ਦਾਂਬੁਲਾ, (ਭਾਸ਼ਾ) ਸ਼ਾਨਦਾਰ ਅਰਧ ਸੈਂਕੜਾ ਬਣਾਉਣ ਵਾਲੀ ਭਾਰਤੀ ਕਪਤਾਨ ਹਰਮਨਪ੍ਰੀਤ ਕੌਰ ਨੇ ਕਿਹਾ ਕਿ ਉਸ ਦਾ ਧਿਆਨ ਸਟਰਾਈਕ ਰੋਟੇਟ ਕਰਨ 'ਤੇ ਸੀ ਤਾਂ ਜੋ ਟੀਮ ਜਿੱਤ ਹਾਸਲ ਕਰ ਸਕੇ। ਮਹਿਲਾ ਏਸ਼ੀਆ ਕੱਪ 'ਚ ਐਤਵਾਰ ਨੂੰ ਯੂ.ਏ.ਈ ਦੇ ਖਿਲਾਫ ਮੁਸ਼ਕਲ ਸਥਿਤੀ ਨੂੰ ਪਾਰ ਕਰਦੇ ਹੋਏ ਪੰਜ ਵਿਕਟਾਂ 'ਤੇ 201 ਦੌੜਾਂ ਦਾ ਵੱਡਾ ਸਕੋਰ ਬਣਾਉਣ 'ਚ ਸਫਲ ਰਹੀ। ਪਾਵਰਪਲੇ 'ਚ 52 ਦੌੜਾਂ 'ਤੇ ਤਿੰਨ ਵਿਕਟਾਂ ਗੁਆਉਣ ਤੋਂ ਬਾਅਦ ਭਾਰਤ ਮੁਸ਼ਕਲ 'ਚ ਸੀ ਪਰ ਹਰਮਨਪ੍ਰੀਤ (66 ਦੌੜਾਂ) ਨੇ ਦੋ ਅਹਿਮ ਸਾਂਝੇਦਾਰੀਆਂ ਕੀਤੀਆਂ ਜਿਸ ਨੇ ਭਾਰਤ ਨੂੰ ਮਜ਼ਬੂਤ ਸਥਿਤੀ 'ਚ ਪਹੁੰਚਾ ਦਿੱਤਾ। ਜਵਾਬ ਵਿੱਚ ਸੰਯੁਕਤ ਅਰਬ ਅਮੀਰਾਤ (ਯੂਏਈ) ਸੱਤ ਵਿਕਟਾਂ ’ਤੇ 123 ਦੌੜਾਂ ਹੀ ਬਣਾ ਸਕੀ।
ਹਰਮਨਪ੍ਰੀਤ ਨੇ ਮੈਚ ਤੋਂ ਬਾਅਦ ਕਿਹਾ, ''ਇਹ ਬਹੁਤ ਵਧੀਆ ਅਹਿਸਾਸ ਹੈ। ਜਦੋਂ ਜੈਮੀ (ਜੇਮਿਮਾਹ ਰੌਡਰਿਗਜ਼) ਅਤੇ ਮੈਂ ਬੱਲੇਬਾਜ਼ੀ ਕਰ ਰਹੇ ਸੀ, ਅਸੀਂ ਜੋਖਮ ਭਰੇ ਸ਼ਾਟ ਖੇਡਣ ਦੀ ਬਜਾਏ ਤੇਜ਼ ਦੌੜਨ ਦੀ ਜ਼ਰੂਰਤ ਬਾਰੇ ਗੱਲ ਕੀਤੀ। ਸਾਡਾ ਧਿਆਨ ਪ੍ਰਤੀ ਓਵਰ ਸੱਤ-ਅੱਠ ਦੌੜਾਂ ਬਣਾਉਣ 'ਤੇ ਸੀ। ਉਸ ਨੇ ਕਿਹਾ, ''ਜਦੋਂ ਰਿਚਾ ਆਈ ਤਾਂ ਮੈਂ ਉਸ ਨੂੰ ਕਿਹਾ ਕਿ ਗੇਂਦ ਨੂੰ ਦੇਖੋ ਅਤੇ ਦੇਖੋ ਕਿ ਵਿਕਟ ਕਿਵੇਂ ਖੇਡ ਰਿਹਾ ਹੈ। ਉਸ ਨੇ ਸ਼ਾਨਦਾਰ ਬੱਲੇਬਾਜ਼ੀ ਕੀਤੀ। ਮੇਰਾ ਕੰਮ ਸਿਰਫ਼ ਪਿੱਚ 'ਤੇ ਰਹਿਣਾ ਅਤੇ ਸਟ੍ਰਾਈਕ ਰੋਟੇਟ ਕਰਨਾ ਸੀ। ਜਦੋਂ ਵੀ ਢਿੱਲੀ ਗੇਂਦਾਂ ਸੁੱਟੀਆਂ ਜਾਂਦੀਆਂ ਸਨ, ਉਨ੍ਹਾਂ ਨੂੰ ਚੌਕੇ ਵਿੱਚ ਬਦਲ ਦਿੱਤਾ ਜਾਂਦਾ ਸੀ। ਹਰਮਨਪ੍ਰੀਤ ਨੇ 'ਐਂਕਰ' ਦਾ ਰੋਲ ਬਾਖੂਬੀ ਨਿਭਾਇਆ ਪਰ ਰਿਚਾ ਦੀ 29 ਗੇਂਦਾਂ 'ਤੇ 64 ਦੌੜਾਂ ਦੀ ਅਜੇਤੂ ਪਾਰੀ ਨੇ ਟੀ-20 ਕ੍ਰਿਕਟ 'ਚ ਭਾਰਤ ਦਾ ਪਹਿਲਾ 200 ਤੋਂ ਵੱਧ ਦਾ ਸਕੋਰ ਬਣਾਇਆ। ਹਰਮਨਪ੍ਰੀਤ ਨੇ ਕਿਹਾ, “ਕ੍ਰੈਡਿਟ ਰਿਚਾ ਨੂੰ ਜਾਂਦਾ ਹੈ। ਉਸ ਦੀ ਬਦੌਲਤ ਅਸੀਂ ਇਸ ਸਕੋਰ 'ਤੇ ਪਹੁੰਚੇ ਹਾਂ। ਅਸੀਂ ਸ਼ੁਰੂਆਤੀ ਵਿਕਟਾਂ ਗੁਆ ਦਿੱਤੀਆਂ, ਪਰ ਆਪਣੇ ਆਪ ਨੂੰ ਤਿਆਰ ਰੱਖਿਆ। ਰਿਚਾ 'ਪਲੇਅਰ ਆਫ ਦਾ ਮੈਚ' ਰਹੀ, ਉਸ ਨੇ ਹਰਮਨਪ੍ਰੀਤ ਨੂੰ ਕ੍ਰੈਡਿਟ ਦਿੱਤਾ। ਉਸਨੇ ਕਿਹਾ, “ਜਦੋਂ ਵੀ ਮੈਂ ਹੈਰੀ (ਹਰਮਨਪ੍ਰੀਤ) ਦੀ ਨਾਲ ਖੇਡਦੀ ਹਾਂ, ਉਹ ਮੈਨੂੰ ਦੱਸਦੀ ਹੈ ਕਿ ਗੇਂਦ ਕਿਵੇਂ ਆ ਰਹੀ ਹੈ ਅਤੇ ਸ਼ਾਟ ਕਿਵੇਂ ਖੇਡਣੇ ਹਨ। ਜਦੋਂ ਵੀ ਮੈਨੂੰ ਮੌਕਾ ਮਿਲਦਾ ਹੈ, ਮੈਂ ਸ਼ਾਟ ਖੇਡਣਾ ਚਾਹੁੰਦੀ ਹਾਂ।''
ਅਦਿਤੀ ਸੰਯੁਕਤ 12ਵੇਂ ਸਥਾਨ 'ਤੇ, ਟਾਪ 10 'ਚ ਜਗ੍ਹਾ ਬਣਾਉਣ 'ਤੇ ਨਜ਼ਰ
NEXT STORY 
