ਢਾਕਾ : ਬੰਗਲਾਦੇਸ਼ ਦੇ ਸਲਾਮੀ ਬੱਲੇਬਾਜ਼ ਮਹਿਮੂਦੁਲ ਹਸਨ ਪਾਕਿਸਤਾਨ ਖ਼ਿਲਾਫ਼ ਆਗਾਮੀ ਦੋ ਟੈਸਟ ਮੈਚਾਂ ਦੀ ਲੜੀ ਸ਼ੁਰੂ ਹੋਣ ਤੋਂ ਪਹਿਲਾਂ ਹੀ ਪਿੱਠ ਦੀ ਸੱਟ ਕਾਰਨ ਟੀਮ ਤੋਂ ਬਾਹਰ ਹੋ ਗਏ ਹਨ। ਬੰਗਲਾਦੇਸ਼ ਕ੍ਰਿਕਟ ਬੋਰਡ (ਬੀ.ਸੀ.ਬੀ.) ਨੇ ਹਸਨ ਦੀ ਜਗ੍ਹਾ ਟੀਮ 'ਚ ਅਜੇ ਕਿਸੇ ਹੋਰ ਖਿਡਾਰੀ ਦਾ ਐਲਾਨ ਨਹੀਂ ਕੀਤਾ ਹੈ। ਬੀਸੀਬੀ ਦੇ ਮੁੱਖ ਡਾਕਟਰ ਦੇਵਾਸ਼ੀਸ਼ ਚੌਧਰੀ ਨੇ ਕਿਹਾ ਕਿ ਸਾਨੂੰ ਮਹਿਮੂਦੁਲ ਬਾਰੇ ਇੱਕ ਮੇਲ ਮਿਲੀ ਹੈ, ਜਿਸ ਵਿੱਚ ਉਸ ਦੇ ਸੱਜੀ ਕਮਰ ਦੀ ਸੱਟ ਬਾਰੇ ਜਾਣਕਾਰੀ ਦਿੱਤੀ ਗਈ ਹੈ ਅਤੇ ਉਸ ਨੂੰ ਤਿੰਨ ਹਫ਼ਤੇ ਆਰਾਮ ਕਰਨ ਦੀ ਸਲਾਹ ਦਿੱਤੀ ਗਈ ਹੈ।
ਬੰਗਲਾਦੇਸ਼ ਦੇ ਸੱਜੇ ਹੱਥ ਦੇ ਬੱਲੇਬਾਜ਼ ਮਹਿਮੂਦੁਲ ਨੇ ਹਾਲ ਹੀ ਵਿੱਚ ਟੈਸਟ ਟੀਮ ਵਿੱਚ ਸ਼ਾਮਲ ਹੋਣ ਤੋਂ ਪਹਿਲਾਂ ਇਸਲਾਮਾਬਾਦ ਵਿੱਚ ਸ਼ਾਹੀਨ ਵਿਰੁੱਧ ਬੰਗਲਾਦੇਸ਼ ਏ ਲਈ ਖੇਡਿਆ ਸੀ। ਮਹਿਮੂਦੁਲ ਨੂੰ ਫੀਲਡਿੰਗ ਕਰਦੇ ਸਮੇਂ ਸੱਟ ਲੱਗ ਗਈ, ਜਿਸ ਕਾਰਨ ਉਹ ਦੂਜੀ ਪਾਰੀ 'ਚ ਬੱਲੇਬਾਜ਼ੀ ਨਹੀਂ ਕਰ ਸਕੇ। ਮਹਿਮੂਦੁਲ ਨੇ ਪਹਿਲੀ ਪਾਰੀ ਵਿੱਚ ਸ਼ਾਹੀਨ ਖ਼ਿਲਾਫ਼ 65 ਦੌੜਾਂ ਬਣਾ ਕੇ ਆਪਣੀ ਕਾਬਲੀਅਤ ਨੂੰ ਸਾਬਤ ਕੀਤਾ। ਇਸ ਤੋਂ ਇਲਾਵਾ ਮਹਿਮੂਦੁਲ ਨੇ 4 ਦਿਨਾਂ ਮੈਚਾਂ 'ਚ 69 ਅਤੇ 65 ਦੌੜਾਂ ਬਣਾ ਕੇ ਆਪਣੀ ਬੱਲੇਬਾਜ਼ੀ ਦੀ ਮਿਸਾਲ ਪੇਸ਼ ਕੀਤੀ।
ਮੇਜ਼ਬਾਨ ਟੀਮ ਨਾਲ ਬੰਗਲਾਦੇਸ਼ ਦਾ ਪਹਿਲਾ ਟੈਸਟ ਮੈਚ 21 ਅਗਸਤ ਨੂੰ ਰਾਵਲਪਿੰਡੀ ਵਿੱਚ ਸ਼ੁਰੂ ਹੋਣਾ ਹੈ, ਇਸ ਤੋਂ ਬਾਅਦ ਦੂਜਾ ਟੈਸਟ 30 ਅਗਸਤ ਨੂੰ ਕਰਾਚੀ ਵਿੱਚ ਹੋਵੇਗਾ। ਬੰਗਲਾਦੇਸ਼ ਦੀ ਟੀਮ ਲਾਹੌਰ ਵਿੱਚ ਤਿੰਨ ਦਿਨਾਂ ਅਭਿਆਸ ਸੈਸ਼ਨ ਦੀ ਸਮਾਪਤੀ ਤੋਂ ਬਾਅਦ ਇਸਲਾਮਾਬਾਦ ਲਈ ਰਵਾਨਾ ਹੋਵੇਗੀ। ਟੀਮ ਦੇ ਪਾਕਿਸਤਾਨ 'ਚ ਜਲਦੀ ਪਹੁੰਚਣ ਦਾ ਮਕਸਦ ਸਥਾਨਕ ਹਾਲਾਤਾਂ ਨੂੰ ਅਨੁਕੂਲ ਬਣਾਉਣਾ ਅਤੇ ਬੰਗਲਾਦੇਸ਼ 'ਚ ਚੱਲ ਰਹੀ ਸਿਆਸੀ ਅਸ਼ਾਂਤੀ ਕਾਰਨ ਖੇਡ 'ਚ ਕਿਸੇ ਤਰ੍ਹਾਂ ਦੇ ਵਿਘਨ ਤੋਂ ਬਚਣਾ ਹੈ।
ਬੰਗਲਾਦੇਸ਼ ਟੀਮ: ਨਜ਼ਮੁਲ ਹੁਸੈਨ ਸ਼ਾਂਤੋ (ਕਪਤਾਨ), ਜ਼ਾਕਿਰ ਹਸਨ, ਸ਼ਾਦਮਾਨ ਇਸਲਾਮ, ਮੋਮਿਨੁਲ ਹੱਕ, ਮੁਸ਼ਫਿਕਰ ਰਹੀਮ, ਸ਼ਾਕਿਬ ਅਲ ਹਸਨ, ਲਿਟਨ ਕੁਮਾਰ ਦਾਸ, ਮੇਹਦੀ ਹਸਨ ਮਿਰਾਜ, ਤਾਇਜੁਲ ਇਸਲਾਮ, ਨਈਮ ਹਸਨ, ਨਾਹੀਦ ਰਾਣਾ, ਸ਼ਰੀਫੁਲ ਇਸਲਾਮ, ਹਸਨ ਮਹਿਮੂਦ, ਤਸਕੀਨ ਤੇ ਸਈਅਦ ਖਾਲਿਦ ਅਹਿਮਦ ਸ਼ਾਮਲ ਹਨ।
ਯੂਥ ਓਲੰਪਿਕ 2030 ’ਚ ਸ਼ਾਮਲ ਹੋਵੇਗੀ ਕ੍ਰਿਕਟ? ਭਾਰਤ ਦੀ ਦਿਲਚਸਪੀ ਨਾਲ ਉਮੀਦਾਂ ਵਧੀਆਂ
NEXT STORY 
