ਸਪੋਰਟਸ ਡੈਸਕ- ਇੰਡੀਅਨ ਪ੍ਰੀਮੀਅਰ ਲੀਗ (IPL 2025) ਦੇ ਫਾਈਨਲ ਮੁਕਾਬਲੇ 'ਚ ਮੰਗਲਵਾਰ ਨੂੰ ਆਰਸੀਬੀ ਨੇ ਪੰਜਾਬ ਕਿੰਗਜ਼ ਨੂੰ 6 ਦੌੜਾਂ ਨਾਲ ਹਰਾ ਕੇ 18 ਸਾਲਾਂ ਬਾਅਦ ਆਈਪੀਐੱਲ ਖਿਤਾਬ 'ਤੇ ਆਪਣਾ ਕਬਜ਼ਾ ਕੀਤਾ ਹੈ। ਇਹ ਸੀਜ਼ਨ ਕਈ ਖਿਡਾਰੀਆਂ ਲਈ ਬੇਹੱਦ ਖਾਸ ਰਿਹਾ ਹੈ। ਉਨ੍ਹਾਂ ਨੂੰ ਇਸ ਲੀਗ ਨੇ ਵੱਖਰੀ ਪਛਾਣ ਦਿਵਾਈ ਹੈ। ਪਰ ਕੀ ਤੁਹਾਨੂੰ ਪਤਾ ਹੈ ਕਿ ਇਸ ਸੀਜ਼ਨ 'ਚ ਸਭ ਤੋਂ ਵੱਧ ਦੌੜਾਂ ਕਿਸ ਖਿਡਾਰੀ ਨੇ ਬਣਾਈਆਂ ਹਨ। ਯਾਨੀ ਇਸ ਸੀਜ਼ਨ ਆਰੇਂਜ ਕੈਪ 'ਤੇ ਕਿਸ ਖਿਡਾਰੀ ਦਾ ਕਬਜ਼ਾ ਰਿਹਾ।
ਸਾਈ ਸੁਦਰਸ਼ਨ ਦੇ ਸਿਰ ਸਜੀ ਆਰੇਂਜ ਕੈਪ
ਇਸ ਸੀਜ਼ਨ ਸਭ ਤੋਂ ਜ਼ਿਆਦਾ ਦੌੜਾਂ ਗੁਜਰਾਤ ਟਾਈਟਨਜ਼ ਦੇ ਬੱਲੇਬਾਜ਼ ਸਾਈ ਸੁਦਰਸ਼ਨ ਦੇ ਬੱਲੇ 'ਚੋਂ ਨਿਕਲੀਆਂ ਹਨ। ਸਾਈ ਸੁਦਰਸ਼ਨ ਨੇ ਇਸ ਸੀਜ਼ਨ 15 ਮੈਚਾਂ 'ਚ 759 ਦੌੜਾਂ ਬਣਾਈਆਂ ਹਨ। ਇਸ ਦੌਰਾਨ ਉਨ੍ਹਾਂ ਦੇ ਬੱਲੇ 'ਚੋਂ ਇਕ ਸੈਂਕੜਾ ਅਤੇ 6 ਅਰਧ ਸੈਂਕੜੇ ਨਿਕਲੇ ਹਨ। 21 ਛੱਕੇ ਅਤੇ 88 ਚੌਕੇ ਵੀ ਸਾਈ ਸੁਦਰਸ਼ਨ ਨੇ ਲਗਾਏ ਹਨ। ਦੱਸ ਦੇਈਏ ਕਿ ਸਾਈ ਸੁਦਰਸ਼ਨ ਨੂੰ ਉਨ੍ਹਾਂ ਦੀ ਇਸ ਫਾਰਮ ਨੂੰ ਦੇਖਦੇ ਹੋਏ ਇੰਗਲੈਂਡ ਦੌਰੇ ਲਈ ਵੀ ਟੀਮ 'ਚ ਸ਼ਾਮਲ ਕੀਤਾ ਗਿਆ ਹੈ।
