ਲੰਡਨ : ਭਾਰਤੀ ਮੂਲ ਦੀ ਨੌਂ ਸਾਲਾ ਸਕੂਲੀ ਵਿਦਿਆਰਥਣ ਬੋਧਨਾ ਸ਼ਿਵਾਨੰਦਨ ਸ਼ਤਰੰਜ ਵਿੱਚ ਇਤਿਹਾਸ ਰਚਣ ਜਾ ਰਹੀ ਹੈ ਕਿਉਂਕਿ ਉਹ ਕਿਸੇ ਵੀ ਖੇਡ ਵਿੱਚ ਅੰਤਰਰਾਸ਼ਟਰੀ ਪੱਧਰ ’ਤੇ ਇੰਗਲੈਂਡ ਦੀ ਨੁਮਾਇੰਦਗੀ ਕਰਨ ਵਾਲੀ ਸਭ ਤੋਂ ਛੋਟੀ ਉਮਰ ਦੀ ਖਿਡਾਰਨ ਬਣ ਗਈ ਹੈ।
ਬੋਧਨਾ, ਜੋ ਹੈਰੋ, ਉੱਤਰ-ਪੱਛਮੀ ਲੰਡਨ ਦੀ ਰਹਿਣ ਵਾਲੀ ਹੈ, ਸਤੰਬਰ ਵਿੱਚ ਬੁਡਾਪੇਸਟ, ਹੰਗਰੀ ਵਿੱਚ ਹੋਣ ਵਾਲੇ ਸ਼ਤਰੰਜ ਓਲੰਪੀਆਡ ਵਿੱਚ ਇੰਗਲੈਂਡ ਦੀ ਮਹਿਲਾ ਟੀਮ ਦਾ ਹਿੱਸਾ ਹੋਵੇਗੀ। ਟੀਮ ਦੇ ਹੋਰ ਖਿਡਾਰੀਆਂ ਦੀ ਉਮਰ 20 ਸਾਲ ਤੋਂ ਵੱਧ ਹੈ। ਬੋਧਨਾ ਨੇ ਕਿਹਾ, 'ਮੈਨੂੰ ਇਸ ਗੱਲ ਦਾ ਪਤਾ ਉਦੋਂ ਲੱਗਾ ਜਦੋਂ ਮੇਰੇ ਪਿਤਾ ਨੇ ਮੈਨੂੰ ਕੱਲ੍ਹ ਸਕੂਲ ਤੋਂ ਵਾਪਸ ਆਉਣ ਤੋਂ ਬਾਅਦ ਦੱਸਿਆ। ਮੈਂ ਖੁਸ਼ ਸੀ। ਮੈਨੂੰ ਉਮੀਦ ਹੈ ਕਿ ਮੈਂ ਚੰਗਾ ਪ੍ਰਦਰਸ਼ਨ ਕਰਾਂਗੀ ਅਤੇ ਇਕ ਹੋਰ ਖਿਤਾਬ ਹਾਸਲ ਕਰਾਂਗੀ।
ਇੰਗਲੈਂਡ ਦੀ ਸ਼ਤਰੰਜ ਟੀਮ ਦੇ ਮੈਨੇਜਰ ਮੈਲਕਮ ਪੇਨ ਨੇ ਸਕੂਲ ਦੀ ਵਿਦਿਆਰਥਣ ਬੋਧਨਾ ਨੂੰ ਬ੍ਰਿਟਿਸ਼ ਸ਼ਤਰੰਜ ਦੀ ਸਭ ਤੋਂ ਅਨੋਖੀ ਪ੍ਰਤਿਭਾ ਵਿੱਚੋਂ ਇੱਕ ਦੱਸਿਆ ਹੈ ਜੋ ਉਨ੍ਹਾਂ ਨੇ ਕਦੇ ਨਹੀਂ ਦੇਖਿਆ ਹੈ। ਉਨ੍ਹਾਂ ਨੇ ਕਿਹਾ ਕਿ 'ਇਹ ਰੋਮਾਂਚਕ ਹੈ - ਉਹ ਹੁਣ ਤੱਕ ਦੇ ਸਰਬੋਤਮ ਬ੍ਰਿਟਿਸ਼ ਖਿਡਾਰੀਆਂ ਵਿੱਚੋਂ ਇੱਕ ਬਣਨ ਦੇ ਰਾਹ 'ਤੇ ਹੈ। ਬੋਧਨਾ ਦੇ ਪਿਤਾ ਸ਼ਿਵਾ ਸ਼ਿਵਨੰਦਨ ਨੇ ਕਿਹਾ ਕਿ ਉਹ ਅਜੇ ਵੀ ਹੈਰਾਨ ਹਨ ਕਿ ਉਨ੍ਹਾਂ ਦੀ ਬੇਟੀ ਨੂੰ ਇਹ ਹੁਨਰ ਕਿੱਥੋਂ ਮਿਲਿਆ। ਸ਼ਿਵਾ ਨੇ ਕਿਹਾ, 'ਮੈਂ ਇੰਜੀਨੀਅਰਿੰਗ ਗ੍ਰੈਜੂਏਟ ਹਾਂ, ਮੇਰੀ ਪਤਨੀ ਵੀ ਇੰਜੀਨੀਅਰਿੰਗ ਗ੍ਰੈਜੂਏਟ ਹੈ ਪਰ ਮੈਂ ਸ਼ਤਰੰਜ 'ਚ ਚੰਗਾ ਨਹੀਂ ਹਾਂ।'
ਬੋਧਨਾ ਨੇ ਸਭ ਤੋਂ ਪਹਿਲਾਂ ਮਹਾਂਮਾਰੀ ਦੇ ਦੌਰਾਨ ਲੌਕਡਾਊਨ ਵਿੱਚ ਸ਼ਤਰੰਜ ਖੇਡਣਾ ਸਿੱਖਿਆ ਜਦੋਂ ਸ਼ਿਵਾ ਦਾ ਦੋਸਤ ਭਾਰਤ ਵਾਪਸ ਜਾ ਰਿਹਾ ਸੀ ਅਤੇ ਉਸਨੇ ਉਨ੍ਹਾਂ ਨੂੰ ਕੁਝ ਬੈਗ ਦਿੱਤੇ ਜਿਸ ਵਿੱਚ ਇੱਕ ਸ਼ਤਰੰਜ ਬੋਰਡ ਵੀ ਸੀ। ਬੋਧਨਾ ਨੇ ਕਿਹਾ, 'ਮੈਨੂੰ ਮੋਹਰਿਆਂ ਵਿਚ ਦਿਲਚਸਪੀ ਸੀ ਇਸ ਲਈ ਮੈਂ ਖੇਡਣਾ ਸ਼ੁਰੂ ਕੀਤਾ।' ਪਿਛਲੇ ਦਸੰਬਰ ਵਿੱਚ, ਬੋਧਨਾ ਨੇ ਜ਼ਾਗਰੇਬ, ਕ੍ਰੋਏਸ਼ੀਆ ਵਿੱਚ ਯੂਰਪੀਅਨ ਬਲਿਟਜ਼ ਸ਼ਤਰੰਜ ਚੈਂਪੀਅਨਸ਼ਿਪ ਜਿੱਤੀ ਸੀ ਅਤੇ ਉਨ੍ਹਾਂ ਨੂੰ ਉਸ ਸਮੇਂ 'ਸੁਪਰ ਟੇਲੈਂਟਡ' ਕਰਾਰ ਦਿੱਤਾ ਗਿਆ ਸੀ।
'ਖ਼ੁਦਾ ਦਾ ਖ਼ੌਫ਼ ਕਰੋ' ਸਚਿਨ ਦੇ ਨਾਲ ਬਾਬਰ ਦੀ ਤੁਲਨਾ 'ਤੇ ਭੜਕ ਗਿਆ ਪਾਕਿਸਤਾਨੀ ਐਕਸਪਰਟ (ਵੇਖੋ ਵੀਡੀਓ)
NEXT STORY 
