ਵਿਕਾਰਾਬਾਦ : ਗੁਰੂਗ੍ਰਾਮ ਦੇ ਗੋਲਫਰ ਮਨੂ ਗੰਡਾਸ ਨੇ ਐਤਵਾਰ ਨੂੰ ਇੱਥੇ ਸ਼ੁਰੂਆਤੀ ਵੂਟੀ ਮਾਸਟਰਸ ਟੂਰਨਾਮੈਂਟ ਦੇ ਫਾਈਨਲ ਗੇੜ ਵਿੱਚ ਸ਼ਾਨਦਾਰ ਛੇ ਅੰਡਰ 66 ਦਾ ਕਾਰਡ ਬਣਾ ਕੇ ਚਾਰ ਸ਼ਾਟ ਨਾਲ ਜਿੱਤ ਦਰਜ ਕੀਤੀ। ਇਸ ਦੇ ਨਾਲ ਹੀ ਉਸ ਨੂੰ 15 ਲੱਖ ਰੁਪਏ ਦੀ ਇਨਾਮੀ ਰਾਸ਼ੀ ਵੀ ਮਿਲੀ। ਗੰਡਾਸ ਨੇ ਬੀਤੀ ਰਾਤ ਇੱਕ ਸ਼ਾਟ ਦੀ ਬੜ੍ਹਤ ਹਾਸਲ ਕੀਤੀ ਸੀ।
ਉਸਨੇ ਕੁੱਲ 24-ਅੰਡਰ 264 ਦਾ ਸਕੋਰ ਬਣਾਇਆ ਅਤੇ 2022 ਦੀ ਆਪਣੀ ਪੰਜਵੀਂ ਜਿੱਤ ਪ੍ਰਾਪਤ ਕੀਤੀ। ਹੁਣ 27 ਨਵੰਬਰ ਮਨੂ ਲਈ ਯਾਦਗਾਰ ਦਿਨ ਬਣ ਗਿਆ ਹੈ। ਦਰਅਸਲ, ਇਸ ਤਰ੍ਹਾਂ ਉਸ ਨੇ ਪੀਜੀਟੀਆਈ ਵਿੱਚ ਇੱਕ ਸੀਜ਼ਨ ਵਿੱਚ ਸਭ ਤੋਂ ਵੱਧ ਜਿੱਤਾਂ ਦੇ ਰਿਕਾਰਡ ਦੀ ਬਰਾਬਰੀ ਕੀਤੀ।
ਇਹ ਵੀ ਪੜ੍ਹੋ : ਅਫਗਾਨਿਸਤਾਨ ਨੇ ਭਾਰਤ 'ਚ ਆਯੋਜਿਤ ਹੋਣ ਵਾਲੇ ਵਨਡੇ ਵਿਸ਼ਵ ਕੱਪ 'ਚ ਬਣਾਈ ਜਗ੍ਹਾ
ਇਹ ਰਿਕਾਰਡ ਇਸ ਤੋਂ ਪਹਿਲਾਂ ਸੰਯੁਕਤ ਤੌਰ 'ਤੇ ਯੁਵਰਾਜ ਸਿੰਘ ਸੰਧੂ (2022), ਗਗਨਜੀਤ ਭੁੱਲਰ (2009) ਅਤੇ ਅਸ਼ੋਕ ਕੁਮਾਰ (2006-07) ਦੇ ਨਾਂ ਸੀ। ਗੰਡਾਸ ਨੇ ਇਸ ਦੇ ਨਾਲ ਹੀ ਪੀਜੀਟੀਆਈ ਵਿੱਚ ਸਭ ਤੋਂ ਘੱਟ ਜਿੱਤਾਂ ਦੇ ਕੁਲ ਸਕੋਰ (24 ਅੰਡਰ 264) ਦੀ ਬਰਾਬਰੀ ਕੀਤੀ ਜੋ ਪਹਿਲਾਂ ਅਨਿਰਬਾਨ ਲਹਿੜੀ, ਰਾਸ਼ਿਦ ਖਾਨ ਅਤੇ ਅਕਸ਼ੈ ਸ਼ਰਮਾ ਦੇ ਨਾਂ ਸੀ।
ਮਿਲਿਆ 15 ਲੱਖ ਦਾ ਚੈੱਕ
ਗੰਡਾਸ ਨੂੰ ਇਸ ਜਿੱਤ ਤੋਂ 15 ਲੱਖ ਰੁਪਏ ਦਾ ਚੈੱਕ ਮਿਲਿਆ, ਜਿਸ ਨਾਲ ਸੀਜ਼ਨ ਲਈ ਉਸਦੀ ਇਨਾਮੀ ਰਕਮ 65,78,938 ਰੁਪਏ ਹੋ ਗਈ ਅਤੇ ਇਸ ਨਾਲ ਉਸ ਨੇ ਪੀਜੀਟੀਆਈ ਰੈਂਕਿੰਗ ਵਿੱਚ ਦੂਜਾ ਸਥਾਨ ਮਜ਼ਬੂਤ ਕੀਤਾ। ਮਊ ਦਾ ਓਮ ਪ੍ਰਕਾਸ਼ ਚੌਹਾਨ 20 ਅੰਡਰ 268 ਦੇ ਸਕੋਰ ਨਾਲ ਉਪ ਜੇਤੂ ਰਿਹਾ। ਦਿੱਲੀ ਦਾ ਸ਼ਮੀਮ ਖਾਨ 16 ਅੰਡਰ 272 ਦੇ ਕੁੱਲ ਸਕੋਰ ਨਾਲ ਤੀਜੇ ਸਥਾਨ 'ਤੇ ਰਿਹਾ।
ਨੋਟ : ਇਸ ਖ਼ਬਰ ਬਾਰੇ ਕੀ ਹੈ ਤੁਹਾਡੀ ਰਾਏ। ਕੁਮੈਂਟ ਕਰਕੇ ਦਿਓ ਜਵਾਬ।
ਅਫਗਾਨਿਸਤਾਨ ਨੇ ਭਾਰਤ 'ਚ ਆਯੋਜਿਤ ਹੋਣ ਵਾਲੇ ਵਨਡੇ ਵਿਸ਼ਵ ਕੱਪ 'ਚ ਬਣਾਈ ਜਗ੍ਹਾ
NEXT STORY 
