ਸੈਂਚੁਰੀਅਨ (ਬਿਊਰੋ)— ਭਾਰਤ ਤੇ ਦੱਖਣ ਅਫਰੀਕਾ ਵਨਡੇ ਵਿਚ ਜਦੋਂ ਭਾਰਤ ਨੂੰ ਦੱਖਣ ਅਫਰੀਕਾ ਖਿਲਾਫ ਜਿਤ ਲਈ ਸਿਰਫ ਦੋ ਦੌੜਾਂ ਚਾਹੀਦੀਆਂ ਸਨ ਤਾਂ ਉਦੋਂ ਲੰਚ ਦਾ ਐਲਾਨ ਕਰ ਕੇ ਖੇਡ ਨੂੰ ਰੋਕ ਦਿੱਤਾ ਗਿਆ। ਜਿਸਦੇ ਬਾਅਦ ਆਈ.ਸੀ.ਸੀ. ਨੂੰ ਆਪਣੇ ਅਜੀਬੋ-ਗਰੀਬ ਨਿਯਮਾਂ ਲਈ ਹਰ ਪਾਸੇ ਤੋਂ ਆਲੋਚਨਾਵਾਂ ਦਾ ਸਾਹਮਣਾ ਕਰਨਾ ਪਿਆ। ਦੋਨਾਂ ਮੈਦਾਨੀ ਅੰਪਾਇਰਾਂ ਅਲੀਮ ਡਾਰ, ਐਡਰੀਅਨ ਹੋਲਡਸਟੋਕ ਅਤੇ ਮੈਚ ਰੈਫਰੀ ਐਂਡੀ ਪਾਇਕਰਾਫਟ ਦੀ ਟੀ.ਵੀ. ਕੁਮੈਂਟੇਟਰਾਂ ਅਤੇ ਕ੍ਰਿਕਟ ਜਾਣਕਾਰਾਂ ਨੇ ਖੂਬ ਆਲੋਚਨਾ ਕੀਤੀ।
ਅੰਪਾਇਰਾਂ ਨੇ ਕੀਤੀ ਲੰਚ ਬਰੇਕ ਦੀ ਘੋਸ਼ਣਾ
ਪਹਿਲਾਂ ਬੱਲੇਬਾਜੀ ਕਰਦੇ ਹੋਏ ਦੱਖਣ ਅਫਰੀਕਾ ਟੀਮ 118 ਦੌੜਾਂ ਉੱਤੇ ਆਲਆਊਟ ਹੋ ਗਈ। ਇਸਦੇ ਬਾਅਦ ਭਾਰਤੀ ਟੀਮ ਨੇ 19 ਓਵਰਾਂ ਵਿਚ ਇਕ ਵਿਕਟ ਉੱਤੇ 117 ਦੌੜਾਂ ਬਣਾਈਆਂ, ਉਦੋਂ ਅੰਪਾਇਰਾਂ ਨੇ ਆਈ.ਸੀ.ਸੀ. ਨਿਯਮਾਂ ਦੇ ਤਹਿਤ ਲੰਚ ਘੋਸ਼ਿਤ ਕਰ ਦਿੱਤਾ। ਇਹ ਫੈਸਲਾ ਸਾਰਿਆਂ ਨੂੰ ਅਜੀਬ ਲੱਗਾ ਕਿਉਂਕਿ ਅੰਪਾਇਰਾਂ ਨੇ ਪਹਿਲਾਂ ਹੀ ਤਿੰਨ ਓਵਰ ਹੋਰ ਕਰਨ ਦੀ ਆਗਿਆ ਦੇ ਦਿੱਤੀ ਸੀ। ਜਦੋਂ ਲੰਚ ਹੋਣਾ ਚਾਹੀਦਾ ਹੈ ਸੀ ਤੱਦ ਭਾਰਤ ਨੇ 15 ਓਵਰਾਂ ਵਿਚ ਇਕ ਵਿਕਟ ਉੱਤੇ 93 ਦੌੜਾਂ ਬਣਾਈਆਂ ਸਨ।
40 ਮਿੰਟ ਬਾਅਦ ਜਿੱਤਿਆ ਮੈਚ
