ਸਪੋਰਟਸ ਡੈਸਕ— ਭਾਰਤ ਤੇ ਇੰਗਲੈਂਡ ਵਿਚਾਲੇ ਚਾਰ ਮੈਚਾਂ ਦੀ ਸੀਰੀਜ਼ ਦਾ ਪਹਿਲਾ ਟੈਸਟ 5 ਫ਼ਰਵਰੀ ਤੋਂ ਖੇਡਿਆ ਜਾਵੇਗਾ। ਇਸ ਤੋਂ ਪਹਿਲਾਂ ਇੰਗਲੈਂਡ ਦੇ ਵਿਕਟਕੀਪਰ ਬੱਲੇਬਾਜ਼ ਜੋਸ ਬਟਲਰ ਨੇ ਕਿਹਾ ਕਿ ਚੇਨਈ ’ਚ ਚਾਰ ਸਾਲ ਪਹਿਲਾਂ ਖੇਡਿਆ ਗਿਆ ਮੈਚ ਸਾਡੇ ਲਈ ਵੱਡਾ ਸਬਕ ਸੀ। ਇੰਗਲੈਂਡ ਦਸੰਬਰ 2016 ’ਚ ਚੇਨਈ ’ਚ ਸੀਰੀਜ਼ ਦੇ ਆਖ਼ਰੀ ਟੈਸਟ ’ਚ 3-0 ਨਾਲ ਪਿੱਛੇ ਸੀ। ਉਨ੍ਹਾਂ ਨੂੰ ਲੱਗਾ ਕਿ ਪਹਿਲੀ ਪਾਰੀ ’ਚ 447 ਦੌੜਾਂ ਕਾਫ਼ੀ ਹੋਣਗੀਆਂ ਪਰ ਭਾਰਤ ਨੇ ਜਵਾਬ ’ਚ 7 ਵਿਕਟ ਗੁਆ ਕੇ 759 ਦੌੜਾਂ ’ਤੇ ਪਾਰੀ ਐਲਾਨੀ ਤੇ ਉਹ ਉਸ ਮੈਚ ਨੂੰ ਪਾਰੀ ਤੇ 75 ਦੌੜਾਂ ਨਾਲ ਹਾਰ ਗਏ।
ਇਹ ਵੀ ਪੜ੍ਹੋ : ਪੂਰਨ ਨੇ ਲਾਈ ਛੱਕਿਆਂ ਦੀ ਬੌਛਾਰ, 26 ਗੇਂਦਾਂ ’ਚ 89 ਦੌੜਾਂ ਬਣਾ ਕੇ ਨਾਰਦਨ ਵਾਰੀਅਰਸ ਨੂੰ ਦਿਵਾਈ ਜਿੱਤ
ਬਟਲਰ ਨੇ ਮੀਡੀਆ ਨਾਲ ਗੱਲਬਾਤ ਦੌਰਾਨ ਕਿਹਾ, ਮੈਨੂੰ ਪਤਾ ਹੈ, ਮੈਂ ਚਾਰ ਸਾਲ ਪਹਿਲਾਂ ਚੇਨਈ ’ਚ ਖੇਡਿਆ ਸੀ ਇਹ ਸਾਡੇ ਲਈ ਇਕ ਵੱਡਾ ਸਬਕ ਸੀ ਕਿ ਭਾਰਤ ’ਚ ਪਹਿਲੀ ਪਾਰੀ ’ਚ ਕਿੰਨਾ ਸਕੋਰ ਹੋ ਸਕਦਾ ਹੈ। ਉਨ੍ਹਾਂ ਕਿਹਾ, ਇੰਗਲੈਂਡ ’ਚ ਪਹਿਲੀ ਇਨਿੰਗ ’ਚ 300-350 ਵੱਡਾ ਸਕੋਰ ਹੁੰਦਾ ਹੈ, ਭਾਰਤ ’ਚ ਜੇਕਰ ਵਿਕਟ ਚੰਗਾ ਹੈ ਤਾਂ 600 ਦੌੜਾਂ ਬਣਾਉਣੀਆਂ ਹੋਣਗੀਆਂ। ਇਸ ਦੇ ਉਲਟ, ਜੇਕਰ ਗੇਂਦ ਘੁੰਮ ਰਹੀ ਹੈ ਤੇ ਪਿੱਚ ਸਪਿਨ ਦਾ ਸਮਰਥਨ ਕਰ ਰਹੀ ਹੈ ਤਾਂ ਇਹ ਉਸ ਤੋਂ ਕਾਫ਼ੀ ਘੱਟ ਹੋ ਸਕਦਾ ਹੈ।
ਇਹ ਵੀ ਪੜ੍ਹੋ : ਵਿਰਾਟ-ਅਨੁਸ਼ਕਾ ਨੇ ਸਾਂਝੀ ਕੀਤੀ ਧੀ ਦੀ ਪਹਿਲੀ ਤਸਵੀਰ, ਰੱਖਿਆ ਇਹ ਨਾਮ
ਇਸ ਵਿਕਟਕੀਪਰ ਬੱਲੇਬਾਜ਼ ਨੇ ਕਿਹਾ, ਇਹ ਹਾਲਾਤਾਂ ਦੇ ਢੁਕਵੇਂ ਹੋਣ ਤੇ ਉਸ ਮੁਤਾਬਕ ਖੇਡਣ ਦੇ ਬਾਰੇ ’ਚ ਹੈ। ਕਈ ਵਾਰ ਗੇਂਦ ਸੀਮ ਤੇ ਸਵਿੰਗ ਹੋਈ। ਉਦਾਹਰਨ ਲਈ ਇਕ ਵੱਡੀ ਪਹਿਲੀ ਪਾਰੀ ਦਾ ਸਕੋਰ 300 ਹੋ ਸਕਦਾ ਹੈ। ਜਦੋਂ ਅਸੀਂ ਭਾਰਤ ’ਚ ਖੇਡਦੇ ਹਾਂ, ਜੇਕਰ ਅਸੀਂ ਆਪਣੇ ਪਹਿਲੇ 2 ਦਿਨਾਂ ’ਚ ਸ਼ਾਨਦਾਰ ਬੱਲੇਬਾਜ਼ੀ ਕਰਦੇ ਹਾਂ, ਤਾਂ ਚੰਗਾ ਸਕੋਰ 600 ਜਾਂ 650 ਹੋਵੇਗਾ। ਮੈਨੂੰ ਲਗਦਾ ਹੈ ਕਿ ਬੱਲੇਬਾਜ਼ ਤੇ ਬੱਲੇਬਾਜ਼ੀ ਟੀਮ ਦੇ ਰੂਪ ’ਚ ਅਹਿਸਾਸ ਤੇ ਸਮਝ ਤੇ ਹੋਰ ਅੱਗੇ ਵਧਣ ਤੇ ਵੱਡੇ ਸਕੋਰ ਬਣਾਉਣ ਦੀ ਭੁੱਖ ਜਿੱਤ ਦੀ ਚਾਬੀ ਹੈ।
ਨੋਟ : ਇਸ ਖ਼ਬਰ ਬਾਰੇ ਕੀ ਹੈ ਤੁਹਾਡੀ ਰਾਏ। ਕੁਮੈਂਟ ਕਰਕੇ ਦਿਓ ਜਵਾਬ।
ਪੂਰਨ ਨੇ ਲਾਈ ਛੱਕਿਆਂ ਦੀ ਬੌਛਾਰ, 26 ਗੇਂਦਾਂ ’ਚ 89 ਦੌੜਾਂ ਬਣਾ ਕੇ ਨਾਰਦਨ ਵਾਰੀਅਰਸ ਨੂੰ ਦਿਵਾਈ ਜਿੱਤ
NEXT STORY