ਮੁੰਬਈ, (ਭਾਸ਼ਾ) ਲਖਨਊ ਸੁਪਰ ਜਾਇੰਟਸ ਦੇ ਸਹਾਇਕ ਕੋਚ ਲਾਂਸ ਕਲੂਜ਼ਨਰ ਨੇ ਕਿਹਾ ਕਿ ਟੀਮ ਦੇ ਕਪਤਾਨ ਕੇਐਲ ਰਾਹੁਲ ਭਾਵੇਂ ਥੋੜ੍ਹਾ ਨਿਰਾਸ਼ ਹੋ ਸਕਦੇ ਹਨ ਪਰ ਉਸ ਨੇ ਬੱਲੇ ਨਾਲ ਬਿਲਕੁਲ ਵੀ ਮਾੜਾ ਪ੍ਰਦਰਸ਼ਨ ਨਹੀਂ ਕੀਤਾ ਹੈ ਕਿਉਂਕਿ ਉਹ ਵਿਕਟਾਂ ਦੇ ਡਿੱਗਣ ਕਾਰਨ ਆਪਣੇ ਹਮਲਾਵਰਤਾ 'ਤੇ ਲਗਾਮ ਲਗਾਉਣ ਲਈ ਮਜਬੂਰ ਹੋਇਆ ਹੈ। ਰਾਹੁਲ ਆਪਣੀ ਸਟ੍ਰਾਈਕ ਰੇਟ ਕਾਰਨ ਸੁਰਖੀਆਂ 'ਚ ਰਹੇ ਹਨ ਅਤੇ ਉਹ 13 ਮੈਚਾਂ 'ਚ 136.36 ਦੀ ਸਟ੍ਰਾਈਕ ਰੇਟ ਨਾਲ ਤਿੰਨ ਅਰਧ ਸੈਂਕੜਿਆਂ ਦੀ ਮਦਦ ਨਾਲ 465 ਦੌੜਾਂ ਬਣਾ ਕੇ ਇਸ ਸੀਜ਼ਨ 'ਚ ਸੱਤਵੇਂ ਸਭ ਤੋਂ ਵੱਧ ਦੌੜਾਂ ਬਣਾਉਣ ਵਾਲੇ ਬੱਲੇਬਾਜ਼ ਹਨ। ਪਰ ਫਿਰ ਵੀ ਲਖਨਊ ਸੁਪਰ ਜਾਇੰਟਸ ਦੀ ਟੀਮ ਪਲੇਆਫ ਦੀ ਦੌੜ ਤੋਂ ਬਾਹਰ ਹੋਣ ਦੀ ਕਗਾਰ 'ਤੇ ਹੈ।
ਸ਼ੁੱਕਰਵਾਰ ਨੂੰ ਸੱਤਵੇਂ ਸਥਾਨ ਦੀ ਲਖਨਊ ਦੀ ਟੀਮ ਦਾ ਸਾਹਮਣਾ ਮੁੰਬਈ ਇੰਡੀਅਨਜ਼ ਨਾਲ ਹੋਵੇਗਾ, ਜੋ ਦੋਵਾਂ ਟੀਮਾਂ ਦਾ ਇਸ ਆਈਪੀਐੱਲ ਦਾ ਆਖਰੀ ਗਰੁੱਪ ਮੈਚ ਹੋਵੇਗਾ। ਵੀਰਵਾਰ ਨੂੰ ਇੱਥੇ ਵਾਨਖੇੜੇ ਸਟੇਡੀਅਮ 'ਚ ਲਖਨਊ ਸੁਪਰ ਜਾਇੰਟਸ ਦੇ ਟਰੇਨਿੰਗ ਸੈਸ਼ਨ ਦੌਰਾਨ ਕਲੂਜ਼ਨਰ ਨੇ ਮੀਡੀਆ ਨੂੰ ਕਿਹਾ, ''ਉਸ ਨੇ ਟੂਰਨਾਮੈਂਟ ਦੌਰਾਨ ਕੁਝ ਸ਼ਾਨਦਾਰ ਪ੍ਰਦਰਸ਼ਨ ਕੀਤਾ ਹੈ। ਕਈ ਵਾਰ ਉਸ ਨੂੰ ਪਾਰੀ ਨੂੰ ਪਾਲਿਸ਼ ਕਰਨਾ ਪਿਆ ਕਿਉਂਕਿ ਅਸੀਂ ਬਹੁਤ ਸਾਰੀਆਂ ਵਿਕਟਾਂ ਗੁਆ ਦਿੱਤੀਆਂ। ਅਸੀਂ ਉਸ ਨੂੰ ਆਪਣੀ ਕੁਦਰਤੀ ਖੇਡ ਖੇਡਣ ਨਹੀਂ ਦਿੱਤੀ।
ਉਨ੍ਹਾਂ ਦਾ ਜਵਾਬ ਇਕ ਸਵਾਲ 'ਤੇ ਆਇਆ ਕਿ ਕੀ ਰਾਹੁਲ 'ਤੇ ਕਪਤਾਨੀ ਦੀ ਭੂਮਿਕਾ ਅਤੇ ਦੌੜਾਂ ਬਣਾਉਣ ਦਾ ਬੋਝ ਹੈ? ਉਸ ਨੇ ਕਿਹਾ, ''ਬੈਠ ਕੇ ਇਹ ਸੋਚਣਾ ਆਸਾਨ ਹੈ ਕਿ ਉਸ ਨੇ ਟੂਰਨਾਮੈਂਟ 'ਚ ਇੰਨਾ ਵਧੀਆ ਪ੍ਰਦਰਸ਼ਨ ਨਹੀਂ ਕੀਤਾ। ਪਰ ਜੇਕਰ ਤੁਸੀਂ ਉਸ ਦੀਆਂ ਦੌੜਾਂ 'ਤੇ ਨਜ਼ਰ ਮਾਰੋ, ਤਾਂ ਉਹ ਅਸਲ ਵਿੱਚ ਇੰਨੇ ਮਾੜੇ ਨਹੀਂ ਹਨ ਕਿਉਂਕਿ ਤੁਹਾਨੂੰ ਉਨ੍ਹਾਂ ਹਾਲਾਤਾਂ ਨੂੰ ਵੀ ਦੇਖਣਾ ਹੋਵੇਗਾ ਜਿਸ ਵਿੱਚ ਉਸ ਨੂੰ ਬੱਲੇਬਾਜ਼ੀ ਕਰਨੀ ਪਈ।
ਛੇਤਰੀ ਆਪਣੀ ਸਖ਼ਤ ਮਿਹਨਤ, ਜਨੂੰਨ ਅਤੇ ਕੁਸ਼ਲਤਾ ਕਾਰਨ ਦੂਜੇ ਖਿਡਾਰੀਆਂ ਨਾਲੋਂ ਵੱਖਰਾ : ਭੂਟੀਆ
NEXT STORY 
