ਦੁਬਈ : ਕਿੰਗਜ਼ ਇਲੈਵਨ ਪੰਜਾਬ ਦੇ ਬੱਲੇਬਾਜ਼ ਮਨਦੀਪ ਸਿੰਘ ਦੇ ਪਿਤਾ ਹਰਦੇਵ ਸਿੰਘ ਦਾ ਸ਼ੁੱਕਰਵਾਰ ਰਾਤ ਨੂੰ ਦਿਹਾਂਤ ਹੋ ਗਿਆ ਸੀ ਇਸ ਕਾਰਨ ਉਨ੍ਹਾਂ ਦੀ ਟੀਮ ਦੇ ਖਿਡਾਰੀ ਸ਼ਰਧਾਂਜਲੀ ਦੇਣ ਲਈ ਸ਼ਨੀਵਾਰ ਨੂੰ ਸਨਰਾਈਜ਼ਰਸ ਹੈਦਰਾਬਾਦ ਖ਼ਿਲਾਫ਼ ਮੈਚ ਵਿਚ ਬਾਂਹ 'ਤੇ ਕਾਲੀ ਪੱਟੀ ਬੰਨ ਕੇ ਉਤਰੇ ਸਨ।
ਕਿੰਗਜ਼ ਇਲੈਵਨ ਪੰਜਾਬ ਦੀ ਟੀਮ ਨੇ ਆਪਣੇ ਟਵਿਟਰ ਹੈਂਡਲ 'ਤੇ ਲਿਖਿਆ, 'ਆਪਣੇ ਪਿਤਾ ਨੂੰ ਪਿਛਲੀ ਰਾਤ ਗੁਆ ਦਿੱਤਾ, ਪਰ ਅਗਲੇ ਦਿਨ ਪਾਰੀ ਦੀ ਸ਼ੁਰੂਆਤ ਕਰਨ ਨੂੰ ਤਿਆਰ। ਤੁਹਾਨੂੰ ਬਹੁਤ ਅੱਗੇ ਜਾਣਾ ਹੈ ਮੈਂਡੀ (ਮਨਦੀਪ)।'
ਭਾਰਤ ਦੇ ਸਾਬਕਾ ਸਲਾਮੀ ਬੱਲੇਬਾਜ਼ ਆਕਾਸ਼ ਚੋਪੜਾ ਨੇ ਲਿਖਿਆ, 'ਮਨਦੀਪ ਸਿੰਘ ਅੱਜ ਦੇ ਮੈਚ ਵਿਚ ਖੇਡਣ ਉਤਰੇ, ਕਾਫੀ ਬਹਾਦੁਰ ਹਨ। ਪਿਤਾ ਨੂੰ ਗੁਆ ਦਿੱਤਾ। ਫਿਰ ਵੀ ਉਹ ਇੱਥੇ ਬਹਾਦੁਰੀ ਨਾਲ ਖੜ੍ਹੇ ਹਨ। ਤੁਹਾਨੂੰ ਅਤੇ ਤੁਹਾਡੇ ਪਰਿਵਾਰ ਨੂੰ ਮਜ਼ਬੂਤੀ ਮਿਲੇ।'
ਮਨਦੀਪ ਨੂੰ ਸ਼ਨੀਵਾਰ ਵਾਲੇ ਮੈਚ ਵਿਚ ਮਯੰਕ ਅੱਗਰਵਾਲ ਦੇ ਸਥਾਨ 'ਤੇ ਟੀਮ ਵਿਚ ਸ਼ਾਮਲ ਕੀਤਾ ਗਿਆ ਹੈ। ਉਹ ਇਸ ਤੋਂ ਪਹਿਲਾਂ 3 ਮੈਚ ਖੇਡ ਚੁੱਕੇ ਹਨ ਪਰ ਜ਼ਿਆਦਾ ਪ੍ਰਭਾਵਿਤ ਨਹੀਂ ਕਰ ਸਕੇ ਸਨ। ਪਿਛਲੀਆਂ 3 ਪਾਰੀਆਂ ਵਿਚ ਉਨ੍ਹਾਂ ਨੇ 27, 6 ਅਤੇ ਜ਼ੀਰੋ ਦਾ ਸਕੋਰ ਬਣਾਇਆ ਸੀ। ਇਸ ਵਿਚ ਉਨ੍ਹਾਂ ਨੇ 14 ਗੇਂਦਾਂ 'ਤੇ 17 ਦੌੜਾਂ ਬਣਾਈਆਂ।
IPL 2020 : ਅੱਜ ਬੈਂਗਲੁਰੂ ਦਾ ਚੇਨਈ ਅਤੇ ਰਾਜਸਥਾਨ ਦਾ ਮੁੰਬਈ ਨਾਲ ਹੋਵੇਗਾ ਮੁਕਾਬਲਾ
NEXT STORY 
