ਕੈਲਗਰੀ (ਕੈਨੇਡਾ), (ਭਾਸ਼ਾ) ਉਭਰਦੇ ਭਾਰਤੀ ਬੈਡਮਿੰਟਨ ਖਿਡਾਰੀ ਪ੍ਰਿਯਾਂਸ਼ੂ ਰਾਜਾਵਤ ਨੇ ਇੱਥੇ ਕੈਨੇਡਾ ਓਪਨ ਦੇ ਪੁਰਸ਼ ਸਿੰਗਲਜ਼ ਦੇ ਪਹਿਲੇ ਦੌਰ 'ਚ ਆਪਣੀ ਬਿਹਤਰ ਦਰਜਾਬੰਦੀ ਵਾਲੇ ਡੈਨਮਾਰਕ ਦੇ ਰੈਸਮੁਸ ਗੇਮਕੇ ਨੂੰ ਹਰਾ ਦਿੱਤਾ। ਵਿਸ਼ਵ ਦੇ 39ਵੇਂ ਨੰਬਰ ਦੇ ਖਿਡਾਰੀ ਰਾਜਾਵਤ ਨੇ ਬੁੱਧਵਾਰ ਰਾਤ ਨੂੰ ਅੱਠਵਾਂ ਦਰਜਾ ਪ੍ਰਾਪਤ ਗੇਮਕੇ ਨੂੰ ਤਿੰਨ ਗੇਮਾਂ ਦੇ ਸਖ਼ਤ ਮੁਕਾਬਲੇ ਵਿੱਚ 17-21, 21-16, 21-14 ਨਾਲ ਹਰਾ ਕੇ ਇੱਕ ਘੰਟੇ 10 ਮਿੰਟ ਵਿੱਚ ਦੂਜੇ ਦੌਰ ਵਿੱਚ ਥਾਂ ਬਣਾਈ। ਰਾਜਾਵਤ ਹੁਣ ਪੁਰਸ਼ ਸਿੰਗਲਜ਼ ਵਿੱਚ ਇਕਲੌਤਾ ਭਾਰਤੀ ਖਿਡਾਰੀ ਰਹਿ ਗਿਆ ਹੈ। ਅਗਲੇ ਦੌਰ ਵਿੱਚ ਉਸ ਦਾ ਸਾਹਮਣਾ ਜਾਪਾਨ ਦੇ ਤਾਕੁਮਾ ਓਬਾਯਾਸ਼ੀ ਨਾਲ ਹੋਵੇਗਾ।
ਪੁਰਸ਼ ਸਿੰਗਲਜ਼ ਵਿੱਚ ਹਿੱਸਾ ਲੈਣ ਵਾਲੇ ਦੋ ਹੋਰ ਭਾਰਤੀਆਂ ਆਯੂਸ਼ ਸ਼ੈਟੀ ਅਤੇ ਐਸ ਸ਼ੰਕਰ ਮੁਥੁਸਵਾਮੀ ਸੁਬਰਾਮਨੀਅਮ ਨੂੰ ਹਾਰ ਦਾ ਸਾਹਮਣਾ ਕਰਨਾ ਪਿਆ। ਸ਼ੈਟੀ ਨੂੰ ਜਾਪਾਨ ਦੇ ਛੇਵਾਂ ਦਰਜਾ ਪ੍ਰਾਪਤ ਕੋਕੀ ਵਾਤਾਨਾਬੇ ਤੋਂ 14-21, 11-21, ਜਦਕਿ ਸ਼ੰਕਰ ਨੂੰ ਫਰਾਂਸ ਦੇ ਐਲੇਕਸ ਲੈਨੀਅਰ ਤੋਂ 16-21, 17-21 ਨਾਲ ਹਾਰ ਦਾ ਸਾਹਮਣਾ ਕਰਨਾ ਪਿਆ। ਮਹਿਲਾ ਸਿੰਗਲਜ਼ ਵਿੱਚ ਤਾਨਿਆ ਹੇਮੰਤ ਅਤੇ ਅਨੁਪਮਾ ਉਪਾਧਿਆਏ ਵੀ ਦੂਜੇ ਦੌਰ ਵਿੱਚ ਥਾਂ ਬਣਾਉਣ ਵਿੱਚ ਸਫਲ ਰਹੀਆਂ। ਤਾਨਿਆ ਨੇ ਕੈਨੇਡਾ ਦੀ ਜੈਕੀ ਡੈਂਟ ਨੂੰ 21-13, 20-22, 21-14 ਨਾਲ ਹਰਾਇਆ ਜਦਕਿ ਅਨੁਪਮਾ ਨੇ ਆਇਰਲੈਂਡ ਦੀ ਰੈਸ਼ਲ ਡਰੇਗ ਨੂੰ 21-11, 21-11 ਨਾਲ ਹਰਾ ਕੇ ਬਾਹਰ ਦਾ ਰਸਤਾ ਦਿਖਾਇਆ। ਤਾਨਿਆ ਦਾ ਅਗਲੇ ਦੌਰ 'ਚ ਤੀਜਾ ਦਰਜਾ ਪ੍ਰਾਪਤ ਥਾਈਲੈਂਡ ਦੀ ਬੁਸਾਨਨ ਓਂਗਬਾਮਰੁੰਗਫਾਨ ਨਾਲ ਮੁਕਾਬਲਾ ਹੋਵੇਗਾ ਜਦਕਿ ਅਨੁਪਮਾ ਨੂੰ ਕੈਨੇਡਾ ਦੀ ਮਿਸ਼ੇਲ ਲੀ ਨਾਲ ਖੇਡਣਾ ਹੋਵੇਗਾ।
ਭਾਰਤੀ ਮੂਲ ਦੀ ਸਕੂਲੀ ਵਿਦਿਆਰਥਣ ਇੰਗਲੈਂਡ ਦੀ ਸ਼ਤਰੰਜ ਟੀਮ ਦੀ ਸਭ ਤੋਂ ਘੱਟ ਉਮਰ ਦੀ ਖਿਡਾਰਨ
NEXT STORY 