ਇਸ ਫੈਸਲੇ ਤੋਂ ਖਿਡਾਰੀ, ਦਰਸ਼ਕ ਅਤੇ ਕੁਮੈਂਟੇਟਰ ਹੈਰਾਨ ਸਨ ਪਰ ਅੰਪਾਇਰ ਨਿਯਮਾਂ ਉੱਤੇ ਬਣੇ ਰਹੇ ਜਿਸਦੇ ਕਾਰਨ 40 ਮਿੰਟ ਦੇ ਲੰਚ ਬ੍ਰੇਕ ਦੇ ਬਾਅਦ ਫਿਰ ਤੋਂ ਭਾਰਤੀ ਪਾਰੀ ਸ਼ੁਰੂ ਹੋਈ ਅਤੇ ਵਿਰਾਟ ਕੋਹਲੀ ਨੇ ਦੋ ਦੌੜਾਂ ਬਣਾ ਕੇ ਛੇ ਮੈਚਾਂ ਦੀ ਸੀਰੀਜ਼ ਵਿਚ 2-0 ਨਾਲ ਲੀਡ ਬਣਾਈ।
ਵਿੰਡੀਜ਼ ਦਿੱਗਜ ਨੇ ਕਿਹਾ ਹਾਸੇ ਭਰਿਆ ਫੈਸਲਾ
ਵੈਸਟਇੰਡੀਜ ਦੇ ਸਾਬਕਾ ਦਿੱਗਜ ਮਾਈਕਲ ਹੋਲਡਿੰਗ ਨੇ ਇਸ ਫੈਸਲੇ ਨੂੰ ਹਾਸੇ ਭਰਿਆ ਕਰਾਰ ਦਿੱਤਾ। ਉਨ੍ਹਾਂ ਨੇ ਕੁਮੈਂਟਰੀ ਕਰਦੇ ਹੋਏ ਕਿਹਾ, ''ਆਈ.ਸੀ.ਸੀ. ਖੇਡ ਨੂੰ ਆਕਰਸ਼ਕ ਬਣਾਉਣਾ ਚਾਹੁੰਦੇ ਹਨ ਪਰ ਇਹ ਹਾਸੇ ਭਰਿਆ ਫੈਸਲਾ ਹੈ।'' ਇੱਥੇ ਤੱਕ ਕਿ ਕੋਈ ਵੀ ਟੀਮ ਇਸ ਫੈਸਲੇ ਤੋਂ ਖੁਸ਼ ਨਹੀਂ ਦਿੱਸੀ ਅਤੇ ਉਸ ਸਮੇਂ ਬੱਲੇਬਾਜੀ ਕਰ ਰਹੇ ਭਾਰਤੀ ਕਪਤਾਨ ਵਿਰਾਟ ਕੋਹਲੀ ਨੇ ਅੰਪਾਇਰਾਂ ਸਾਹਮਣੇ ਇਹ ਮਸਲਾ ਚੁੱਕਿਆ ਪਰ ਅੰਪਾਇਰਾਂ ਉੱਤੇ ਇਸਦਾ ਕੋਈ ਅਸਰ ਨਹੀਂ ਪਿਆ।
ਸਹਿਵਾਗ ਨੇ ਵੀ ਉੱਡਾਇਆ ਮਜ਼ਾਕ
ਸਾਬਕਾ ਭਾਰਤੀ ਬੱਲੇਬਾਜ ਵਰਿੰਦਰ ਸਹਿਵਾਗ ਨੇ ਟਵਿਟਰ ਉੱਤੇ ਅੰਪਾਇਰਾਂ ਦੇ ਫੈਸਲੇ ਦਾ ਮਜ਼ਾਕ ਉਡਾਇਆ। ਉਨ੍ਹਾਂ ਨੇ ਮਜਾਕੀਆ ਅੰਦਾਜ਼ ਵਿਚ ਲਿਖਿਆ, ''ਅੰਪਾਇਰ ਭਾਰਤੀ ਬੱਲੇਬਾਜ਼ਾਂ ਨਾਲ ਉਹੋ ਜਿਹਾ ਹੀ ਵਰਤਾਓ ਕਰ ਰਹੇ ਹਨ ਜਿਵੇਂ ਸਾਰਵਜਨਿਕ ਖੇਤਰ ਦੇ ਬੈਂਕ ਗਾਹਕਾਂ ਨਾਲ ਕਰਦੇ ਹਨ। ਲੰਚ ਦੇ ਬਾਅਦ ਆਉਣਾ।'
ਲਿਵਰਪੂਲ ਦੀ ਰਣਨੀਤੀ ਨੂੰ ਲੈ ਕੇ ਕੋਚ ਨੇ ਦਿੱਤਾ ਵੱਡਾ ਬਿਆਨ
NEXT STORY 
