ਮੁੰਬਈ, (ਭਾਸ਼ਾ)- ਦਿੱਗਜ ਭਾਰਤੀ ਬੱਲੇਬਾਜ਼ ਵਿਰਾਟ ਕੋਹਲੀ ਨੇ ਸ਼੍ਰੀਲੰਕਾ ਖਿਲਾਫ ਵੀਰਵਾਰ ਨੂੰ ਵਿਸ਼ਵ ਕੱਪ ਦੇ ਮੈਚ 'ਚ ਮਾਸਟਰ ਬਲਾਸਟਰ ਸਚਿਨ ਤੇਂਦੁਲਕਰ ਦੇ ਇਕ ਕੈਲੰਡਰ ਸਾਲ 'ਚ ਸਭ ਤੋਂ ਵੱਧ 1000 ਦੌੜਾਂ ਬਣਾਉਣ ਦੇ ਰਿਕਾਰਡ ਨੂੰ ਪਿੱਛੇ ਛੱਡ ਦਿੱਤਾ। ਤੇਂਦੁਲਕਰ ਨੇ ਇੱਕ ਕੈਲੰਡਰ ਸਾਲ ਵਿੱਚ ਸੱਤ ਵਾਰ ਵਨਡੇ ਵਿੱਚ 1000 ਤੋਂ ਵੱਧ ਦੌੜਾਂ ਬਣਾਈਆਂ ਹਨ ਜਦਕਿ ਕੋਹਲੀ ਨੇ ਅੱਠਵੀਂ ਵਾਰ ਇਹ ਉਪਲਬਧੀ ਹਾਸਲ ਕੀਤੀ ਹੈ।
ਇਹ ਵੀ ਪੜ੍ਹੋ : ਵਨਡੇ ਰੈਂਕਿੰਗ 'ਚ ਨੰਬਰ 1 ਬਣੇ ਸ਼ਾਹੀਨ ਅਫਰੀਦੀ, ਸਭ ਤੋਂ ਤੇਜ਼ 100 ਵਿਕਟਾਂ ਲੈਣ ਦਾ ਮਿਲਿਆ ਫਾਇਦਾ
ਇਸ ਮੈਚ ਤੋਂ ਪਹਿਲਾਂ ਇਸ ਸਾਲ ਕੋਹਲੀ ਦੇ ਨਾਂ 966 ਦੌੜਾਂ ਸਨ। ਉਹ 94 ਗੇਂਦਾਂ ਵਿੱਚ 88 ਦੌੜਾਂ ਬਣਾ ਕੇ ਆਊਟ ਹੋ ਗਏ। ਸ਼੍ਰੀਲੰਕਾ ਦੇ ਖਿਲਾਫ ਮੈਚ 'ਚ 11 ਓਵਰਾਂ 'ਚ ਮਹਿਸ਼ ਤੀਕਸ਼ਾਨਾ ਦੇ ਖਿਲਾਫ ਇਕ ਦੌੜ ਲੈ ਕੇ ਕੋਹਲੀ ਨੇ ਮੌਜੂਦਾ ਸਾਲ 'ਚ 23 ਮੈਚਾਂ 'ਚ 1000 ਦੌੜਾਂ ਦਾ ਅੰਕੜਾ ਛੂਹ ਲਿਆ।
ਇਹ ਵੀ ਪੜ੍ਹੋ : CWC 2023 : ਦੱਖਣੀ ਅਫਰੀਕਾ ਨੇ ਨਿਊਜ਼ੀਲੈਂਡ ਨੂੰ 190 ਦੌੜਾਂ ਨਾਲ ਦਿੱਤੀ ਕਰਾਰੀ ਹਾਰ
ਤੇਂਦੁਲਕਰ ਨੇ ਸਾਲ 1994, 1996, 1997, 1998, 2000, 2003 ਅਤੇ 2007 ਵਿੱਚ ਵਨਡੇ ਕ੍ਰਿਕਟ ਵਿੱਚ 1000 ਤੋਂ ਵੱਧ ਦੌੜਾਂ ਬਣਾਈਆਂ ਸਨ, ਜਦਕਿ ਕੋਹਲੀ ਨੇ 2011, 2012, 2013, 2014, 2017, 2018, 2019, 2023 ਵਿੱਚ ਇਹ ਉਪਲਬਧੀ ਹਾਸਲ ਕੀਤੀ। ਕੋਹਲੀ ਹਾਲਾਂਕਿ ਵਨਡੇ 'ਚ ਤੇਂਦੁਲਕਰ ਦੇ 49 ਸੈਂਕੜਿਆਂ ਦੇ ਰਿਕਾਰਡ ਦੀ ਬਰਾਬਰੀ ਕਰਨ ਤੋਂ ਖੁੰਝ ਗਿਆ। ਉਹ 94 ਗੇਂਦਾਂ ਵਿੱਚ 88 ਦੌੜਾਂ ਬਣਾ ਕੇ ਆਊਟ ਹੋ ਗਏ। ਉਸ ਦੇ ਨਾਂ 288 ਵਨਡੇ ਮੈਚਾਂ 'ਚ 48 ਸੈਂਕੜੇ ਹਨ ਜਦਕਿ ਤੇਂਦੁਲਕਰ ਨੇ 463 ਵਨਡੇ ਮੈਚਾਂ 'ਚ 49 ਸੈਂਕੜੇ ਲਗਾਏ ਹਨ।
ਜਗਬਾਣੀ ਈ-ਪੇਪਰ ਨੂੰ ਪੜ੍ਹਨ ਅਤੇ ਐਪ ਨੂੰ ਡਾਊਨਲੋਡ ਕਰਨ ਲਈ ਇੱਥੇ ਕਲਿੱਕ ਕਰੋ
For Android:-
https://play.google.com/store/apps/details?id=com.jagbani&hl=en&pli=1
For IOS:-
https://apps.apple.com/in/app/id538323711
ਨੋਟ : ਇਸ ਖ਼ਬਰ ਬਾਰੇ ਕੀ ਹੈ ਤੁਹਾਡੀ ਰਾਏ, ਕੁਮੈਂਟ ਕਰਕੇ ਦਿਓ ਜਵਾਬ
ਸੈਮੀਫਾਈਨਲ 'ਚ ਪਹੁੰਚਣ ਤੋਂ ਅਸੀਂ ਦੋ ਜਿੱਤਾਂ ਦੂਰ : ਫਿਲਿਪਸ
NEXT STORY 
