗਿਆ। ਉਸ ਦੀ ਟੀਮ ਇਸ ਤੋਂ ਪਹਿਲਾਂ ਮੈਕੇ ਵਿੱਚ ਪਹਿਲਾ ਗੈਰ-ਅਧਿਕਾਰਤ ਟੈਸਟ ਸੱਤ ਵਿਕਟਾਂ ਨਾਲ ਹਾਰ ਗਈ ਸੀ।
ਭਾਰਤੀ ਟੀਮ ਨੇ ਸਵੇਰੇ ਪੰਜ ਵਿਕਟਾਂ ’ਤੇ 73 ਦੌੜਾਂ ਬਣਾ ਕੇ ਆਪਣੀ ਪਾਰੀ ਨੂੰ ਅੱਗੇ ਵਧਾਇਆ। ਪਹਿਲੀ ਪਾਰੀ ਵਿੱਚ 80 ਦੌੜਾਂ ਬਣਾਉਣ ਵਾਲੇ ਜੁਰੇਲ ਨੇ ਦੂਜੀ ਪਾਰੀ ਵਿੱਚ 122 ਗੇਂਦਾਂ ਵਿੱਚ 68 ਦੌੜਾਂ ਦੀ ਧੀਰਜ ਵਾਲੀ ਪਾਰੀ ਖੇਡੀ ਜਿਸ ਵਿੱਚ ਪੰਜ ਚੌਕੇ ਸ਼ਾਮਲ ਸਨ। ਜੁਰੇਲ ਨੇ ਆਊਟ ਹੋਣ ਤੋਂ ਪਹਿਲਾਂ ਨਿਤੀਸ਼ ਕੁਮਾਰ ਰੈੱਡੀ (38) ਨਾਲ 94 ਦੌੜਾਂ ਦੀ ਅਹਿਮ ਸਾਂਝੇਦਾਰੀ ਕੀਤੀ। ਪ੍ਰਸਿਧ ਕ੍ਰਿਸ਼ਨ (29) ਅਤੇ ਤਨੁਸ਼ ਕੋਟੀਅਨ (44) ਨੇ ਵੀ ਚੰਗੀ ਪਾਰੀ ਖੇਡ ਕੇ ਭਾਰਤ ਨੂੰ ਦੂਜੀ ਪਾਰੀ ਵਿੱਚ 229 ਦੌੜਾਂ ਤੱਕ ਪਹੁੰਚਾਇਆ ਅਤੇ ਮੇਜ਼ਬਾਨ ਟੀਮ ਨੂੰ 168 ਦੌੜਾਂ ਦਾ ਟੀਚਾ ਦਿੱਤਾ।
ਭਾਰਤ-ਏ ਦੀ ਦੂਜੀ ਪਾਰੀ ਵਿੱਚ ਆਫ ਸਪਿਨਰ ਕੋਰੀ ਰੌਸੀਓਲੀ ਨੇ ਆਸਟਰੇਲੀਆ ਏ ਲਈ 74 ਦੌੜਾਂ ਦੇ ਕੇ ਚਾਰ ਵਿਕਟਾਂ ਲਈਆਂ। ਉਸ ਨੂੰ ਹਰਫਨਮੌਲਾ ਬੀਊ ਵੈਬਸਟਰ (49 ਦੌੜਾਂ 'ਤੇ ਤਿੰਨ ਵਿਕਟਾਂ) ਅਤੇ ਸੱਜੇ ਹੱਥ ਦੇ ਤੇਜ਼ ਗੇਂਦਬਾਜ਼ ਨਾਥਨ ਮੈਕਐਂਡਰਿਊ (53 ਦੌੜਾਂ 'ਤੇ ਦੋ ਵਿਕਟਾਂ) ਦਾ ਵੀ ਚੰਗਾ ਸਹਿਯੋਗ ਮਿਲਿਆ। ਆਸਟਰੇਲੀਆ-ਏ ਕੋਲ ਵੱਡਾ ਟੀਚਾ ਨਹੀਂ ਸੀ ਪਰ ਉਸ ਦੀ ਸ਼ੁਰੂਆਤ ਚੰਗੀ ਨਹੀਂ ਰਹੀ।