ਇਹ ਹਨ ਇਸ ਸੀਜ਼ਨ ਦੇ ਟਾਪ-5 ਸਕੋਰਰ
ਇਸ ਸੀਜ਼ਨ ਵਿੱਚ ਸਭ ਤੋਂ ਵੱਧ ਦੌੜਾਂ ਬਣਾਉਣ ਵਾਲੇ ਖਿਡਾਰੀਆਂ ਦੀ ਗੱਲ ਕਰੀਏ ਤਾਂ ਸਭ ਤੋਂ ਪਹਿਲਾਂ ਸਾਈ ਸੁਦਰਸ਼ਨ ਦਾ ਨਾਮ ਆਉਂਦਾ ਹੈ। ਜਿਨ੍ਹਾਂ ਨੇ 15 ਮੈਚਾਂ ਵਿੱਚ 759 ਦੌੜਾਂ ਬਣਾਈਆਂ ਹਨ। ਮੁੰਬਈ ਇੰਡੀਅਨਜ਼ ਦੇ ਸੂਰਿਆਕੁਮਾਰ ਯਾਦਵ ਦੂਜੇ ਨੰਬਰ 'ਤੇ ਹਨ, ਜਿਨ੍ਹਾਂ ਨੇ 16 ਮੈਚਾਂ ਵਿੱਚ 717 ਦੌੜਾਂ ਬਣਾਈਆਂ। ਇਸ ਦੌਰਾਨ ਉਨ੍ਹਾਂ ਨੇ 5 ਅਰਧ ਸੈਂਕੜੇ ਬਣਾਏ। ਆਰਸੀਬੀ ਦੇ ਵਿਰਾਟ ਕੋਹਲੀ ਤੀਜੇ ਨੰਬਰ 'ਤੇ ਸਨ, ਜਿਨ੍ਹਾਂ ਨੇ 15 ਮੈਚਾਂ ਵਿੱਚ 657 ਦੌੜਾਂ ਬਣਾਈਆਂ। ਗੁਜਰਾਤ ਦੇ ਕਪਤਾਨ ਸ਼ੁਭਮਨ ਗਿੱਲ ਇਸ ਸੂਚੀ ਵਿੱਚ ਚੌਥੇ ਨੰਬਰ 'ਤੇ ਸਨ, ਜਿਨ੍ਹਾਂ ਨੇ 15 ਮੈਚਾਂ ਵਿੱਚ 650 ਦੌੜਾਂ ਬਣਾਈਆਂ। ਉਨ੍ਹਾਂ ਦੇ ਬੱਲੇ ਤੋਂ 6 ਅਰਧ ਸੈਂਕੜੇ ਆਏ। ਲਖਨਊ ਦੇ ਮਿਸ਼ੇਲ ਮਾਰਸ਼ ਸੂਚੀ ਵਿੱਚ ਪੰਜਵੇਂ ਨੰਬਰ 'ਤੇ ਸਨ, ਜਿਨ੍ਹਾਂ ਨੇ ਸਿਰਫ਼ 13 ਮੈਚਾਂ ਵਿੱਚ 627 ਦੌੜਾਂ ਬਣਾਈਆਂ। ਇਸ ਵਿੱਚ ਇੱਕ ਸੈਂਕੜਾ ਅਤੇ 6 ਅਰਧ ਸੈਂਕੜੇ ਸ਼ਾਮਲ ਸਨ।
IPL Final: ਮੈਚ ਵਿਚਕਾਰ ਹੀ ਰੋਣ ਲੱਗ ਪਏ ਵਿਰਾਟ ਕੋਹਲੀ, ਅਨੁਸ਼ਕਾ ਮੈਦਾਨ 'ਤੇ ਆਈ ਤਾਂ....
NEXT STORY 
