ਸਪੋਰਟਸ ਡੈਸਕ- 53 ਸਾਲਾ ਸਾਬਕਾ ਬੰਧੂਆ ਮਜ਼ਦੂਰ ਅਤੇ ਦੂਜੀ ਪੀੜ੍ਹੀ ਦੇ ਠੇਕਾ ਸਫ਼ਾਈ ਕਰਮਚਾਰੀ ਕੁਕੂ ਰਾਮ ਥਾਈਲੈਂਡ ਵਿੱਚ ਮਿਸਟਰ ਵਰਲਡ ਚੈਂਪੀਅਨਸ਼ਿਪ ਵਿੱਚ ਬਾਡੀ ਬਿਲਡਿੰਗ ਵਿੱਚ ਦੇਸ਼ ਲਈ ਸੋਨ ਤਮਗਾ ਲੈ ਕੇ ਵਾਪਸ ਪਰਤੇ ਹਨ, ਜਦੋਂ ਕਿ ਰਾਜਪੁਰਾ ਦੇ ਉਨ੍ਹਾਂ ਦੇ ਚੇਲੇ ਅਤੇ ਸਾਥੀ ਮੁਕੇਸ਼ ਕੁਮਾਰ ਨੇ ਚਾਂਦੀ ਦਾ ਤਮਗਾ ਜਿੱਤਿਆ। ਦੱਸ ਦੇਈਏ ਕਿ ਕੁਕੂ ਰਾਮ ਪਟਿਆਲਾ ਦੀ ਕੋਰਟ ਵਿਚ ਸਫਾਈ ਕਰਮਚਾਰੀ ਵਜੋਂ ਸਿਰਫ਼ 9000 ਰੁਪਏ ਕਮਾਉਂਦੇ ਹਨ।
ਇਹ ਵੀ ਪੜ੍ਹੋ: ਚੀਨ 'ਚ ਕੋਰੋਨਾ ਵਿਸਫੋਟ, ਹਸਪਤਾਲ ਤੋਂ ਆਈਆਂ ਖ਼ੌਫਨਾਕ ਤਸਵੀਰਾਂ, ਕੁਰਸੀਆਂ 'ਤੇ ਆਕਸੀਜਨ ਲੈ ਰਹੇ ਮਰੀਜ਼
39ਵੀਂ ਐੱਨ.ਬੀ.ਬੀ.ਯੂ.ਆਈ. (ਨੈਚੁਰਲ ਬਾਡੀ ਬਿਲਡਿੰਗ ਯੂਨੀਅਨ ਇੰਟਰਨੈਸ਼ਨਲ) ਮਿਸਟਰ ਐਂਡ ਮਿਸ ਵਰਲਡ ਬਾਡੀ ਬਿਲਡਿੰਗ ਚੈਂਪੀਅਨਸ਼ਿਪ 2022 ਦਾ ਆਯੋਜਨ 17 ਤੋਂ 18 ਦਸੰਬਰ ਤੱਕ ਪੱਟਯਾ ਦੇ ਥਾਈ ਰਿਜ਼ੋਰਟ ਵਿੱਚ ਕੀਤਾ ਗਿਆ ਸੀ, ਜਿੱਥੇ ਉਨ੍ਹਾਂ ਨੇ 50 ਤੋਂ ਵੱਧ ਵਰਗ ਵਿੱਚ ਅਤੇ ਮੁਕੇਸ਼ ਨੇ 40 ਤੋਂ ਵੱਧ ਵਰਗ ਵਿੱਚ ਮੁਕਾਬਲਾ ਕੀਤਾ। ਕੁਕੂ ਨੇ 3,000 ਰੁਪਏ ਦਾ ਕਰਜ਼ਾ ਮੋੜਨ ਲਈ 6 ਸਾਲਾਂ ਲਈ ਪਟਿਆਲਾ ਵਿੱਚ ਇੱਕ ਡੇਅਰੀ ਫਾਰਮਰ ਦਾ ਬੰਧੂਆ ਮਜ਼ਦੂਰ ਬਣਨ ਲਈ ਸਕੂਲ ਛੱਡ ਦਿੱਤਾ ਸੀ ਅਤੇ ਬਾਅਦ ਵਿੱਚ ਗੁਜ਼ਾਰੇ ਲਈ ਰਿਕਸ਼ਾ ਚਲਾਇਆ।
