ਅਹਿਮਦਾਬਾਦ : ਨਿਰੰਤਰਤਾ ਹਾਸਲ ਕਰਨ ਲਈ ਬੇਤਾਬ ਗੁਜਰਾਤ ਟਾਈਟਨਜ਼ ਨੂੰ ਵੀਰਵਾਰ ਨੂੰ ਇੱਥੇ ਹੋਣ ਵਾਲੇ ਇੰਡੀਅਨ ਪ੍ਰੀਮੀਅਰ ਲੀਗ (ਆਈ. ਪੀ. ਐੱਲ.) ਦੇ ਮੈਚ ’ਚ ਸ਼ਾਨਦਾਰ ਫਾਰਮ ’ਚ ਚੱਲ ਰਹੀ ਰਾਇਲ ਚੈਲੰਜਰਜ਼ ਬੈਂਗਲੁਰੂ (ਆਰ. ਸੀ. ਬੀ.) ਦੀ ਟੀਮ ਦੀ ਸਖਤ ਚੁਣੌਤੀ ਦਾ ਸਾਹਮਣਾ ਕਰਨਾ ਪਵੇਗਾ।
ਹੁਣ ਜਦਕਿ ਟੂਰਨਾਮੈਂਟ ਦਾ ਅੱਧਾ ਪੜਾਅ ਪੂਰਾ ਹੋ ਚੁੱਕਾ ਹੈ ਤਦ ਗੁਜਰਾਤ ਦੀ ਟੀਮ 8 ਮੈਚਾਂ ’ਚੋਂ 4 ਜਿੱਤਾਂ ਤੇ 4 ਹਾਰਾਂ ਦੇ ਨਾਲ ਅੰਕ ਸੂਚੀ ’ਚ ਅੱਗੇ ਵਧਣ ਲਈ ਸੰਘਰਸ਼ ਕਰ ਰਹੀ ਹੈ। ਦੂਜੇ ਪਾਸੇ ਮੌਜੂਦਾ ਚੈਂਪੀਅਨ ਆਰ. ਸੀ. ਬੀ. ਸ਼ਾਨਦਾਰ ਫਾਰਮ ’ਚ ਹੈ ਤੇ ਉਸ ਨੇ 8 ਮੈਚਾਂ ’ਚੋਂ 6 ’ਚ ਜਿੱਤ ਦਰਜ ਕੀਤੀ ਹੈ। ਆਰ. ਸੀ. ਬੀ. ਅਜੇ ਅੰਕ ਸੂਚੀ ’ਚ ਦੂਜੇ ਸਥਾਨ ’ਤੇ ਹੈ।
ਆਰ. ਸੀ. ਬੀ. ਵੱਲੋਂ ਉਸ ਦੇ ਤੇਜ਼ ਗੇਂਦਬਾਜ਼ਾਂ ਭੁਵਨੇਸ਼ਵਰ ਕੁਮਾਰ ਤੇ ਜੋਸ਼ ਹੇਜ਼ਲਵੁੱਡ ਨੇ ਮਿਲ ਕੇ ਕਹਿਰ ਵਰ੍ਹਾਇਆ ਹੈ। ਜਿੱਥੇ ਭੁਵਨੇਸ਼ਵਰ ਨੇ ਆਪਣੀ ਸ਼ਾਨਦਾਰ ਸਵਿੰਗ ਨਾਲ ਪੁਰਾਣੇ ਦਿਨਾਂ ਦੀ ਯਾਦ ਦਿਵਾ ਦਿੱਤੀ ਹੈ, ਉੱਥੇ ਹੀ ਹੇਜ਼ਲਵੁੱਡ ਨੇ ਟੈਸਟ ਮੈਚ ਦੇ ਪੱਧਰ ਦੀਆਂ ਗੇਂਦਾਂ ਨਾਲ ਬੱਲੇਬਾਜ਼ਾਂ ਨੂੰ ਪ੍ਰੇਸ਼ਾਨ ਕੀਤਾ ਹੈ। ਉਹ ਬੱਲੇ ਦੇ ਬਾਹਰੀ ਕਿਨਾਰੇ ਨੂੰ ਨਿਸ਼ਾਨਾ ਬਣਾ ਕੇ ਗੇਂਦਬਾਜ਼ੀ ਕਰ ਰਿਹਾ ਹੈ। ਇਸ ਤੋਂ ਇਲਾਵਾ ਵਿਚਾਲੇ ਦੇ ਓਵਰਾਂ ’ਚ ਕਰੁਣਾਲ ਪੰਡਯਾ ਦਾ ਸਾਹਮਣਾ ਕਰਨਾ ਵੀ ਵੱਡੀ ਚੁਣੌਤੀ ਹੈ ਕਿਉਂਕਿ ਉਸ ਦੀ ਗੇਂਦਬਾਜ਼ੀ ’ਚ ਕਾਫੀ ਵਿਲੱਖਣਤਾ ਹੈ।
ਗੁਜਰਾਤ ਟਾਈਟਨਜ਼ ਦੀ ਟੀਮ ਚੋਟੀ ਦੇ ਕ੍ਰਮ ਦੇ ਬੱਲੇਬਾਜ਼ਾਂ ’ਤੇ ਵੱਧ ਨਿਰਭਰ ਹੈ। ਉਸ ਦੇ ਚੋਟੀ ਦੇ ਤਿੰਨ ਬੱਲੇਬਾਜ਼ਾਂ ਸਾਈ ਸੁਦਰਸ਼ਨ, ਕਪਤਾਨ ਸ਼ੁਭਮਨ ਗਿੱਲ ਤੇ ਜੋਸ ਬਟਲਰ ਨੇ ਇਕ ਵਾਰ ਫਿਰ ਜ਼ਿਆਦਾਤਰ ਦੌੜਾਂ ਬਣਾਈਆਂ ਹਨ। ਵਾਸ਼ਿੰਗਟਨ ਸੁੰਦਰ ਨੇ ਮੱਧਕ੍ਰਮ ’ਚ ਆਪਣੀ ਕਾਬਲੀਅਤ ਸਾਬਤ ਕੀਤੀ ਹੈ, ਜਦਕਿ ਸ਼ਾਹਰੁਖ ਖਾਨ ਤੇ ਰਾਹੁਲ ਤੇਵਤੀਆ ਵਰਗੇ ਫਿਨਿਸ਼ਰ ਅਜੇ ਤੱਕ ਕੋਈ ਖਾਸ ਕਮਾਲ ਨਹੀਂ ਦਿਖਾ ਸਕੇ ਹਨ। ਮੱਧਕ੍ਰਮ ਨੂੰ ਮਜ਼ਬੂਤੀ ਦੇਣ ਲਈ ਜੈਸਨ ਹੋਲਡਰ ਨੂੰ ਆਖਰੀ-11 ’ਚ ਸ਼ਾਮਲ ਕੀਤਾ ਗਿਆ ਹੈ।
ਇਨ੍ਹਾਂ ਦੋਵਾਂ ਟੀਮਾਂ ਵਿਚਾਲੇ ਪਿਛਲੇ ਹਫਤੇ ਚਿੰਨਾਸਵਾਮੀ ਸਟੇਡੀਅਮ ’ਚ ਮੈਚ ਖੇਡਿਆ ਗਿਆ ਸੀ ਜਿਹੜਾ ਕਿ ਆਰ. ਸੀ. ਬੀ. ਨੇ 206 ਦੌੜਾਂ ਦਾ ਟੀਚਾ 7 ਗੇਂਦਾਂ ਬਾਕੀ ਰਹਿੰਦਿਆਂ ਆਸਾਨੀ ਨਾਲ ਹਾਸਲ ਕਰ ਲਿਆ ਸੀ। ਗੁਜਰਾਤ ਟਾਈਟਨਜ਼ ਦੀ ਟੀਮ ਅਜੇ ਤੱਕ ਆਪਣੇ ਘਰੇਲੂ ਮੈਦਾਨ ’ਤੇ ਦਬਦਬਾ ਬਣਾਉਣ ’ਚ ਅਸਫਲ ਰਹੀ ਹੈ। ਉਸ ਨੇ ਮੋਟੇਰਾ ’ਚ ਖੇਡੇ ਗਏ ਤਿੰਨ ਮੈਚਾਂ ’ਚੋਂ ਦੋ ਮੈਚ ਗੁਆਏ ਹਨ।
