ਸਪੋਰਟਸ ਡੌੈਸਕ- ਨਿਊਜ਼ੀਲੈਂਡ ਨੇ ਭਾਰਤ ਖਿਲਾਫ 5 ਟੀ-20 ਮੈਚਾਂ ਦੀ ਸੀਰੀਜ਼ ਲਈ ਟੀਮ ਦਾ ਐਲਾਨ ਕਰ ਦਿੱਤਾ ਹੈ। ਕੇਨ ਵਿਲੀਅਮਸਨ ਦੀ ਕਪਤਾਨੀ 'ਚ 14 ਮੈਂਬਰੀ ਟੀਮ ਦਾ ਐਲਾਨ ਕੀਤਾ ਗਿਆ ਹੈ। ਇੰਗਲੈਂਡ ਦੇ ਖਿਲਾਫ ਕੂਲਹੇ ਦੀ ਸੱਟ ਦੇ ਚੱਲਦੇ ਟੀ-20 ਸੀਰੀਜ਼ ਵਲੋਂ ਬਾਹਰ ਰਹਿਣ ਵਾਲੇ ਕੇਨ ਵਿਲੀਅਮਸਨ ਦੀ ਵਾਪਸੀ ਹੋਈ ਹੈ। ਲਗਭਗ ਢਾਈ ਸਾਲ ਬਾਅਦ 32 ਸਾਲ ਦਾ ਤੇਜ਼ ਗੇਂਦਬਾਜ ਹਾਮਿਸ਼ ਬੇਨੇਟ ਦੀ ਟੀਮ 'ਚ ਵਾਪਸੀ ਹੋਈ ਹੈ।
ਨਿਊਜ਼ੀਲੈਂਡ ਦੇ ਮੁੱਖ ਤੇਜ਼ ਗੇਂਦਬਾਜ ਟਰੇਂਟ ਬੋਲਟ ਅਤੇ ਲਾਕੀ ਫਰਗਊਸਨ ਜ਼ਖਮੀ ਹਨ ਅਤੇ ਸੀਰੀਜ਼ ਤੋਂ ਬਾਹਰ ਹਨ। ਅਜਿਹੇ 'ਚ ਕੀਵੀ ਟੀਮ ਨੇ ਕਈ ਨੌਜਵਾਨ ਖਿਡਾਰੀਆਂ ਨੂੰ ਮੌਕਾ ਦਿੱਤਾ ਹੈ। ਪਹਿਲੇ 3 ਮੈਚਾਂ ਲਈ ਕੋਲਿਨ ਡੀ ਗਰੈਂਡ ਹੋਮ ਟੀਮ ਦਾ ਹਿੱਸਾ ਹੋਣਗੇ, ਜਦ ਕਿ ਆਖਰੀ 2 ਮੁਕਾਬਲਿਆਂ ਲਈ ਟਾਮ ਬਰੂਸ ਨੂੰ ਸ਼ਾਮਲ ਕੀਤਾ ਗਿਆ ਹੈ। ਉਹ ਭਾਰਤ ਏ ਖਿਲਾਫ ਸੀਰੀਜ਼ ਲਈ ਨਿਊਜ਼ੀਲੈਂਡ-ਏ ਸੀਰੀਜ਼ ਦੀ ਕਪਤਾਨੀ ਵੀ ਕਰਨਗੇ। ਜਿੰਮੀ ਨੀਸ਼ਮ ਨੂੰ ਟੀਮ 'ਚ ਨਹੀਂ ਲਿਆ ਗਿਆ ਹੈ।
ਭਾਰਤ ਅਤੇ ਨਿਊਜ਼ੀਲੈਂਡ ਵਿਚਾਲੇ 24 ਜਨਵਰੀ ਤੋਂ ਸੀਰੀਜ਼ ਦੀ ਸ਼ੁਰੂਆਤ ਹੋਵੇਗੀ। ਕੀਵੀ ਗੇਂਦਬਾਜ਼ ਬੇਨੇਟ ਨੇ ਸੁਪਰ ਸਮੈਸ਼ 'ਚ ਹੁਣ ਤੱਕ ਖੇਡੇ ਗਏ ਆਪਣੇ 10 ਮੈਚਾਂ 'ਚ 14 ਵਿਕਟਾਂ ਹਾਸਲ ਕੀਤੀਆਂ ਹਨ। ਜਿਸ ਤਂ ਬਾਅਦ ਚੋਣਕਾਰਾਂ ਨੇ ਭਰੋਸਾ ਜਤਾਉਂਦੇ ਹੋਏ ਉਸ ਨੂੰ ਟੀਮ 'ਚ ਮੌਕਾ ਦਿੱਤਾ ਹੈ। ਉਸ ਦੇ ਨਾਂ ਇਕ ਟੈਸਟ ਅਤੇ 16 ਵਨ ਡੇ ਹਨ। ਉਹ ਸੱਜੇ ਹੱਥ ਦੇ ਮੀਡੀਅਮ ਪੇਸਰ ਹੈ ਅਤੇ ਭਾਰਤ ਖਿਲਾਫ ਸੀਰੀਜ਼ 'ਚ ਉਹ ਅੰਤਰਰਾਸ਼ਟਰੀ ਟੀ-20 ਡੈਬਿਊ ਕਰਨ ਦਾ ਮੌਕਾ ਮਿਲ ਸਕਦਾ ਹੈ। ਉਸ ਨੇ ਇਕਮਾਤਰ ਟੈਸਟ ਭਾਰਤ ਖਿਲਾਫ ਖੇਡਿਆ ਸੀ। ਉਥੇ ਹੀ ਭਾਰਤ ਖਿਲਾਫ ਉਹ ਆਖਰੀ ਵਾਰ 2014 'ਚ ਖੇਡਿਆ ਸੀ।
ਨਿਊਜ਼ੀਲੈਂਡ ਟੀਮ ਦੇ ਕੋਲ ਤੇਜ਼ ਗੇਂਦਬਾਜ਼ੀ ਵਿਭਾਗ 'ਚ ਬੇਨੇਟ ਦੇ ਨਾਲ ਹੀ ਟਿਮ ਸਾਊਦੀ, ਬਲੇਅਰ ਟਿਕਨਰ ਅਤੇ ਸਕਟ ਕੁਗਲਇਨ ਹੋਣਗੇ। ਮਿਚੇਲ ਸੈਂਟਨਰ ਅਤੇ ਈਸ਼ ਸੋਢੀ ਸਪਿਨ ਦੀ ਜਿੰਮੇਦਾਰੀ ਸੰਭਾਲਣਗੇ। ਬੱਲੇਬਾਜ਼ੀ 'ਚ ਕਪਤਾਨ ਕੇਨ ਵਿਲੀਅਮਸਨ ਦੇ ਨਾਲ ਹੀ ਰੌਸ ਟੇਲਰ, ਕੋਲਿਨ ਮੁਨਰੋ, ਮਾਰਟਿਨ ਗਪਟਿਲ, ਡੇਰਿਲ ਮਿਚੇਲ ਅਤੇ ਟਿੱਮ ਸੀਫਰਟ ਹੋਣਗੇ।
ਨਿਊਜ਼ੀਲੈਂਡ ਟੀ-20 ਟੀਮ
ਕੇਨ ਵਿਲੀਅਮਸਨ (ਕਪਤਾਨ), ਹਾਮਿਸ਼ ਬੇਨੇਟ, ਕੋਲਿਨ ਡੀ ਗਰੈਂਡਹੋਮ (ਪਹਿਲੇ 3 ਮੈਚ ਲਈ), ਟਾਮ ਬਰੂਸ (ਆਖਰੀ ਦੋ ਮੈਚਾਂ ਲਈ), ਮਾਰਟਿਨ ਗਪਟਿਲ, ਸਕੱਟ ਕੁਗਲਇਨ, ਡੇਰਿਲ ਮਿਚੇਲ, ਕੋਲਿਨ ਮੁਨਰੋ, ਰੌਸ ਟੇਲਰ, ਬਲੇਅਰ ਟਿਕਨਰ, ਮਿਚੇਲ ਸੈਂਟਨਰ, ਟਿਮ ਸੀਫਰਟ, ਈਸ਼ ਸੋਢੀ ਅਤੇ ਟਿਮ ਸਾਊਦੀ।
ਸ਼ਸ਼ਾਂਕ ਮਨੋਹਰ ਕਾਰਣ ਸੰਭਵ ਹੋਇਆ ਬੰਗਲਾਦੇਸ਼ ਦਾ ਪਾਕਿ ਦੌਰਾ
NEXT STORY 