ਇਹ ਵੀ ਪੜ੍ਹੋ: ਅਮਰੀਕਾ ਨੇ ਤੋੜ ਦਿੱਤੇ ਰਿਕਾਰਡ, 1 ਲੱਖ 25 ਹਜ਼ਾਰ ਭਾਰਤੀ ਵਿਦਿਆਰਥੀਆਂ ਨੂੰ ਦਿੱਤੀ ਵੱਡੀ ਖ਼ੁਸ਼ਖ਼ਬਰੀ
ਲੋਕਲ ਬਾਡੀਜ਼ ਨੇ ਉਨ੍ਹਾਂ ਨੂੰ 15 ਸਾਲ ਤੋਂ ਵੱਧ ਸਮੇਂ ਤੱਕ ਸਫਾਈ ਕਰਮਚਾਰੀ ਦੇ ਤੌਰ 'ਤੇ ਰੱਖਿਆ ਅਤੇ ਉਨ੍ਹਾਂ ਦੀ ਨੌਕਰੀ ਨੂੰ ਨਿਯਮਤ ਕੀਤੇ ਬਿਨਾਂ ਨੌਕਰੀ ਤੋਂ ਕੱਢ ਦਿੱਤਾ। ਘਰ ਤੋਂ 25 ਕਿਲੋਮੀਟਰ ਦੂਰ ਰਾਜਪੁਰਾ ਦੇ ਕਚਹਿਰੀ ਕੰਪਲੈਕਸ ਵਿੱਚ ਉਨ੍ਹਾਂ ਨੂੰ ਇਹੀ ਨੌਕਰੀ ਮਿਲੀ। ਉਨ੍ਹਾਂ ਦੀ ਜਿੱਤ 'ਤੇ ਖੇਡ ਅਧਿਕਾਰੀਆਂ ਅਤੇ ਸਰਕਾਰਾਂ ਦਾ ਧਿਆਨ ਨਹੀਂ ਗਿਆ ਹੈ, ਪਰ ਅਭਿਆਸ ਦੇ ਸਮੇਂ ਦੀ ਘਾਟ ਦੇ ਬਾਵਜੂਦ ਉਨ੍ਹਾਂ ਦੀ ਨਜ਼ਰ ਹੋਰ ਤਮਗਿਆਂ 'ਤੇ ਹੈ।
ਇਹ ਵੀ ਪੜ੍ਹੋ: ਕੀ 2023 'ਚ ਕੋਰੋਨਾ ਮਹਾਮਾਰੀ ਤੋਂ ਮੁਕਤ ਹੋਵੇਗੀ ਦੁਨੀਆ? ਸਾਹਮਣੇ ਆਇਆ WHO ਦਾ ਵੱਡਾ ਦਾਅਵਾ
ਨੋਟ: ਇਸ ਖ਼ਬਰ ਬਾਰੇ ਕੀ ਹੈ ਤੁਹਾਡੀ ਰਾਏ, ਕੁਮੈਂਟ ਕਰਕੇ ਦਿਓ ਜਵਾਬ।
ਮਾਣ ਵਾਲੀ ਗੱਲ: ਏਸ਼ੀਅਨ ਹਾਕੀ ਚੈਂਪੀਅਨਸ਼ਿਪ ਲਈ ਜਲੰਧਰ ਦੇ ਗੁਰਿੰਦਰ ਸਿੰਘ ਸੰਘਾ ਨੂੰ ਮਿਲੀ ਵੱਡੀ ਜ਼ਿੰਮੇਵਾਰੀ
NEXT STORY 