ਆਰ. ਸੀ. ਬੀ. ਇਸ ਮੈਚ ’ਚ ਜਿੱਤ ਦੀ ਪ੍ਰਮੱੁਖ ਦਾਅਵੇਦਾਰ ਹੈ ਪਰ ਸੁਧਾਰ ਦੀ ਗੁੰਜਾਇਸ਼ ਹਮੇਸ਼ਾ ਰਹਿੰਦੀ ਹੈ। ਇੰਗਲੈਂਡ ਦੇ ਆਪਣੇ ਸਾਥੀ ਖਿਡਾਰੀ ਫਿਲ ਸਾਲਟ ਦੀ ਸੱਟ ਕਾਰਨ ਪਿਛਲੇ ਦੋ ਮੈਚਾਂ ’ਚ ਖੇਡਣ ਵਾਲਾ ਜੈਕਬ ਬੈਥਲ ਕੋਈ ਖਾਸ ਪ੍ਰਭਾਵ ਨਹੀਂ ਛੱਡ ਸਕਿਆ ਹੈ। ਇਹ ਪ੍ਰਤਿਭਾਸ਼ਾਲੀ ਬੱਲੇਬਾਜ਼ ਵੀਰਵਾਰ ਨੂੰ ਵਿਰਾਟ ਕੋਹਲੀ ਦੇ ਨਾਲ ਪਾਰੀ ਦਾ ਆਗਾਜ਼ ਕਰਦਾ ਹੋਇਆ ਆਪਣੀ ਛਾਪ ਛੱਡਣ ਲਈ ਬੇਤਾਬ ਹੋਵੇਗਾ। ਬੈਥਲ ਨੇ ਟੀ-20 ਵਿਸ਼ਵ ਕੱਪ ਦੌਰਾਨ ਸ਼ਾਨਦਾਰ ਪ੍ਰਦਰਸ਼ਨ ਕੀਤਾ ਸੀ ਤੇ ਉਹ ਕਿਸੇ ਵੀ ਸਮੇਂ ਆਪਣੀ ਸਰਵੋਤਮ ਖੇਡ ਦਿਖਾ ਸਕਦਾ ਹੈ, ਇਸ ਲਈ ਗੁਜਰਾਤ ਨੂੰ ਕਿਸੇ ਤਰ੍ਹਾਂ ਦੇ ਭੁਲੇਖੇ ’ਚ ਨਹੀਂ ਰਹਿਣਾ ਚਾਹੀਦਾ। ਆਰ. ਸੀ. ਬੀ. ਨੇ ਪਿਛਲੇ ਮੈਚ ’ਚ ਦਿੱਲੀ ਕੈਪੀਟਲਸ ਨੂੰ ਕਰਾਰੀ ਹਾਰ ਦਿੱਤੀ ਸੀ, ਜਿਸ ਨਾਲ ਉਸ ਦਾ ਮਨੋਬਲ ਵਧਿਆ ਹੋਵੇਗਾ।
ਇਹ ਵੀ ਪੜੋ IPL ਨਾਲ ਜੁੜੇ ਇਕ ਖਾਸ ਕਿੱਸੇ ਨੂੰ ਯਾਦ ਕਰ ਭਾਵੁਕ ਹੋਏ 'ਸਰਪੰਚ ਸਾਬ੍ਹ', ਕਿਹਾ ਇਸ ਖਿਡਾਰੀ...
ਨੋਟ - ਇਸ ਖ਼ਬਰ ਬਾਰੇ ਕੁਮੈਂਟ ਬਾਕਸ ਵਿਚ ਦਿਓ ਆਪਣੀ ਰਾਏ।
ਜਗਬਾਣੀ ਈ-ਪੇਪਰ ਨੂੰ ਪੜ੍ਹਨ ਅਤੇ ਐਪ ਨੂੰ ਡਾਊਨਲੋਡ ਕਰਨ ਲਈ ਇੱਥੇ ਕਲਿੱਕ ਕਰੋ
For Android:- https://play.google.com/store/apps/details?id=com.jagbani&hl=en
For IOS:- https://itunes.apple.com/in/app/id538323711?mt
243 ਦੌੜਾਂ ਬਣਾ ਕੇ ਵੀ ਹਾਰੀ ਮੁੰਬਈ ਇੰਡੀਅਨਜ਼, ਹੈਦਰਾਬਾਦ ਨੇ 6 ਵਿਕਟਾਂ ਨਾਲ ਦਿੱਤੀ ਕਰਾਰੀ ਮਾਤ
NEXT STORY 
