ਐਡੀਲੇਡ : ਐਡੀਲੇਡ ਇੰਟਰਨੈਸ਼ਨਲ ਟੈਨਿਸ ਟੂਰਨਾਮੈਂਟ ਵਿੱਚ ਤੀਜੀ ਦਰਜਾ ਪ੍ਰਾਪਤ ਮਿਰਰਾ ਐਂਡਰੀਵਾ ਨੇ ਆਪਣੀ ਖੇਡ ਦਾ ਲੋਹਾ ਮਨਵਾਉਂਦੇ ਹੋਏ ਸ਼ਾਨਦਾਰ ਜਿੱਤ ਦਰਜ ਕੀਤੀ ਹੈ। ਸ਼ਨੀਵਾਰ ਨੂੰ ਖੇਡੇ ਗਏ ਫਾਈਨਲ ਮੁਕਾਬਲੇ ਵਿੱਚ 18 ਸਾਲਾ ਐਂਡਰੀਵਾ ਨੇ ਕੈਨੇਡਾ ਦੀ 19 ਸਾਲਾ ਖਿਡਾਰਨ ਵਿਕਟੋਰੀਆ ਐਮਬੋਕੋ ਨੂੰ ਸਿੱਧੇ ਸੈੱਟਾਂ ਵਿੱਚ 6-3, 6-1 ਨਾਲ ਹਰਾ ਕੇ ਖਿਤਾਬ ਆਪਣੇ ਨਾਮ ਕੀਤਾ।
ਮੈਚ ਦੀ ਸ਼ੁਰੂਆਤ ਐਂਡਰੀਵਾ ਲਈ ਕੁਝ ਖਾਸ ਨਹੀਂ ਰਹੀ ਸੀ ਅਤੇ ਉਹ ਪਹਿਲੇ ਸੈੱਟ ਵਿੱਚ 0-3 ਨਾਲ ਪਿੱਛੇ ਚੱਲ ਰਹੀ ਸੀ। ਹਾਲਾਂਕਿ, ਉਸਨੇ ਇੱਥੋਂ ਅਜਿਹੀ ਵਾਪਸੀ ਕੀਤੀ ਕਿ ਐਮਬੋਕੋ ਨੂੰ ਸੰਭਲਣ ਦਾ ਮੌਕਾ ਹੀ ਨਹੀਂ ਦਿੱਤਾ। ਐਂਡਰੀਵਾ ਨੇ ਲਗਾਤਾਰ ਨੌਂ ਗੇਮ ਜਿੱਤ ਕੇ ਮੈਚ 'ਤੇ ਆਪਣੀ ਪਕੜ ਮਜ਼ਬੂਤ ਕਰ ਲਈ ਅਤੇ ਆਸਾਨੀ ਨਾਲ ਮੈਚ ਜਿੱਤ ਕੇ ਆਪਣਾ ਪੰਜਵਾਂ WTA ਖਿਤਾਬ ਹਾਸਲ ਕਰ ਲਿਆ।
ਨੌਜਵਾਨ ਸਿਤਾਰਿਆਂ ਵਿਚਾਲੇ ਟੱਕਰ ਇਹ ਮੁਕਾਬਲਾ ਡਬਲਯੂ.ਟੀ.ਏ. (WTA) ਟੂਰ ਦੀਆਂ ਉਨ੍ਹਾਂ ਦੋ ਉੱਭਰਦੀਆਂ ਖਿਡਾਰਨਾਂ ਵਿਚਕਾਰ ਸੀ ਜੋ 20 ਸਾਲ ਤੋਂ ਘੱਟ ਉਮਰ ਦੀਆਂ ਹੋਣ ਦੇ ਬਾਵਜੂਦ ਰੈਂਕਿੰਗ ਵਿੱਚ ਚੋਟੀ ਦੇ 20 ਵਿੱਚ ਸ਼ਾਮਲ ਹਨ। ਜਿੱਥੇ ਕੈਨੇਡੀਅਨ ਖਿਡਾਰਨ ਐਮਬੋਕੋ ਨੇ ਸ਼ੁਰੂਆਤੀ ਬੜ੍ਹਤ ਬਣਾ ਕੇ ਦਬਾਅ ਬਣਾਉਣ ਦੀ ਕੋਸ਼ਿਸ਼ ਕੀਤੀ ਸੀ, ਉੱਥੇ ਹੀ ਐਂਡਰੀਵਾ ਨੇ ਆਪਣੀ ਲੈਅ ਫੜਦਿਆਂ ਵਿਰੋਧੀ ਖਿਡਾਰਨ ਦੀ ਇੱਕ ਨਾ ਚੱਲਣ ਦਿੱਤੀ।
ਬਾਰਟਮੈਨ ਦੀ ਹੈਟ੍ਰਿਕ ਨਾਲ ਪਾਰਲ ਰਾਇਲਜ਼ ਐੱਸ. ਏ 20 ਦੇ ਪਲੇਅ ਆਫ ’ਚ ਪੁੱਜਾ
NEXT STORY 
