ਨਵੀਂ ਦਿੱਲੀ, (ਭਾਸ਼ਾ)- ਐਮੇਚਿਓਰ ਗੋਲਫ ਦੀ ਵਿਸ਼ਵ ਰੈਂਕਿੰਗ ਵਿਚ ਚੋਟੀ ਦੇ 50 ਵਿਚ ਸ਼ਾਮਲ ਇਕਲੌਤੀ ਭਾਰਤੀ ਅਵਨੀ ਪ੍ਰਸ਼ਾਂਤ ਲਈ ਅੰਤਰਰਾਸ਼ਟਰੀ ਟੂਰਨਾਮੈਂਟਾਂ ਵਿਚ ਦੇਸ਼ ਦੀ ਪ੍ਰਤੀਨਿਧਤਾ ਕਰਨਾ ਮਾਣ ਵਾਲੀ ਗੱਲ ਹੈ। 17 ਸਾਲਾ ਅਵਨੀ ਇਸ ਮਹੀਨੇ ਦੋ ਅੰਤਰਰਾਸ਼ਟਰੀ ਟੂਰਨਾਮੈਂਟਾਂ ਵਿੱਚ ਭਾਰਤ ਦੀ ਅਗਵਾਈ ਕਰੇਗੀ। ਉਹ ਦੱਖਣੀ ਗੋਲਫ ਕਲੱਬ ਵਿੱਚ 9 ਤੋਂ 12 ਜਨਵਰੀ ਤੱਕ ਸਾਲਾਨਾ ਆਸਟ੍ਰੇਲੀਅਨ ਮਾਸਟਰਜ਼ ਆਫ਼ ਐਮੇਚਿਓਰ ਚੈਂਪੀਅਨਸ਼ਿਪ ਵਿੱਚ ਹਿੱਸਾ ਲਵੇਗੀ। ਚਾਰ ਮੈਂਬਰੀ ਭਾਰਤੀ ਟੀਮ ਵਿੱਚ ਦੋ ਪੁਰਸ਼ ਅਤੇ ਦੋ ਮਹਿਲਾ ਖਿਡਾਰੀ ਸ਼ਾਮਲ ਹਨ।
ਇਹ ਵੀ ਪੜ੍ਹੋ : ਤੋਮਰ ਨੇ ਏਸ਼ੀਆਈ ਨਿਸ਼ਾਨੇਬਾਜ਼ੀ ਕੁਆਲੀਫਾਇਰ 'ਚ ਸੋਨ ਤਮਗਾ ਜਿੱਤ ਕੇ ਹਾਸਲ ਕੀਤਾ ਓਲੰਪਿਕ ਕੋਟਾ
ਇਸ ਤੋਂ ਬਾਅਦ ਇਹ ਚਾਰੇ ਖਿਡਾਰੀ 16 ਤੋਂ 19 ਜਨਵਰੀ 2024 ਤੱਕ ਹੋਣ ਵਾਲੀ ਆਸਟ੍ਰੇਲੀਅਨ ਐਮੇਚਿਓਰ ਚੈਂਪੀਅਨਸ਼ਿਪ 'ਚ ਖੇਡਣਗੇ।ਹੀਨਾ ਕੰਗ ਟੀਮ ਦੀ ਦੂਜੀ ਮਹਿਲਾ ਖਿਡਾਰਨ ਹੈ ਜਦਕਿ ਸੰਦੀਪ ਯਾਦਵ ਅਤੇ ਰੋਹਿਤ ਪੁਰਸ਼ ਵਰਗ 'ਚ ਚੁਣੌਤੀ ਪੇਸ਼ ਕਰਨਗੇ। ਭਾਰਤੀ ਟੀਮ ਦੀ ਸਭ ਤੋਂ ਛੋਟੀ ਉਮਰ ਦੀ ਖਿਡਾਰਨ ਅਵਨੀ ਨੇ ਇਨ੍ਹਾਂ ਟੂਰਨਾਮੈਂਟਾਂ ਵਿੱਚ ਹਿੱਸਾ ਲੈਣ ਲਈ ਪੇਸ਼ੇਵਰ ਬਣਨ ਦੀਆਂ ਆਪਣੀਆਂ ਯੋਜਨਾਵਾਂ ਨੂੰ ਰੋਕਣ ਦਾ ਫੈਸਲਾ ਕੀਤਾ ਹੈ।
ਇਹ ਵੀ ਪੜ੍ਹੋ : ਅਫਗਾਨਿਸਤਾਨ ਦੀ ਕ੍ਰਿਕਟ ਟੀਮ ਪਹੁੰਚੀ ਚੰਡੀਗੜ੍ਹ, 11 ਜਨਵਰੀ ਨੂੰ ਮੋਹਾਲੀ ‘ਚ ਭਾਰਤ ਨਾਲ ਹੋਵੇਗਾ ਟੀ-20 ਮੈਚ
ਐਮੇਚਿਓਰ ਵਰਗ 'ਚ ਦੋ ਵਾਰ ਦੀ ਰਾਸ਼ਟਰੀ ਚੈਂਪੀਅਨ ਅਵਨੀ ਨੇ ਕਿਹਾ, ''ਭਾਰਤ ਲਈ ਖੇਡਣਾ ਹਮੇਸ਼ਾ ਸਨਮਾਨ ਦੀ ਗੱਲ ਹੈ। 2023 'ਚ ਮੈਂ ਕੁਝ ਚੰਗੇ ਨਤੀਜੇ ਹਾਸਲ ਕਰਨ 'ਚ ਕਾਮਯਾਬ ਰਹੀ।'' ਉਸ ਨੇ ਕਿਹਾ, ''ਮੇਰਾ ਲੰਬੇ ਸਮੇਂ ਦਾ ਟੀਚਾ ਪੇਸ਼ੇਵਰ ਗੋਲਫ ਖੇਡਣਾ ਹੈ ਪਰ ਫਿਲਹਾਲ ਆਸਟ੍ਰੇਲੀਆ 'ਚ ਹੋਣ ਵਾਲੇ ਦੋਵੇਂ ਈਵੈਂਟ ਬਹੁਤ ਹੀ ਵੱਕਾਰੀ ਹਨ। ਮੇਰਾ ਪੂਰਾ ਧਿਆਨ ਇਸ ਪਾਸੇ ਹੈ। ਉਮੀਦ ਹੈ ਕਿ ਇਹ ਸਾਲ ਮੇਰੇ ਲਈ ਪਿਛਲੇ ਸਾਲ ਨਾਲੋਂ ਬਿਹਤਰ ਰਹੇਗਾ।''
ਜਗਬਾਣੀ ਈ-ਪੇਪਰ ਨੂੰ ਪੜ੍ਹਨ ਅਤੇ ਐਪ ਨੂੰ ਡਾਊਨਲੋਡ ਕਰਨ ਲਈ ਇੱਥੇ ਕਲਿੱਕ ਕਰੋ
For Android:- https://play.google.com/store/apps/details?id=com.jagbani&hl=en
For IOS:- https://itunes.apple.com/in/app/id538323711?mt=8
ਨੋਟ - ਇਸ ਖ਼ਬਰ ਬਾਰੇ ਕੁਮੈਂਟ ਬਾਕਸ ਵਿਚ ਦਿਓ ਆਪਣੀ ਰਾਏ।
ਯੂਨਾਈਟਿਡ ਕੱਪ 'ਚ ਪ੍ਰਦਰਸ਼ਨ ਤੋਂ ਬਾਅਦ ਚੋਟੀ ਦੇ 10 'ਚ ਅਲੈਕਸ ਡੀ ਮਿਨੌਰ
NEXT STORY 
