ਸਪੋਰਟਸ ਡੈਸਕ- ਭਾਰਤ ਅਤੇ ਦੱਖਣੀ ਅਫਰੀਕਾ ਵਿਚਕਾਰ ਵਿਸ਼ਾਖਾਪਟਨਮ ਵਿੱਚ ਖੇਡੇ ਜਾ ਰਹੇ ਤੀਜੇ ਅਤੇ ਫੈਸਲਾਕੁਨ ਵਨਡੇ ਮੈਚ ਵਿੱਚ, ਭਾਰਤੀ ਕ੍ਰਿਕਟ ਟੀਮ ਨੇ ਆਖਰਕਾਰ ਇੱਕ ਵੱਡਾ 'ਰਿਕਾਰਡ' ਤੋੜ ਦਿੱਤਾ ਹੈ। ਇਸ ਮੈਚ ਵਿੱਚ ਕਪਤਾਨ ਕੇ.ਐੱਲ. ਰਾਹੁਲ ਨੇ ਟਾਸ ਜਿੱਤ ਕੇ ਪਹਿਲਾਂ ਗੇਂਦਬਾਜ਼ੀ ਕਰਨ ਦਾ ਫੈਸਲਾ ਕੀਤਾ। ਇਹ ਟਾਸ ਜਿੱਤਣਾ ਭਾਰਤੀ ਟੀਮ ਲਈ ਇੱਕ ਬਹੁਤ ਵੱਡੀ ਰਾਹਤ ਲੈ ਕੇ ਆਇਆ, ਕਿਉਂਕਿ ਟੀਮ ਲਗਾਤਾਰ 20 ਵਨਡੇ ਮੈਚਾਂ ਵਿੱਚ ਟਾਸ ਹਾਰ ਚੁੱਕੀ ਸੀ।
20 ਮੈਚਾਂ ਬਾਅਦ ਬਦਲੀ ਕਿਸਮਤ
ਭਾਰਤੀ ਟੀਮ ਨੇ ਵਨਡੇ ਕ੍ਰਿਕਟ ਵਿੱਚ ਆਖਰੀ ਵਾਰ ਸਾਲ 2023 ਵਿੱਚ ਟਾਸ ਜਿੱਤਿਆ ਸੀ। ਉਦੋਂ ਕਪਤਾਨ ਰੋਹਿਤ ਸ਼ਰਮਾ ਨੇ ਨਿਊਜ਼ੀਲੈਂਡ ਦੇ ਖ਼ਿਲਾਫ਼ ਵਾਨਖੇੜੇ ਦੇ ਮੈਦਾਨ 'ਤੇ ਟਾਸ ਜਿੱਤਿਆ ਸੀ। ਉਸ ਤੋਂ ਬਾਅਦ ਟੀਮ ਲਗਾਤਾਰ 20 ਵਨਡੇ ਮੁਕਾਬਲਿਆਂ ਵਿੱਚ ਟਾਸ ਹਾਰ ਗਈ ਸੀ। ਹੁਣ ਕੇ.ਐੱਲ. ਰਾਹੁਲ ਦੀ ਕਪਤਾਨੀ ਹੇਠ ਤੀਜੇ ਵਨਡੇ ਵਿੱਚ ਜਾ ਕੇ ਟੀਮ ਇੰਡੀਆ ਦੀ ਕਿਸਮਤ ਬਦਲ ਗਈ ਹੈ।
ਰਾਹੁਲ ਨੇ ਕਿਹਾ: "ਬਹੁਤ ਖੁਸ਼ ਹਾਂ"
ਟਾਸ ਜਿੱਤਣ ਤੋਂ ਬਾਅਦ ਕਪਤਾਨ ਕੇ.ਐੱਲ. ਰਾਹੁਲ ਦੇ ਚਿਹਰੇ 'ਤੇ ਖੁਸ਼ੀ ਸਾਫ਼ ਦਿਖਾਈ ਦੇ ਰਹੀ ਸੀ। ਉਨ੍ਹਾਂ ਨੇ ਕਿਹਾ, "ਅਸੀਂ ਕੱਲ੍ਹ ਰਾਤ ਇੱਥੇ ਅਭਿਆਸ ਕੀਤਾ ਹੈ। ਕੋਚਾਂ ਵੱਲੋਂ 'ਤ੍ਰੇਲ' (dew) ਲਈ ਸਾਨੂੰ ਮਿਲਿਆ-ਜੁਲਿਆ ਪ੍ਰਤੀਕਰਮ ਮਿਲਿਆ ਹੈ"। ਰਾਹੁਲ ਨੇ ਅੱਗੇ ਕਿਹਾ ਕਿ ਪਿਛਲੇ ਰਿਕਾਰਡ ਨੂੰ ਦੇਖਦੇ ਹੋਏ ਉਹ ਪਹਿਲਾਂ ਗੇਂਦਬਾਜ਼ੀ ਕਰਨ ਬਾਰੇ ਸੋਚ ਰਹੇ ਸਨ।
ਰਾਹੁਲ ਨੇ ਟੀਮ ਦੇ ਪ੍ਰਦਰਸ਼ਨ 'ਤੇ ਸੰਤੁਸ਼ਟੀ ਜ਼ਾਹਰ ਕਰਦੇ ਹੋਏ ਕਿਹਾ, "ਪਿਛਲੇ ਮੈਚਾਂ ਵਿੱਚ ਹਾਲਾਤਾਂ ਅਤੇ ਸਾਡੀ ਟੀਮ ਦੀ ਲਾਈਨ-ਅੱਪ ਨੂੰ ਦੇਖਦੇ ਹੋਏ, ਮੈਨੂੰ ਲੱਗਦਾ ਹੈ ਕਿ ਅਸੀਂ ਅਸਲ ਵਿੱਚ ਵਧੀਆ ਪ੍ਰਦਰਸ਼ਨ ਕੀਤਾ ਹੈ। ਬਹੁਤ ਸਾਰੀਆਂ ਸਕਾਰਾਤਮਕ ਗੱਲਾਂ ਹਨ, ਜਿਸ ਤਰ੍ਹਾਂ ਅਸੀਂ ਗੇਂਦਬਾਜ਼ੀ ਅਤੇ ਬੱਲੇਬਾਜ਼ੀ ਕੀਤੀ ਹੈ, ਮੈਂ ਉਸ ਤੋਂ ਬਹੁਤ ਖੁਸ਼ ਹਾਂ"।
IND vs SA ਟੀ-20 ਸੀਰੀਜ਼ ਤੋਂ ਪਹਿਲਾਂ ਟੀਮ ਨੂੰ ਵੱਡਾ ਝਟਕਾ ! 2 ਧਾਕੜ ਪੂਰੀ ਸੀਰੀਜ਼ 'ਚੋਂ ਹੋਏ ਬਾਹਰ
NEXT STORY 