ਤੇਜ਼ ਗੇਂਦਬਾਜ਼ ਪ੍ਰਸਿਧ ਕ੍ਰਿਸ਼ਨਾ (37 ਦੌੜਾਂ 'ਤੇ 2 ਵਿਕਟਾਂ) ਨੇ ਪਾਰੀ ਦੇ ਪਹਿਲੇ ਓਵਰ 'ਚ ਮਾਰਕਸ ਹੈਰਿਸ ਅਤੇ ਕੈਮਰਨ ਬੈਨਕ੍ਰਾਫਟ ਨੂੰ ਲਗਾਤਾਰ ਗੇਂਦਾਂ 'ਤੇ ਆਊਟ ਕਰਕੇ ਭਾਰਤ ਦੀ ਉਮੀਦ ਜਗਾਈ। ਇਸ ਮੈਚ ਵਿੱਚ ਛੇ ਵਿਕਟਾਂ ਲੈ ਕੇ, ਉਸਨੇ ਬਾਰਡਰ ਗਾਵਸਕਰ ਟਰਾਫੀ ਲਈ ਭਾਰਤੀ ਫਾਈਨਲ ਇਲੈਵਨ ਵਿੱਚ ਜਗ੍ਹਾ ਬਣਾਉਣ ਲਈ ਵੀ ਆਪਣਾ ਦਾਅਵਾ ਜਤਾਇਆ। ਇਸ ਤੋਂ ਬਾਅਦ ਮੁਕੇਸ਼ ਕੁਮਾਰ ਨੇ ਕਪਤਾਨ ਨਾਥਨ ਮੈਕਸਵੀਨੀ (25) ਨੂੰ ਵਿਕਟ ਦੇ ਪਿੱਛੇ ਕੈਚ ਕਰਵਾ ਕੇ ਆਸਟ੍ਰੇਲੀਆ ਏ ਦੇ ਸਕੋਰ ਨੂੰ ਤਿੰਨ ਵਿਕਟਾਂ 'ਤੇ 48 ਦੌੜਾਂ ਤੱਕ ਪਹੁੰਚਾ ਦਿੱਤਾ। ਪਰ ਸੈਮ ਕੋਂਟਾਸ ਇੱਕ ਸਿਰੇ 'ਤੇ ਮਜ਼ਬੂਤੀ ਨਾਲ ਖੜ੍ਹਾ ਸੀ। ਉਸ ਨੇ 128 ਗੇਂਦਾਂ 'ਤੇ 73 ਦੌੜਾਂ ਦੀ ਅਜੇਤੂ ਪਾਰੀ ਖੇਡੀ। ਆਸਟ੍ਰੇਲੀਆ ਦੀ ਟੈਸਟ ਟੀਮ 'ਚ ਜਗ੍ਹਾ ਦੇ ਦਾਅਵੇਦਾਰ ਇਸ ਨੌਜਵਾਨ ਬੱਲੇਬਾਜ਼ ਨੇ ਵੈਬਸਟਰ (66 ਗੇਂਦਾਂ 'ਤੇ ਅਜੇਤੂ 46 ਦੌੜਾਂ) ਦੇ ਨਾਲ 96 ਦੌੜਾਂ ਦੀ ਅਟੁੱਟ ਸਾਂਝੇਦਾਰੀ ਕਰਕੇ ਟੀਮ ਨੂੰ ਟੀਚੇ ਤੱਕ ਪਹੁੰਚਾਇਆ। ਇਸ ਦੌਰਾਨ ਓਲੀਵਰ ਡੇਵਿਸ ਨੇ 21 ਦੌੜਾਂ ਦਾ ਯੋਗਦਾਨ ਦਿੱਤਾ।
ਕੋਰੀਆ ਮਾਸਟਰਜ਼ 'ਚ ਕਿਰਨ ਜਾਰਜ ਦੀ ਜੇਤੂ ਮੁਹਿੰਮ ਸੈਮੀਫਾਈਨਲ 'ਚ ਸਮਾਪਤ
NEXT STORY 
